بين العشق والعادات

البارت ٤

راح اسولف عن محبتك حتى تعرف كد غلاك،،،،

انته روحي وانته كلبي وعمري ما يسوه سواك،،،،

انته جنه ومن محبتك كمت اتنفس هواك،،،،

انته عايش وسط كلبي شرياني ينبض مانساك،،،،،

ورجعتلكم ببارت جديد

يله بينا ،،،،،،
□■□■□■□■□■□■□■□

ازل،،بعد ماحاجت عمه رحمه حسام انتبه على روحه اخذ الصينيه وراح لغرفه بيبي

بعدين بابا فتح باب الهول مستعجل كال وين الجاي كتله عد حسام

بابا ،،جيبيلي كلاصي وخلي يودي الباقي للاستقبال صاحبي بالباب

ازل،، اي تمام

رحت بسرعه شفته واكف يم باب الغرفه اخذت الكوب من الصينيه وديته

كال حسام، المن اخذتيه ،

ازل،،كتله صديق بابا بره وصاحله وكالي كلي لحسام يعوف الحجي وياخذ الصينيه للاستقبال تره برد الجاي ...طبعا زودت حجي مني

المهم راح حسام للاستقبال مصدوم من حجيي
وراها بشوي راحو البيتهم

ثاني يوم كعدت من النوم على ريحه الطماطه والبيض وخبز امي الحار وطبعععععا صياح بيبي على اي شي مستحيل تخلي احد بحاله

بس اني خط أحمر تموت عليه ههه

بيبي ،،خايب الفاهيات الخايسات اكو بشر يضل الهسه نايم يخايبين تعالولي وباصروني

رحنه غسلنا وجوهنا وكل وحد كفشتها للستار

بيبي،،اوففف عمت عيني عليك يرحمان مدكلي شمسوي بدنيتك والله اطاك كهطل بنات اوووف يايمه

حور،،يله استلمن

بيبي،،محمود مشكور ربي شيصير لون منطي بدال البنات ولد جا موهسه يشتغلون وي ابوهم

هاي احنه يوميه هيج
بعض الأوقات اتمنه اني ولد على كد ما اشوفهم يحبون الولد

حتى ماما مرات تقول هاي الجمله لو مطيني بدالجن ولد

من يحجون هذا الحجي احسها سجينه وتدخل بنص قلبي

بس المهون عليه حياتي بابا
ما يفرق بين الولد والبنت ابد

اخوي فاضل وكح بشكل لا يعقل

كلساع مسويله عركه و سالفه

ساعه ويه الجوارين

وساعه وي جهال المنطقه على الدعابل

او يضربونه ويضربهم 

بابا من النوع العصبي ما خلى عقاب معاقبه اله بس ما يفيد وياه

وماما كل ميضربه تصعد روحها للسمه وتنزل تفرفح عليه وحتى بيبي كذلك
يحمنا برواحهن

ههه بس فشششر