البارت الثالث
وغابت شمسها
للكاتبة حوراء الموسوي
مساء الورد والياسمين 🌹( سبب تأخيري عليكم اولا التفاعل الضعيف اليقهر الي ميسوي واهس ابد ثانيا حالتي الصحية متسمح وكلش تعبانه يعني ابدا مااكدر اكتب بس استعيد صحتي اكمل وياكم ان شاء الله وهذا البارت كتبته حتى لا اكطع وياكم فدنوب) مودتي ❤️
انا المجتوف ما يفتك
انا الينشاف جنه بخير
انا الجذاب من يضحك
انا الضايع كحل بليل
انا المبيوك انه المامش
انا البس اسمه بشر عايش
انا الخلكه ظرف مشكوك
انا الثكلت عليٰه روحه
انا الكل تايه وكل عابره تلوحه
انا المتروس صدره عتاب
انا العينه عله دكت باب
انا المادري شكبره
انا الباكه بياظ الشيب من عمره
انا الضاعن احلامه طيور
انا الماله عمر يسوه
انا الفدوه
انا الحته احله ايامه كظن كوه
انا الينشد
انا اليفكد
انا المتركد تركد
انا الينلجم من الريح
انا الوي الغروب يطيح
انا البس بلحزن ينكال
انا البلغربه يتغنه
انا المايوم جفه تواعد بحنه
انا المدري عدل ميت
انا الماينشد عنه ....
فرح : اول يوم بيت هالة ضليت متربصة بيهم اجو اخوان زوجها من الشغل متعودين يخلون المحفظة مال الفلوس ع الميز.. عدهم ميز بلاستقبال مالتهم خلو كل واحد محفظته فوكاه
وبما انو اني عمري ٦ سنوات ومحد ينتبه لوجودي بحكم بنية جسمي الضعيف تسللت مثل الحراميه وخفت ايدي ساعدتني
اخذت من كل محفظة ٥ آلاف والاف خرده محسبتهن بسرعة ضميتهن بجامة التراك الابسته
َطلعت عادي من الاستقبال ولا كأنما مسويه شي رحت العب بلعيبات بتهم الزغيرة
اني حتى اكل ابوك محد علمني اطلب الشغلة تعلمت أخذها بدون علم صاحبها
دخلت للمطبخ الساعة ب ٦ ونص العصر جعت كلش وهمه عشاهم يتأخر
شفت طاوه مغطايه بخبز وخرت الخبزه لكيت فخذ دجاج مشوي وسوب بكاسه زغيره اخذت نص الفخذ خليته بلخبز اكلته ع سريع وشربت نص كاسة السوب مسحت حلگي بردان التراك طلعت من المطبخ ع سريع قبل لا أحد يشوفني
صعدت فوك يم هالة حامل ومريضه كملت شغل وصعدت تنام شافتني دخلت عكدت حاجبها
هالة : فرح وين جنتي؟ لا تضلين تفترين بيتهم ذوله حرشه مشايفه اذا ضاجوا منج شيسوون كعدي وسكتي هنا لا تنزلين اني اجيبلج التردي
غلست مهتميت الهالة ولا رديت عليها
كعدت اباوع تلفزيون
