بين العشق والعادات

البارت الحادي عشر

كون يصير كلشي بعمري مكلوب
وارضى بكلشي يطلع عن اصوله
كون اول حياتي الكبر والشيب
واخر لحضه من عمري
الطفوله
----------------------
شفت كومه عبي وزداد همي --
اكلب بالعبي ما بيهن امي--
لا مشيتها لا ذبت رجلها--
صوت بتوتها تسمع دوي لها --
من تمشي العطر يمشي وراها --
ومن تلبس عباه شمحلى عباها --
انه تمنيت هاي الليله يمي

ادور بالعبي مابيهن امي
ازل
-- -- -- -- -- -- -- -- --

حاجتني خالة انوار 
،،،
يااا هاي اشبيها البت تخبلت

مادرتلها بال بس اتاكدت انو اني مو بحلم وهاي الحقيقه وبعد مستحيل ترجعلي امي لو شما صار

رحت للاستقبال وبعدهن النسوان على هوستهن  

كعدت يم عمتي مريم شويه وبدت الملايه تنعي  عن الام حسيت بروحي راحت لطممت وبجيت لحد ما شبعت
وبعدني هسه طالعه من الاستقبال واسمع صوت بجي ورى باب الكليدور مال الاستقبال 

سديت الباب داشوف منو وراه وانصدم باخوي فاضل يبجي وعيونه حمر

هنا بعد راحت كل طاقه تحمل عندي شبكته حييل وكمت ابجي بخنكه احاول اداري دموعي عنه شلون مجان

محتاره كلش شحجي ويا وشكوله

ازل--فضولي حبيبي اني يمك صدكني ماكو شي على شنو تبجي ميصير
انته رجال ولازم اصير قوي

ماما راحت عد الي خلقنا كلنا راحت للجنه
وصدكني هيه راح تبقه تجي تشوفنا بس احنه منكدر انشوفها

عباس-لا انتي اجذبين عليه ادري بماما ماتت

حبيبي ميصير تبجي شو باوعلي انته فضولي البطل لازم اصير قوي ومتضعف

اجه شبكني وضل يبجي

يارب دخيلك انته اعلم بحالي صبرني لان بعد ما اتحمل

صار الغروب ونفس الوضعيه بعدها بشويه اجه بابا وخالتي الصغيره وبقيه الزلم من الدفنه

ركضت عليها وضليت اناشغ واشم بعبايتها النسوان يكولن وخري منها ميصير لان بعدها بتراب الميت ويراد تغسيل يله يلزمها احد

اني ركزت على كلمه الميت لا ييييياالله يعني صدك هيج تاليها
يكولوووون الامي ميته يعني هاهيه بعد  ماشوفهه

ما احس الا على بابا سحبني الحضنه صرت انه منا واختي حور منا ضلينا نبجي وهوه كل متجي الدمعه بعينه يداريها عنه بايده 

بقه يصبر بينه واني يمكم وامكم راحت للاحسن مني ومنكم راحت عد الرحيم الغفار وانشالله كل فتره انروح نزورها واحنه نزيد بالبجي لحد ما صاح  بعمتي مريم

--اكلن شي لو لا

-- كالتله لاوالله خويه كلشي ما كلن

بابا -بسرعه حضرن العشه