Daddy Aesthetic​ (Daddyဗေဒ)

Episode 28

တစ်ညနေလုံးအိမ်ထဲကအိမ်ပြင်မထွက်ပဲ
Oven တစ်လုံးထဲ မုန့်ကိုထည့်လိုက်
တူးသွားလိုက်
နောက်တစ်ကြိမ်ပြန်ကြိုးစားလိုက် လွှင့်ပစ်လိုက်နဲ့ အလုပ်ရှုပ်နေသောခခသည်
​အကောင်းဆုံး Cake တစ်လုံးကိုရရှိစေရန်အကြိမ်ကြိမ်ကြိုးစားနေခြင်းပင်ဖြစ်သည်။

" Cream များရင်သိပ်စားမှာမဟုတ်ဘူး
သူက ကြီးကြီးကျယ်ကျယ်
ကျန်းမာရေးလိုက်စားသူကြီး"

တစ်ယောက်တည်းနှုတ်ခမ်းလေးဆူကာပြောရင်း
ပြတင်းပေါက်မှ မီးလင်းနေဆဲဖြစ်သည့် ထိုလူကြီး​၏  အခန်းပြတင်းပေါက်ကိုငေးကြည့်လိုက်မိသည်

Da Da သည် သူ့မွေးနေ့ကို လူသိမခံပေ
ခခတောင်ပါပါ့ထံမှမေးရင်းစုံစမ်းထားရတာဖြစ်သည်

ခခထင်တာတော့ ဒီလူကြီးဟာ သူအသက်ကြီးလာမှန်း သူများသိမှာကြောက်လို့ထင်​၏
တစ်ခါမှမွေးနေ့လုပ်တာလည်းမမြင်ဖူးပါ

လူတော်တော်များများက Da Da ကို Vampire ဟုပင်ပြောကြသည်။

သူတို့ကလေးအရွယ်တုန်းက ကြော်ငြာတွေ TV channel တွေပေါ်မှ Da Daရုပ်သည်
သူတို့ကလေးတွေရပြီး TV ပြန်ပြတဲ့အရွယ်ထိမပြောင်းလဲလို့ဖြစ်သည်။

" ဟင် မီးပိတ်သွားပြီ"

ကြည့်နေရင်းတန်းလန်းမှ မီးပိတ်သွားတာမို့ ခခဟာအလိုမကျဖြစ်သွားမိသည်။

သူမကတော့အိပ်ရဦးမည်မဟုတ်
မနက်ဖြန်ရောက်လာမဲ့ မွေးနေ့အတွက် ကိတ်လှလှလေးထွက်လာဖို့ကြိုးစားရဦးမည်ဖြစ်သည်။

                              ..................

အိပ်ရာနိုးတော့မနက် ၁၀ နာရီ

လမ်းလျှောက်မထွက်ခင်အမှီသွားပို့မယ်ပြင်ထားသော ကိတ်မုန့်သည်အခုဆိုနေ့လည်မှပို့ရတော့မည်ဖြစ်​၏

မျက်နှာသစ်
ရေချိုး အလှဆုံးပြင်ဆင်ရင်း
ကိတ်မုန့်လေးကိုဘူးလှလှထဲထည့်သည်။

ကိတ်မုန့်သည်အနည်းငယ် ပုံစံမကျပေမဲ့အရသာကတော့ရှယ်မို့ ယုံကြည်ချက်အပြည့်ပင်ဖြစ်​၏

မရဲတရဲနဲ့ Da Da အိမ်​ရှေ့သွားရပ်လိုက်တဲ့အချိန်မှာ

ညီညီညာညာချွတ်ထားတဲ့ ဒေါက်ဖိနပ်တစ်ရံကြောင့် စိတ်ထဲမှာသိမ့်ခနဲဝမ်းနည်းမိရတော့​၏။