كيدهن عظيم

١١

ام محمد الجبوريه

كيدهن عظيم

البارت ١١

☘️☘️☘️☘️☘️☘️

كل شي يتحول الى ماضي ...
الا الحضه التي ينكسر فيها قلبك تبقى حاضره الى الابد ... 💔

ابو ريمه: جنه كاعدين شياب المنطقه اني وكم واحد بالباب نسولف عن احوال البلد والوضع العام

جارنا الي بيتهم بصف بيت ابو طارق
اجا اتصال من اخو حجه ويا وبقه يستغفر
من كمل مكالمته الرجل تغير كلش حته تحسه وجه كبر سنين

حجينا ويا ردنا نفهم منه شكو

حجالنه شي وكف عقلنا معقوله اكو هيج بشر
جان ابو طارق كاعد وابن ابنه كاعد يمه وبيده مبايل الطفل تقريب عمره ست سنوات يلعب بهذا الجهاز واحنه نسمع الرجال

يحجي

يكول عندي بت اخوي كملت قانون
وهيه شاطره ماشاء لله
ابوها ساعدها فتحت مكتب

وصعد اسمها وتوفقت جانت تلزم دعاوي اشكال ماتتوقف عند نوع معين
ودئما تكسب الدعوه
لان اذا حست الي جاي يريدها ادافع عنه باطل ماتوكف ويا ابد

من خلال ندوه تعرف عليها ولد دكتور

صار تعارف بينهم
سئل عليها وعلى اهلها بالمنطقه وبمجال عملها كلها تحمد باخلاقها خطب الولد وحنه هم سئلنا الولد دكتور تخدير
واهله ناس عشائر يعني ابن ريف
وسمعتهم سابقتهم

صارت القسمه ازوجو

بيتها بوحدها صح ماطلعو من المنطقه
مالت اهله بس هيه بقت على وضعها سيارتها ومكتبها ودوامها
بالعكس جانو اهله يفتخرون بيها

اول سنه ماصار طفل عدهم والي يسئل يكولون احنه ماجليها هسه لان عدنا التزامات وسفر

مر ٣سنوات صار حجي من اهله شنو ماكو طفل تعرف عرب واهم شي عدهم الخلفه

اضطرت تراجع اكثر من دكتوره

حسب الفحوصات ماكو شي يمنع
من زادو اهله بالضغط عليها
باعت البيت الي يمهم واخذت بيت يم اهلها
غلطتها سجلت البيت باسمه

الحد فد يوم رايحه لزياره ويه صديقاتها بالطريق صار حادث
اثنين من صديقاتها توفن
وحده كسور عدها
وهيه تهشمن اكثر من فقره بضهرها
مو هنا المصيبه المصيبه يضغطن ع الحبل الشوكي يعني ممكن يسببن شلل الها اخذوها اهلها يمهم يداروها
ورجلها كل اسبوع يمر عليها

دزو تقاريرها للهند رجع الخبر الهم عمليه كبرى وتبديل للفقرات

عمليتها وعلاجها بالهند خمس اشهر
ويحتاجلهم بالقليل اربع دفاتر

حجو اهلها ويه رجلها كالهم ماعندي اني موضف يادوب راتبي ونصه سلف وهيه تعرف

ابوها عرض المكتب مالتها وسيارتها للبيع واحنه اخوته وخواته وخوالها ساعدنا بالي نكدر عليه