كيدهن عظيم

٢

ام محمد الجبوريه

كيدهن عظيم

البارت ٢

☘️☘️☘️☘️☘️☘️☘️

" احترس من الصابرين، فإن نفذ صبرهم، حرقوا الموانئَ لا السفن "

ريمه :من شافتني امي تخبلت وصاحت الاختي سديم جيبلها عبايتها حتى اروح للمستشفى

كتلها مابيه شي هسه اسبح واصير احسن

بس هذا ابنج ولا عليه اعتماد ساعتين منتظرته انسلكت من الحر

كعدت امي وبقت ادك على رجلها وتبجي
ولج هو احنه نسيناج اصلا

بعدني اريد احجي واتعارك وياها شنو نسيتوني
سبقتني ام ليث خيه ماكو خبر عن تميم

الام :لا والله ولا خلوني اروح وياهم
كلبي مفرفح عليه

ام ليث :مابي شي ان شاء الله

ريمه :بهتت ماعرف شحجي كتلهم شبي تميم وين اخذو كل اعتقادي ماخذي الشرطه او شو شنو عادي اصير
لان احنه بالعراق

حجت سديم
جاي يسوي بالمبرده وتكهرب

ونظرب بالدنكه مال كراج
اخذو سابح بدمه ولسه مااجو
تحجي بفهاوه عبالك جاي تحجيلي خبر من التلفزيون لو شو شنو
ريم :شنو هذا البرود بكل فهاوه تكلي تكهرب وخذو سابح بدمه تحجين صدك انتي تشاقين ونوب

وكاعدات بكل اريحيه اجيبلجن كرزات عصاير شي تحلن بي شكد باردات الخاطر النبي

ولتفتت على امي شو كومي خلي انروح نشوف الولد شبي مابي

الام : ولج يمه شمدريني وين اخذو
ريم :وين ياخذو غير للمستشفى

الام :رحت وراهم للمستشفى مالكيتهم

بقيت مربطه مااعرف شلون اصرف النوب مامخذين وياهم مبايل
وَاني منا هم مضروبه جسمي مكسر
وطالعه بدون ريوك والساعه صارت بالوحده
احس الدنيه كام تفتر بيه وعبالك ستار نزل على عيوني

كعدت اني بالمستشفى ومعلكلي مغذي ومضمدين إصاباتي وامي وام ليث يمي يحجن

ام ليث : جنت طالعه اريد اروح البيت ام نديم جيرانا خطيه ابنهم اتكهرب وشالو بالبطانية
ويه طلعتي وشوفلك  ريم بتهم ضربها ولد صاعد دراجه يبوووو شيخلصك يمسكين

كومتها واني احجي بداخلي شجاكم اليوم مضروبين اكس معدل

بس هذي العرمه نستنى اكلها على اخوها سحلت الولد سحل بلسانها
وهو فاهي بس صافن عليها مدري انسطر مادري داخ مدري شبي

هيه رويمه حلو صح بس مضيعه حلاوتها بعرامتها ولسانها الي جنه منشار

انتبهت شعرها طالع الظاهر من وكعت قرأصتها انفتحت عدلته الها ودخلته جوه الصايه