တမာရဲ့ကမ္ဘာ…
အပိုင်း (၂)
“ကြေးတမာ မင်းကဘယ်လိုမိန်းကလေးမျိုးလဲ”
“ဟာ ဘလိုင်းကြီး သူများအခန်းထဲဝင်လာပြီး ဘာတွေလာပွားနေတာလဲ”
“ဒီမှာမင်းခုတလော ဆရာမတွေရဲ့ အဆောင်ရှေ့မှာ ဂီတာသွားသွားတီးပြီး သီချင်းတွေအော်ဆိုနေတယ်ဆို “
“အဲ့ဒါဘာဖြစ်လဲ”
“အေး ငါ့သူငယ်ချင်းတွေတောင် ငါ့ကိုလာပြောနေကြပြီ။ မင်းကိုယ်မင်း မိန်းကလေးဆိုတာရော သိသေးရဲ့လား။”
“မိန်းကလေးဖြစ်တော့ဘာဖြစ်လဲ ကိုယ့်ဘာသာဆိုချင်လို့သွားဆိုတာ ဘယ်သူ့ဂရုစိုက်ရမှာလဲ”
“အေး မင်းကဂရုမစိုက်ပေမယ့် မင်းမှာမိဘရှိသေးတယ်။ မင်းကသပ်သပ်မဲ့ ငါတို့ကိုသိက္ခာကျအောင်လုပ်နေတာပဲ။”
“အဟက် ခင်ဗျားပါးစပ်နဲ့ သိက္ခာဆိုတဲ့စကားက မအပ်စပ်လိုက်တာ”
“ဘာ မင်းဘာပြောတယ် ရိုင်းလှချည်လား”
“ ခင်ဗျားထင်တာထက် (၂) ဆရိုင်းတယ်နော်အဖွားကြီး”
“ဟဲ့ငါက မင်းကိုကောင်းစေချင်လို့ပြောနေတာ”
“ဘာကောင်းစေချင်တာလဲ။ လျှာရိုးမရှိတိုင်းလာမပြောနဲ့ တမာတို့ကအဖေဆိုတဲ့လူရဲ့ စကားတောင်နားထောင်တာမဟုတ်ဘူးနော် အေး ခင်ဗျားလိုမိထွေးမျိုးကနားလာငြီးနေတာကိုလည်း သည်းခံမှာမဟုတ်ဘူး”
“မိန်းကလေးဖြစ်ပြီး လက်မှာလည်းတက်တူးကအပြည့်၊ အချိန်ပြည့် ယောကျာ်းလေးတွေတရုန်းရုန်းနဲ့”
“အဲ့ဒါဘာဖြစ်လဲ ခင်ဗျားအပူပါလား”
“အေးပါ ငါ့အပူမပါပေမယ့် အချိန်မတန်ခင်ဗိုက်တစ်လုံးပူပြီးကျန်ခဲ့မှာစိုးလို့ ပြောနေတာအေ့”
“ဟာ ဒီအဖွားကြီး တော်တော်သောက်စကားများတာပဲ…သွား ခုချက်ချင်းထွက်သွား။ “
အော်လည်းအော်ပြီး ကုတင်ခေါင်းရင်းနားမှာ ထောင်ထားသည့်ခေါင်းအုံးတွေနဲ့ပါ ကောက်ပေါက်မိလေတော့သည်။ အဖွားကြီးလည်းအခန်းအပြင်ကို ကမန်းကတမ်းထွက်ပြီးမှ ပါးစပ်ကစက်သေနတ်ကဲ့သို့ ကျိန်စာတွေတိုက်သွားသေးသည်။ လူကြီးတစ်ယောက်ကို အော်ပြီးခေါင်းအုံးနဲ့ပေါက်တာက ဘယ်လောက်တောင်ရိုင်းစိုင်းတဲ့လုပ်ရပ်မှန်း တမာသိတာပေါ့။
ŞİMDİ OKUDUĞUN
"တမာရဲ့ကမ္ဘာ"
Romantizm"တမာရဲ့ကမ္ဘာ" ကဆရာမနဲ့ခပ်ဆိုးဆိုးကျောင်းသူလေးကြားမှာ ဖြစ်တည်လာမယ့် GL အချစ်ဇာတ်လမ်းလေးပါ။ (၂၀၁၀-၂၀၁၁) ခုနှစ်တွေဆီကိုဦးတည်ရေးထားတာမို့ ခံစားအားပေးကြပါဦး။ အားလုံးကိုကျောခိုင်းထားရင်တောင် ခင်ဗျားရှိတဲ့အရပ်ကိုတော့ ကျွန်တော်က မြတ်မြတ်နိုးနိုး မျက်နှာမူ...