البارت الحادي عشر
وغابت شمسها
للكاتبة حوراء الموسوي
اسعد الله صباحكم بكل خير أحبتي🌹( بارت طويل لعيونكم حبايب كلبي صايمه وتعبانه ومقصرت وياكم فلا تقصرون ويايه بلتفاعل ورفع القصة الاصنام تحركوا تره داتعب كلش ومحد ديقدر)
#جبت عمري احترك #ومضوي للغير
اثاري شگد #غشيم وجنت #شمعه
#شكد وفيت واعرف #مايوافون
وشكد بجيت #للمايسوه دمعه
منو #مثلي گظاهه بس #خسارات
#بعدد ايام عمره #عض اصبعه
شربني الزمن #كاس بأثر #كاس
مر #مثل الصبر بالگوه #اجرعه
#نطيت ايدي #لصديقي الطاح بالبير
ومن ثبت #اجدامه انطاني #دفعه..
#كلها تحچيلك #وفه وباجر #تخون
#هواي وادم #بالسوالف فالحه !
مااعرف شلون وافقت ع الزواج بذاك الوقت
بحكم مراهقتي وعمري الصغير وقلة خبرتي بلحياة وظروفي الصعبة وافقت بكل بساطة شبيج فرح؟ ليش معيطتي هوستي انتحرتي اي شي سوي المهم لا تسلمين نفسج لزواج احجي ويه نفسي وصافنه أفر بلحقلة البسها الي قاسم اني بيضة مااعرف اسوي؟ اطكها هي وكشرها شلون حسلم نفسي للزواج ومسؤولية الزواج؟
بسبب تهديد ابويه انو يذبح امي صدكته وطاوعته تخيلت بليل يذبحها وهي نايمة ودمها يسيح يمها عقلي صورلي شغلات بتاريخ الأفلام والاكشن مصايره وهذا الشي الخلاني اطاوع ابويه واقبل بدون عناد وتأخير...
خلص كلشي طشت العالم كلمن راح لبيته
ابويه مكيف يمشي ويضحك بنص البيت واخيرا خلص من عندي وبعد ميشوفني
هو هذي جانت امنيته وتحققت
تقربت يمي بنين شمرت نفسي بحظنها متحملت احبس دموعي اكثر
بجيت بشهكة من أعماق كلبي طالعه
باست راسي
بنين : اسكتي فرح مو هاي اني كدامج شمرت نفسي بحظن رجال بخيل لو اموت يمه ميصرف عليه ربع دينار
يعرفني بس وقت النومه ومنجبه وعايشه ولا ارجع لهنا تزوجي وروحي ابنيلج حياة بدون ظلم وذل وضرب اخذي نصيحتي فرح احسن الج والله قابل عاجبتج حياة ابويه الي بس تتنفسين يشبعج دك
فرح : دزو خبر اهل قاسم العرس بعد اسبوعين لان ع اساس مجهزين كلشي وماكو نقص
بدت أجراس الخطر تدق عندي يعني معقولة بهل سرعة هاي؟ والله بعدني زغيرة ياناس حتى معرفت طعم الطفولة ليش من هسه اصير زوجه ولازم اشيل مسؤولية الزواج كله عمري ١٤ سنة... بهل فترة ضلو اخواتي يلحون عليه اخذ َمشهي او اخلي كريم لوجهي اعدله خلقتي واني رافضه رفض قطعي مرت الايام كلمح البصر واجه يوم العرس امه راحت اختارت بدلة للعرس على ذوقها وحتى الصالون هي اختارته اني فقط انفذ ما الي حق الاختيار امه مبينه برعه ولسانها من تحجي حجيها كلش سريع كوه ينفهم ربي دخيلك حنن كلبها عليه مبيه حيل اعيش جحيم اضرب من جحيم ابويه..
