كيدهن عظيم

٧

ام محمد الجبوريه

كيدهن عظيم

البارت ٧

☘️☘️☘️☘️☘️☘️☘️

وجدت قلبك وحيداً فسرقته
والسرقه في الحب حلال

شكد اكو بشر حقير بس مثل مرة صادق ماشفت ولا راح اشوف

سمعت صوت صياح وعرك جوه
امي تحلف ماكو هيج شي

بس الحجي اخذها خطيه
نزلت عبالي عمي عرف علاقة تميم اخوي وبته

احنه جنه مدارين على علاقتهم لان عمي صعب شويه وماينطي بناته لمن يكملن دراسه ردناها لمن تتخرج نخطبها
نزلت اركض اريد اساند امي
بس حظي عاثر اول ماشافني عمي سحلني وين يوجعج
بس والله مانقهرت على روحي نقهرت عليه جان من يحجي حتى زباد يطلع من حلكه
ودم صاير

امي تريد تخلصني هيه وخواتي منه ومايهدني صرت شلون لعبه قماش اروح يمنه وارد يسره
بس اسمعه يكلي ليش شمقصر عليج ابوج
ولج حتى اخوتج يشتغلون وينطوج
ليش تنزلين روسنا

شقاصرج وتشتغلين خدامه ولج اعز بناتنا انتي الي نفتخر بيها وين مانكعد

ولج ماعندج اني عمج تعالي وكولي عمي ماعندي محتاجه
ليش هيج تنزلين روسنا لليسوه ولي مايسوه اليش ياعمي ولج من عرف لسه احس كلبي يريد نفجر ليش تنزلين روسنا ليش شناقصج مقصرين وياج

امي تكله مو هيج والله هيه ساعدتهم بس
مو انتم شفتو بعينكم وجنتو هنا من خابرت المره والجار حقه على الجار ياخويه

عمي جان يضرب بيه واني احرمص اله فدوه عمي ضغطك لا يصعد
عمي بعد عمري لا يصير بيك شي

والله مانقهرت على نفسي بكد خوفي عليه
عمي ماصر كم شهر مسويله قصطره

رغم كلشي هو حنين علينا ويخاف علينه مثل ما يخاف على بناته ولده

كعد يجر النفس كوه

ركضت جبتله مي وبقيت افرك بصدره وبوس بيده وهو يمسح بوجهي مقهور
عمي ماكو بحنيته بس الي سمعه صعب مو هين

ام ريم :اليوم مسويه ثواب للحجي والحجيه الله يرحمهم

وحمويني وحمواتي يمنا ولدهم

طلعت كم صينيه لجيران
اجت ريمه كالت بيت ابو طارق جنتهم تطلك وكلهم رايحين باقيه بس ام شهم بالبيت وخطيه طاكه البواري عليه وحايره
راح اروح اسويهن الها واجي بسرعه مااتاخر

هو احنه بالبيت اصلا معتمدين على ريمه بالتصليحات
ان جان بواري الماي كهرباء
حتى التنور والطباخ هيه تسويهن
اخذت عدتها وراحت

ساعه هيج ورجعت بدلت ملابسها وبقينه نحظر العشه

دك موبايلها من حجت ويه المتصل عرفتها ام شهم طلع ابنها مسوي حادث
رحنا وياها اخذنا حماي وريمه اخذت الطفل للبيت