البارت الرابع
وغابت شمسها
للكاتبة حوراء الموسوي
اسعد الله مسائكم بكل خير أحبتي 🌹( ابقو بتفاعلكم الضعيف حتى واهس للكتابة ماكو)
#انه منين اريد #افهم ؟
#انه الغمض عيونه و #مالحك يحلم
#أنه المبيوك حيله و #حيل ما مهتم
#انه المحبوس نسمة #برية الغركان
#انه المطشوش #عمره بماي ما #يلم..
#مرات اگولن #گضت
ماباقي #حسبة وكت وارتاح #وتعدي
#ومرات اكرهه #العمر
وأسأل #وأدور درب للمگبره #يودي
#المُشكله المابي جرح مايفهَم #البي حسّره
مرات تلگالك عدِل #بچفوفه يحفُر #گبره …
فرح :
دقايق اباوع الباب ندك
تفاجأت من دخلت! يعني امي حتسلمني بيدها؟ حعيش بهاي الغابة شلون؟؟؟. ضليت متصنمه بمكاني فاتحه عيوني ممصدكه امي دتتوسل ساعات بهاي الانسانه!
يعني امي ملكت غيرها تأمني يمها
خالتي ازهار! تطك بعلجها لابسه صايه لازكه على جسمها وتكرمون سليبر بنفسجي والرجل بيضة تلمع ومصبغه الاضافر اسود الشال مشمرته نص شعرها طالع استغفر الله شكلها مال... xxxx باوعت لأمي بنظرة احتقار ع استهزاء عود امي بنظرهن هي وبقية خالاتي فاشلة ومتعرف تصرف ومعرفت تكسب زوجها
ازهار : يله امشي سهوده تخلف واحنا مبتلين تحجي وتعوج بحلكها ندارت على امي مدت ايدها فاتحه كفها بمعنى انطيني فلوس
منظر امي يكطع الگلب يبجي الكافر يعني دتذل بنفسها في سبيل تحميني من أبويه
طلعت الفلوس الكوه جامعتهن وهي ثوب جديد ماعدها انطتهن الها
سهاد : والله بس ذني عندي بس اصبري عليه فترة اجمعلج اكثر فدوه لعينج بس خلي عينج عليها وديربالج ازهار أمانة يمج
ازهار : عيني شنو ذني الفلوس الطفل ميقبل بيهن اجيج بعد فترة اريد مبلغ دسم لا خوه ولا ن ع ل اعتبري روحج ذابتها بحضانه قابل متدفعين فلوس
ندارت عليه
يله مگموعه امشي خل نشوف تاليها ويه سهوده خانم شوكت تبطل تحبل وتجيب بهل... خ... ر ه
قهرني كلام ينرفز بس غلست ماكدر اترادد وياها امي وصتني
بوستني امي عيونها غركانه بالدموع انطتني مصرف مخلت خالتي ازهار تشوفه
شاورتني
سهاد : خلي ذني جوه ايدج اخاف تشتهين شي اشتري واكلي
فرح : هزيت راسي بقبول وهو اني اصلا عندي البكتهم من الطالبات الويايه جمعت خوش مبلغ
طلعنا متوجهين لبيت جدي ابو فلاح وماادري هناك شمضموملي من مصايب
