ငါ့ကိုကျီစားချင်နေတဲ့ တပည့်ကျော်(ဘာသာပြန်)

Episode(2)

မင်္ဂလာအိပ်ခန်း??

အသိပေးသံ၏နောက်တွင် တိကျိုးဖုန်းရှေ့၌ဖောက်ထွင်းမြင်နိုင်သော ကြားခံမျက်နှာပြင်တစ်ခုထွက်ပေါ်လာခဲ့သည်။သူမမှာကြောင်အသွားသလို အခြားတစ်စုံတစ်ယောက်မှထိုအရာကိုမြင်သွားမှာလည်းစိုးလှသည်။

စနစ်ကတော့ ချက်ကျလက်ကျနှင့်ရှင်းပြပေးရှာသည်။

"မစိုးရိမ်ပါနဲ့..စနစ်က သခင့်အပေါ်ပဲသက်ရောက်တာမို့လို့ ဒီကမ္ဘာအတွင်းမှာသခင်ကလွဲရင် ဘယ်သူမှဒါကိုမြင်ရမှာမဟုတ်ပါဘူး"

တိကျိုးဖုန်း စိတ်အေးသွားရပြီး အမျိုးစုံလင်လှသောအချက်အလက်ပြ windowများအား စတင်လေ့လာတော့သည်။

အမျိုးအစား: ဝိညာဉ်ကူးပြောင်းခြင်းစနစ်။

အဓိကဇာတ်ကောင်များ:တိကျိုးဖုန်း၊ရွှမ်မင် နင်းကွမ်။

ဇာတ်ကောင်အချက်အလက်များ:ကျန်းဟူလောက၏နံပါတ်တစ်ဂိုဏ်းရှိ တိကျိုးဖုန်း၊ ပြန်လည်ဝင်စားလာသည့် ဇူဝူ(ရှေးကဝေ)

မစ်ရှင်အကျဉ်းချုပ်:ကလိမ်ကကျစ်စာရေးသူကြောင့် တရားလွန်ဝမ်းနည်းကြေကွဲဖွယ်ရာ အမျိုးသမီးဇာတ်ဆောင်နှင့် သွေးထွက်သံယိုဇာတ်ကြောင်းအဖြစ် ထွက်ပေါ်လာပြီး ဇာတ်သိမ်းအားစာဖတ်သူတို့မှလက်မခံနိုင်ပဲရှိကြသည်။၄င်းတို့၏ချိနဲ့နေသော နှလုံးသားလေးများကိုချွေးသိပ်ရန်အလို့ငှာ စနစ်မှသင့်ကိုရှေးကဝေအားပြုပြင်ပြောင်းလဲပေးရန်ရွေးချယ်လိုက်သည်။ယခုအချိန်မှစ၍ ဇာတ်သိမ်းအားအောင်မြင်စွာအဆုံးသတ်နိုင်ရန် သင်၏ခက်ခဲကြမ်းတမ်းသည့်ခရီးစဉ်ကိုစတင်လိုက်ပါပြီ။

တိကျိုးဖုန်း၏ ပါးနှစ်ဖက်တွင်မျက်ရည်တို့တသွင်သွင် စီးကျလို့နေပြီ။

ဖြစ်နိုင်လျင် သူမအားလုံးဝမရွေးစေချင်ခဲ့ပါ။သို့ရာတွင် ယခုမှတော့အရာအားလုံးနောက်ကျသွားချေပြီ။သူမမှာ မျက်ရည်စက်လက်ဖြင့်သာ ထိုင်ကြည့်နိုင်တော့၏။

ထိုစာကြောင်းများအပြင် window၏အောက်ခြေတွင်မြေပုံတစ်ခုနှင့် မစ်ရှင်ပြီးမြောက်ကြောင်းပြသည့် ဘားတစ်ခုလည်းရှိနေသေးသည်။မြေပုံတွင် နေရာအများစုမှာမီးခိုးရောင်များဖြစ်ပြီး ဓားဂိုဏ်း၏ဂိတ်ဝနှင့် မက်မွန်တောအုပ်သာလျှင် အရောင်ခြယ်သထားသည်။မစ်ရှင်တိုးတက်မှုအခြေအနေအတွက်တော့ သူ့မှာစိတ်ပျက်လွန်းသဖြင့် အော်ရယ်လိုက်ချင်သည်။တိုးတက်မှု 0.1%ပင်ရှိသေးကြောင်း သူလုံးဝမသိခဲ့ရပေ။