بين العشق والعادات

البارت ١٠

خاطره من قلمي ،،ازل،،

تراه الفاكد امه ايتيه
اي صدك شما تنطيه

تبقه بكلبه حسره واااه
يصد للصور وتبجيه

يذكر حنان الجان في برد الشتاء يدفيه

يذكرها من جانت تجي تناغيه

ومن جانت تجي تلامس اديهه ايديه 

ومن جانت تجييه تلعبه وتشاقيه

راحت بعد هالشغلات مثل الماي وطشر

راحت بقت بس الاه ه ه بين عيون تنكط شر  

وااي لسه يحن ومرات يكل للجاي ها بشر 

هم كالت اجي فديوم لبنيتي اررؤف دموعها من المر

&&&&&&&&&&&

ازل---ومنا بدت حياتي والمآساه والسبب

-----------------
جنا كاعدين بالاستقبال
ما صارلنا هواي من اجينه من المدرسه 
واجه بابا من دوامه وماما وبابا ضحك وشقه

ما انحس غير ماما اخذت منه فلوسه وركضت تضحك
وهو ركض وراها يضحك يريد يلحك بيها ثوانيييييييي او لحضات

ماما تركت الفلوس وانتجت على الحايط وعاطت بصوت عالي  راسييييييييييي راسسسي

بابا تخربطت احواله  وركض عليها وهو يصيح بصوت عالي

بابا،،، وج شبيج اه تحجين صدك سجى بطلت ما اريدهن والله

شبيها شنو السبب ما ندري  اجو البقيه يركضون وديناها للهول يصير بنفس ممر الاستقبال

  انطيناها مي وهي كامت تتقيا لدرجه ابد مو طبيعيه
كلنا خفنا عليها  واخواني اشوف الرعب والذعر  والخوف على وجووهم

اي حقنا هاي امنا القويه الي متنهز هيج يصير بيها

بجيت بحركه وانه كاعده امسدلها على راسها

بابا جابلها كيك وعصير كال شون مجان وكليها خاف  سكرها نزل اوخاف ضغطها صعد

بين متجي الاسعاف

على الرغم هيه ماعدها اي امراض  توقعو العصير بطل كزاز متكدر تشربه لاحس ولانفس لا تحرك لاايد و لارجل

كمت اشربها بالقبق مال البطل ولاول مره احس بشعور مثل هذا الشعور عليها

خوف ورهبه  جانت حتي لومتاذيه ماتحجي وتضم بكلبها يعني ابد مسمعتها يوم اشتكت نادرا جدا

حسيت بروحي تريد تطلع مني وكمت ابجي بلا وعي تصدكون عمري كله مابجيت هيج

اقوى بجيه  الي من اتزوجت  عمتي مريم لان جنت متعلقه بيها واحبها كلش وما انام اله بحضنها  بعد ما تزوجت عمتي رحمه 

حاولت احاجيها متحس على اي شي شبه فقدت لكيناها مدرره على نفسها بدلتلها مرت عمي اكرم واني واكفه مصدومه على الديصير اجت الاسعاف وانكلب البيت