كيدهن عظيم

٩

ام محمد الجبوريه

كيدهن عظيم

البارت ٩

☘️☘️☘️☘️☘️☘️

نظرت إليك بملايين الطُرق ، أحببتك في كل وحده اكثر واكثر ..

سديم : انخبصنه اليوم كلش يعني اليوم عدنا حرب البسوس اصبح عمي سوه ريم دوشك كتل والله كلت ماتطلع عدله وهيه الثوله خايفه عليه لاينجلط رغم كلنا نعرف ريم وكحه ولسان بس بنفس الوقت كلبها حنين بشكل
هو يضرب بيها وهيه تبوس بيدي وتريده يهدئ والله لو اني اضربه باي شي كدامي سحلها سحل وهيه تحرمصله لا يصير بي شي

انوب اجو اهل زوجه صادق اخذو الطفل من يمنه وهم سمعو امي كم حجايه
قهروها بيها كلش بدل مايشكرون منا شكد رعنات هيه وامها

الظهر ابوي طلب انظف البراني
وسحلت ريم وياي المهم لحد ما  كملنا ريم كامت تخط برجلها خطيه صعدت تنام وكالت لحد يكعدني لو يحترك البيت
اتركوني انشوى ولا تكعدني

اجو العالم وصارت الكعده مرتين عدنا  الكهوه

بعد ساعه تميم اجانا وطلب من امي تلبس عباتها ابوي يريدها بالصاله

طلعت اباوع ابوي ويا الشيخ مالتنا

حجو ويه امي وصعدت ربع ساعه ونزلت تركض ولمبايل بيدها وتزلغ بخدها

ابوي سائلها ريم بيها شي
اني رجلي ماتحملني بعد بس مااكدر اصعد الشيخ واكف بالصاله ويه ابوي

حجت امي

ابو نديم دبرني بيت اخوي محترك ومرته وجهاله ناقليهم بالاسعاف

ابوي راد يروح اللبراني يخبر خوالي لان خالي الزغير مسافر بعمل خارج العاصمه
بس الشيخ منعه كاله مانكدر نحجي اله نكمل شغلت بتك فشله وعيب من الجماعه اخاف يعتبرونها كذبه ويزعلون علينا وزحمه بحقنه نبقه نبرر وننطي اثبات

خويه ام نديم أن شاء الله بسيطه وربج يشافيهم ويعوضهم بس كليلي البنيه حاجيتيها وشنو جان جوابها نرجعه للعالم حتى نفضها مانتعطل على الجماعه

ام نديم والله خويه هيه مصخنه وصايره فرد نوب

من كتلها كالت بكيف ابوي

الشيخ :هذهو بيها الخير خويه الي فهمته منك ماعندك مانع اروح  ننطي موافقه للعالم ونترخص منهم وروح للمستشفى وان شاء الله ماكو شي

ابو نديم :رجعنه الموافقه للعالم  وقرينه الفاتحه على نيه التوفيق

وترخصنا منهم بعدما حجالهم  الشيخ القضيه

اصرو ابو طارق واثنين من ولده يرحون وينا

اخذنا ام نديم وينا وصلنا للمستشفى الحمد لله حروقهم طفيفه