Daddy Aesthetic​ (Daddyဗေဒ)

Episode 21

ဒီနေ့မနက်ခင်းဟာမြူတွေဆိုင်းနေတာမို့..
ပုံမှန်မနက်ခင်းတွေထက်ပိုပြီးမှောင်နေသလိုပင်

မနက်တိုင်းလိုလို ခလေးသည် အိပ်ရာထဲကွေးနေချင်ခဲ့ပေမဲ့ Da Da ရဲ့ အပါဆွဲခေါ်မှုကြောင့်
အိပ်မှုန်စုတ်ဖွားနဲ့ ကျုံးဘေးကိုလိုက်လာခဲ့ရပြန်သည်

တော်တော်လည်းထနိုင်တဲ့လူကြီး

တစ်ရက်တစ်လေလေးတောင်
အိပ်ရာပေါ်ကွေးနေဖို့အဖော်မရ

" ခလေးအမြဲအိပ်နေမယ်ဆို ဗိုက်ခေါက်တွေထွက်လာမှာပေါ့ တော်ကြာ ခလေးကိုDa Da ထက်အသက်ကြီးတယ်လို့သူများတွေထင်ကြရင်ဘယ်လိုလုပ်မလဲ"

Da Da အပြောကြောင့်ခလေးဟာစိတ်ဆိုးဆိုးနဲ့ အရပ်နှင့်မှီရာဖြစ်သော လက်ဖျံကို ကုန်းကိုက်တော့သည်

" နာတယ်ကွ ခွေးပေါက်စလေး"

Da Da သည် သူ့အရပ်ကြီးနှင့် ခလေးကိုက်လို့မရအောင် လက်ကိုမြှောက်ကာခြေဖျားပါထောက်ထားသေး​၏

" Da Da နော် လက်မကိုက်ရရင်မမှီမှီရာကိုက်မှာ"

ခလေးအပြောကြောင့် Da Da ဟာတဟားဟားရယ်ရင်း သူ့လက်ကို ပါးစပ်ရှေ့ထိုးပေးသည်

ကြည့်ရတာ Da Da သည် ဟိုညကအကိုက်ခံလိုက်ရတဲ့ကိစ္စကိုသတိရသွားဟန်တူ​၏။

" အိပ်ချင်တယ် မလျှောက်ချင်တော့ဘူး
ဗိုက်လည်းဆာတယ်"

သူကလမ်းလျောက်ချင်သေးပေမဲ့ ခလေးဟာဂျီကျနေတာမို့ဆက်လျောက်လို့မဖြစ်တော့ပါ

" ကလေးစုတ်လေး ဒါဆိုကမ်းနားဘက်ကခိုတောင်မုန့်တီလိုက်ကျွေးမယ်"

ထိုင်းကပြားမလေးသည် မန္တလေးမုန့်တီကိုတော့အသေကြိုက်သည်

ခိုတောင်မုန်တီအသံကြားတော့ " ရေး" ခနဲထအော်တော့လေသည်။

Da Da သည်ဆိုင်ကယ်ဦးထုပ်ကို မေးသိုင်းကြိုးဂရုတစိုက်တက်ပေးရင်း အစားစားရမှာမို့ပျော်နေသောခလေးရဲ့ပါးနှစ်ဖက်ကိုခပ်ဖွဖွဆွဲလိုက်သည်