البارت الثاني عشر
وغابت شمسها
للكاتبة حوراء الموسوي
صباح الورد والياسمين على احلى متابعين صيام مقبول يارب
شوفوني تفاعلكم وتعليقاتكم الحلوه ❤️
انه مو واحد #فقير ....
انه واحد نص فقير
عدنه غرفه بنصها بيت .. ولو نوينه ننام #نوگف !!!
'' والله ليباوع علينه يگول حسبالك صور ''
فرح : ضليت كاعده بزاوية الغرفة جعت كلش بطني ضلت تصيح انتبهت عليه أنفاسه صارت عاليه يعني نام
تسحبت على طرف اصابعي سحبتها للصينية سويت لفه ع سريع حتى منتبهت شخليت بيها جان الضوه مطفي المهم أسد جوعي
رجعت كعدت مكاني اكلتها ع سريع دموعي تنزل ويه كل لگمه
تعبت من الطم على وجهي والبجي محسيت اله نمت للصبح كعدت على صوت مزعج كلش حسيت نشكت طبلة اذني تمنيت اكعد وافتح عيوني والكه كل هذا كابوس وانتهى وراح اكعد الكه وجه امي وبنين كبالي ركزت بلصوت صوت عمتي ضليت افتح عيوني واسدها بيها غواش ومورمه كلش كوه تنفتح صفنت على نفسي ولا واحد من اهلي لا ام لا اخت مصدكو يشمروني
عادتا اهل العروس الصبح يكونون موجودين اني ولا طير منهم
ولو يا عروس؟ وينه العرس
كمت بسرعه من فراشي رغم اذيتي وكسرت النفس الاني بيها مجبوره انزل غسلت وجهي بلبلكون مالت الغرفة بدلت ملابسي وجه شاحب عبالك ميته
بعدني امشط بشعري تكسر الباب فزيت من صفنتي فتحته
ريناد : عمه فلح بيبي دول علوسه انزلي ( عمه فرح بيبي تكول خل تنزل العروسه) خطيه متعرف تحجي حجيها مكسر بنات قاسم هذي الزغيرة اسمها ريناد عمرها ٣ سنوات وشويه
و الجبيرة زهراء عمرها ٥ سنوات
كلشي مخليت بوجهي ولا قطره مكياج مجرد رتبت ملابسي وخليت شال على راسي ونزلت بعدني ع درج لاكتني اخته ع درج فتحت عيونها مصدومه
سجى : يمعوده شنو هذا وجهج يمنه خطار يردون يشوفوج كل عقلج تنزلين هيج؟
سحبتني من ايدي اخذتني للغرفة
أني مثل الآلي رحت وراها كعدتني ع الجربايه خلتلي مكياج كلساع تنزل دموعي ويخرب المكياج صفنت عليه جان تكول
سجى : اكلج فرح شنو انتي اهلج جابريج ع الزواج؟
فرح : سكتت
سجى : مااعرف شنو فلمج وضعج مريب بس تره اخوي حباب يريدله وحده تكسبه ثانيا اني هم تزوجت واني زغيره بس هسه زوجي بالنسبة اليه الهوا الاتنفسه
فرح : كوه تحملتها بودي أكوم اسحلها واذبها بره
حجيت بكلبي قابل عشتي مثل العشته لو بيوم وليلة شمروج عد رجال اكبر منج بعشرين سنة والله يالله
