البارت الثالث العشر
اسعد الله اوقاتكم بكل خير احبتي 🌹
للكاتبة حوراء الموسوي
اسفة ع الانقطاع مو بأرادتي اجاني نونو جديد ع العائلة ونشغلت ويا وهسه داحاول انظم وقتي واريد منكم ترفعون القصة حتى يرجعلي الحماس للكتابة.. القصة بعدها بداية جدأ مشوقة البارتات القادمة وحبدأ شويه اذكركم من البداية قراءة ممتعة ...
رغم صغر سني..
تعرضت لأبشع مواقف الحياة...
وعندما أقول لهم اني متعبة..
يقولون!
ماهو المتعب وانتي لم تدخلي العشرون عاماً ؟!
حسنا ..
سأفهم انا ما تقولون
ولكن هل الحياة ستفهم انتي صغيرة ؟
تذكير الكم اني فرح ازغر بنات عبد الرحمن وسهاد وذكرت الكم حياتي التعيسة وكره أبويه الي ومعاملته القاسية الوحشية وشلون خلاني اتجهه لكل شي بالدنيا غلط وأحبه اجربه واخر المطاف زوجني لكرايبه اكبر من عندي بعشرين سنة ومنفصل مرتين وعنده ثنين بنات واني كله عمري ميتجاوز ال 15 كل هذا وبعدها الدنيا مفاكه من عندي ياخه واووف من الدنيا..
ثاني يوم كملت شغل وكاعده بغرفتي اجتني سجى بوجه لطيف وتضحك مو مثل كل يوم عابسه وجهه
سجى : اكلج فرح اني مقهوره عليج اشوفج ضايجه يوميه حياتج نفسج الشي
فرح : لعد شسوي وين اروح غير هو هذا نظام بيتكم
سجى : يمه يمه من لسانج ليش عيني شنو معاجبج نظام بيتنه ع أساس جنتي عايشة بنص المنصور هم زين يوميه احد يعطف عليكم ويعيشكم بمدرسة لو حسينية لو خرابه اسكتي حبيبه تره كلشي ندري عنكم سمعتكم سابقتكم وضحكت نص خد
انوب كملت عموما مو هذا موضوعنه اني كسرتي خاطري واريدج تتسلين
طلعت جهاز حديث من ملابسها
سجى : هاج هذا جهاز وخط ودخلتلج رمز الشبكة تواصلي ويه اهلج اخواتج شنو قابل انتي وحد عن البنات
بس ها ديربالج يدري قاسم هذا الشي بيني وبينج مو تخلينه يلزمج يمعوده
وضحكت ضحكة صفره مسمومه اني طبعاً عبالك بس جسد لا فكرت ولا حكمت عقلي انو تنطيني جهاز جديد وخط ونت قابل محبة مثلا ؟
أني الغبيه اخذته بسرعه مصدكت انطتني جهاز...
سجى: اي عيني فروحه اخذي تونسي لعد المن معلكين راوتر شكبره شكده غير حتى نتواصل ويه احبابنه ومبين أنتي مفارگه الحبيب ههههه وغمزت بعينها
فرح : فتحت عيوني مصدومه كل ظني تدري بيه أحب يحيى عقلي طفولي عقل مراهقه أخخ لو بهذا عقلي والوعي العندي افكر مليون مره قبل لا انطق الكلمة أو اتصرف اي تصرف تجمدت رجليه اريد اتحرك مااكدر ضليت صافنة بوجهه مااعرف كل ظني كشفتني أو خالاتي بلعرس مسولفات الهم لان يسووها ويسوون الأكبر شجاوب اصلا اني مااعرف احجي بسبب ضرب ابويه إليه وظروفي العشتها خلتني منطويه ع عصبية ع توتر من أبسط كلام يحجي المقابل اتوتر ارتبك اتعلثم واضل افرك بأديه تصير عندي ردود افعال غريبة العنف والمعاملة القاسية اعقل انسان بلكون تحوله الى شخص مختل غريب الأطوار ويسوي كلشي ممنوع يسد النقص البداخله.. واخر حركة سووها اهلي زوجوني غصب واني زغيره تحطمت وصرت مجرد جسد بلا روح إحساس صعب اوصفه الكم يردون يتخلصون مني اني مثل المكطوع من شجرة وهمين المكطوع من شجرة افضل
حتى من القهر العايشته صرت اشبه المومياء ضعيفه حيل وسمرة صعب جداً صعب اعبر عن العشته بكلمات ظروفي قاسية وبس الله يعلم بيها
