البارت الأول 🌺
وغابت شمسها
للكاتبة حوراء الموسوي
اسعد الله مسائكم بكل خير أحبتي ❤️
هل قصة تعبت اعصابي شكد ما بيها مشاهد صعبة دارتب المواقف والتواريخ واذا مشفت تفاعل تعذروني مااستمر بيها قدروا تعبي حتى انزل يوميا...
آﻻ يآعآﺯﻑ آﺣﺰآﻧﻲ ﻋﻠﻰ ﻟﺤﻦ آﻟﻔﺮﺡ ﻟﻠﻨﺎﺱ
ﺑﺪﺃ ﺻﻤﺖ آﻟﺤﺰﻥ ﻳﻨﻔﺾ عني آﻟﻜﻠﻤﻪ ﻣﻌﺎﻧﻴﻬﺎ...
ﺷﻌﻮﺭﻱ ﺑﺎﻷﻣﻞ ﺫﻛﺮﻯ ﻟﻴﺎﻟﻲ ﻋﺸﺘﻬﺎ ﻓﻲ ﻳﺄﺱ ﺧﺬآﻧﻲ ﻋﻄﺮﻫﺎ آﻟﺪآﻓﻲ ﺣﺴﺒﺖ آﻥ آﻟﺮﺟﺎ ﻓﻴﻬﺎ...
ﺗﻤﻌﻦ ﻭﺃﻟﻤﺢ ﻋﻴﻮﻧﻲ ﻭﺣﺲ ﺑﺤﺮﻗﺔ آﻻﻧﻔﺎﺱ
ﻣﺂﺳﻲ ﻭآﻷﻣﻞ ﻣﺮﻛﺐ ﺗﺤﻄﻢ ﻓﻲ ﻣﻮآﻧﻴﻬﺎ...
ﺗﺠﺮﻋﺖ ﺑﺴﺒﺐ ﺻﺒﺮﻱ ﻛﺜـﻴﺮ ﻭﻗﻠﺖ ﻟﻪ ﻻﺑﺎﺱ
ﻣﺎ ﺩآﻡ آﻧﻪ ﺩﻭﺍ ﺟﺮﺣﻲ ﻭﻷﺣﻼﻣﻲ آﻣﺎﻧﻴـﻬﺎ..
ﻳﺬﻛﺮﻧﻲ ﻫﺒﻮﺏ آﻟﺮﻳﺢ ﻋﻨﺎﻱ ﻭﺭﺟﻌﺘﻲ ﺑﺄﻓﻼﺱ
ﺃﻻ ﻳﺎ ﻋﺎﺯﻑ آﺣﺰآﻧﻲ ﺣﻴﺎﺗﻲ ليه ﺗﻨﻬﻴﻬﺎ....
قد جف حبر التمني فليكتب القدر مايشاء 💔
اني فرح عبد الرحمن عبد الله ازغر بنت ومسك الختام بلنسبة لأمي سهاد واخر العنكود مثل ميكولون ولدت بسنة 1/1/2000 أخ من الدنيا وعادتا ازغر طفل والأخير يكون بحلگه ملعقة من ذهب مدلل محبوب اني العكس ابويه جان يشوف عزرائيل وميشوفني جان ميدري بحمل امي كل ظنه تاخذ مانع يعني بدون علمه حملت بيه لان شافت زوجة عمي مهدي حملت امي غارت وجربت حظها عسى ولعل يجيها ولد وهم طلعت بنية اجيت اني للدنيا سمتني فرح ولو مسميتني حزن شجن دموع هوايه احسن احس هيج اسماء تناسبني.. مااعرف امي شجانت تفكر من اختارتلي اسم فرح!!! طولي ١٦٢ حنطاويه مرات اصير بيضة ههه وزني ٦٥ عيوني كبار كلش شعري طويل تحت الارداف اسود فاحم الكل تحسدني عليه لان موكعت منه شعرايه وحده بلرغم من ظروفي الزفت معتنية بشعري لاخر حبة اشبه ممثلة تركيه حسب أراء الجمهور اسمها هاندا نزلت صورتها بقصة لم يكن ذنبي نوعا ما من جانت سمينة اشبهه
لماذا ياامي؟ لماذا؟
لماذا ولدتيني بلا ظفر ولا ناب؟
لماذا لم تعلميني اناطح الثيران وابقر بطون الذئاب؟
اول شهرين عشتهن وحسب محجولي اخواتي وامي انو ابويه يحوم عليه يريد يموتني واني بلمهد! وامي تسهر ليل كله تحميني من عنده اوف يايمه شجازيج والله لو انطيها من عمري قليلة بحقها
جانوا اهلي بوقتها توهم منتقلين حراس للمدرسة
اكو منظفات خدمة ينطن لأمي ملابس وحاجات يعطفون على حالة امي و اخواتي والي صار حسب محجولي كل اتي
فديوم كآي طفل بعمر شهرين يعيط ويبجي وهذا شي طبيعي تعرفه كل الأمهات ابويه المصون دايخ من الصوت بسببي ومقرر عليه قرار تعسفي وجان القرار انو كعد من الصبح ويهز برجله من شاف امي ترضع بيه ومهمة بيه كلش شاف ام قاسم العاملة اجت دتاخذ مكنسة وشغلات التنظيف...
