وغابت شمسها

البارت السادس

البارت السادس

وغابت شمسها

للكاتبة حوراء الموسوي

اسعد الله مسائكم بكل خير🌹( تاخيري بسبب تفاعل الواتباد الضعيف ارفعوا القصة مثل مترفعون بقية القصص حتى اكمل وانزل يوميه لان متسوون واهس للكتابة)

#عفيه_دنيا_الما_شفت_بيهه_حنان..

#وعفيه_دهري_الليطحن_بگلبي_طحن..

#وعفيه_وكتي_هواي_شوفني_الهموم..

#وردت_اضوگ_الفرح_ضوگني_الحزن..

#وجذب_كلمن_گال_غابه_الدنيا_هاي..

#لا_وحق_الله_ترى_الدنيا_سجن..

طفلة مراهقة وشفت انواع العذاب النفسي والجسدي
الي عشته بطفولتي ومراهقتي والعذاب الضكته مااضن بشر منكم يكدر يجرعه ويكمل حياته طبيعي ويوكف على رجليه وهاي اني بعدني اقاوم واحاول اعيش...

نسيت شي اسمه ابتسامة او ضحكة اصلا اني مااضحك لان ابويه مسوي حياتي جحيم حتى ممخليلي وقت اضحك

احنا عائلة متفككه لا بيت دافئ لا ام لا اب لا اخ مجرد اخوات نحاول وحده تسند الثانية وهذا أضعف الإيمان

الكل متربص بينا ومنتظرنه نغلط حتى لو خطأ بسيط في سبيل يعاقبونه أشد العقاب هذا حال ابويه وبسام واكفين النا مثل الجلاد..

َمحد نصحنا او ربانه تربية صحيحة اب ايده والكتل ماعنده شي اسمه كلام او تفاهم..

يجوز هسه تكولون معقولة اكو هيج اب ماعنده حنيه على بزرته اي نعم ابويه معتبرني لقيطه ومستبعد انو اني بنته ومن دمه ولحمه ومتهم امي بالخيانه بنظره مدري منين جابتني هذا رأيه سمعته مره يحجي ويه امي بهذا الموضوع اوووف من الدنيا وذلتها

فرح : الساني الطويل وغبائي وتسرعي وحبي للفلوس والفيكه وتفشخر بعدين دفعت ثمنه طول عمري دخول الموبايل بحياتي وكعني بمتاهات مستحيل أكدر اتعداها

ضليت على تواصل ويه كرم بلبوگه اتسحب واحجيله كل حرف يصير بيتنا وتفاصيل حياة حنين

كرم حب حنين حب مستحيل أكدر اوصفه جان مباريها مثل الام من تداري طفلها بس كلشي بالقسمة والنصيب

مرت الايام وشلنا من المدرسة مثل متعرفون كعدنه بلحسينية

وصارت أحداث حنين وعمر زودت بلكلام ولفقت على حنين بيوم سألني كرم

كرم : اكلج فرح حدزلج رقم شوفي محفوظ بجهاز حنين وهم اكو مكالمات او رسائل بعد اخوج حعتمد عليج

فرح : صار دزه

بحكم غبائي وطيشي مجنت اعرف انو دأذي اختي بهذي التصرفات

دزلي الرقم كرم خليت حنين تدخل للحمام ركضت اخذت جهازها دورت لكيت الرقم محفوظ عد حنين مكتوب عليه علياء واكو رسائل سلام وسؤال