بين العشق والعادات

بارت ١٥

انتو ليش مدصوتون شنو معناتها  هااا

انا اعلمكم ومدام هيج روحوااا وبالا بارت

ههههه لا داشاقه
اكو بارت بس هذا البارت لليصوتون يله أبدو اقروا

والي ميصوت يغمض عيونه تمااااااام

..........*****...........

حسام

حلاتك موسهل كلما تشح تنهاب
الماي البي حياه وكت الغرك ينذم

ازل

صلفه امنياتي الرادتك سألتني عنك بس صمت؟ كلش ولا حاجيتها !
كالتلي وينه وجاوبت ما ادري ما دليتها

...........*****............
ازل ،عمه مريم كالتلي ذبي العبايه والجفوف والجوايب وتعالي

ذبيتهن يمممه شني هاي الله يساعد عمه مريم شلون تلبسهم مينحملن ابد

طبيت للصاله ذكرت سابقا بيتنا صاير ترك و غرفتين وصاله

ومنور يودي للاستقبال والمطبخ

المهم لكيتهم كاعدين ضليت اباوع وين اكعد

اخيرا لكيتلي مكان على خشبه الصلاه مال بيبي سلمت وكعدت على خشبه بيبي

وراها اقل الخمس دقائق دخلو حسام وكامل ابن عمتي سعديه الجبير

،يصير زوج نهى اخت حسام،

حسام كعد علكرسي بصف كامل مقابيلي 

يعني كامل بيناتنه بالنص

صرت اني يم الحايط وحسام من ذيج الجهه وكامل بالوسط
بيني وبين كامل متره اومتره ونص وضعف المسافه اني وحسام

سلموا وباركوله واني مدنكه رفعت راسي فجا واجت عيني عل عينه

دنكت هسه شيكول عليه بس ضليت اخطف نظرات منه من دون ميدري

جابو صينية العصير وكامو يوزعون عليهم

وصلت الصينيه لحسام كام من مكانه اخذ كلاص عصير وانطانياه ومركز عيونه بعيوني

حسام ،اشرلي براسه شربي

ازل انثولت وارتبكت هزيت براسي وكتله ما اريد اخذ عصيره ورجع مكانه

وصلوا الكامل باوعلي

هوكاعد على كرسي بجانبي قريب لحسام اخذ كلاص عصير

ابتسملي واشرلي بحاجبه وكلي عفيه شربي مكدرت افشل نفسي وياه مثل حسام

فأخذته وكتله شكرا

باوعت خطف على حسام خزرني وماشرب من العصير مالته

بعدت عيني عنه انه وجوده داخل المكان الي انه بي يوترني مو انوب قريب الهلدرجه ويباوعلي

ضلوا يسولفون ويضحكون وانه التهيت بكلاص العصير اريدلي حجه حتى اهرب من نضراته

حفظته حفظ للكلاص النقاط الوردات البي فصخته تفصخ