البارت الثاني
وغابت شمسها
للكاتبة حوراء الموسوي
اسعد الله مسائكم بكل خير أحبتي 🌹
ملاحظة ( جماعة الواتباد تره تفاعلكم يرفع الضغط كلش دتضوجوني وبسببكم مدانزل لان اتعب وانتم تقرأون وتطلعون لا تعليق ولا تصويت ومااعرف ليش هالحالة مع العلم داشوف هواية قصص كاتلين نفسكم كتل وطبعا اني عندي اهم شي متابعاتي الي ديتفاعلون وهاي نزلت الخاطرهم
كل ميكون التفاعل ضعيف اتأخر بلتنزيل هذا شي يعتمد عليكم..)
#مني وبيه چانو #طينتي و دمي
من چانت #الخنگه تهون من #ينجاب طاريهم
من #چانت أذا ضاعت #ونستي تضوّي #أساميهم
من چنت أدري #كومه وجوه غير #وجوههم تسوه
#بس ظليت أداريهم
چنت #وياهم و بيهم
چنت متونّس #بروحي
#وحرگت بروحي بس #حسيت
خيط برودة مر #بيهم
#أعز من #روحي شأنطيهم..!؟
الما #صارو گبالي بأصعب #فترة من #عمري
عليمن #مستعز بيهم..!؟
#هذا العوز لبنادم
مثل #الطين مايستر مشي #الحافي
"كل مرة أنظر فيها إلى الماضي أتيقن أنني كنت محاربًا قويًا، انتصرت على نفسي كثيرًا في أمور كنت أظن أن بنهايتها ينتهي الكون، وها أنا هنا أبدأ من جديد كل يوم"
بعد فترة من الزمن رجعت امي برجلها جابتها جديتي ام فلاح حالها حال اليتيمة لان محد يتكفل بيها واستقبالهم الها مؤقت بجهود خالاتي المصون توسلت بابويه ورجعوها وابويه بلشافعات اتقبل دخولها للبيت يفيك براسهم بعدين وافق وحتى مسلم على امي
عافتها جديتي ام فلاح وطفرت حتى متغدت هنا احنا هنا بسنة ال ٢٠٠٤ خلصت الحرب واستقر الوضع نوعا ما افضل
رجعت امي لحياتها القديمة رضت بلامر الواقع ماعدها غير حل استسلمت اله وسلمتني بأيد ابويه يتفنن بعذابي..
ابويه نفس التصرفات يكسر ويصيح وكلام بذيء يصول ويجول متغير بل زاد أضعاف من شاف امي أهلها ذلوها ورجعوها خلو مقامها بلحضيظ يعني هي والماكو سوه كدام ابويه
حتى كدام الخطار يفشلها بكل عين صلفة مره من المرات كدام مرت عمي مهدي امي تسولف ويه مرت عمي فهو انزعج كلش من صوتها
جان يكلها
عبد الرحمن : اسكتي هيوو شنو عطشانه سوالف طيح الله حظج وحظي الخلاني اخذ هيج مره
خله الكل يباوع عليها بنظرة احتقار ممزوجه بعطف
اباوع لأمي صار وجهه مثل النومية من الموقف الخلاها بي
كبرت صار عمري ٥ سنوات ابويه وين ميشوفني لو يضربني على راسي لو راشديات تعودت ع الوضع كمت من اشوفه احظر نفسي للضربة
ميخليني اكل وياهم من يكملون اكل اليبقى الفضلات مالتهم ينطيناها واكل بره مو بالغرفة تلعب نفسه من عندي
