حلو نازل عالجتفين، ،
شاله
عساني خيط كون بوسط شاله،،
سلب عقلي برسومه وشمر شاله
ونخيت اهل البخت نكعد سويه
٨٨٨٨٨٨٠٠٠٠٠٠٨٨٨٨٨٨
ازل، كعدت من النوم وبديت اقرا شوي
وباوعت تلفزيون شوي
انوب اتذكرت باجر رجب اني اصوم بين يوم ويوم حتى لو اداوم بالمدرسه يعني الاكدر علي
بس اذا عطله اصوم هوايه منه
رحت للمدرسه بالخط وبده الدوام وحاره
فقبل نهايه الدوام عطشانه وشفت مي يم صديقتي من دون وعي شربت وصكيت عليه
انوب اتذكرت اني صايمه عفت المي وغصيت وكمت اكح
صديقتي ضلت صافنه عليه من كتلها انه صايمه وشربت مي
كالتلي تحجين صدك
والله عمي حضوظ
انا ولايوم صايمه وناسيه وشاربه مي ابد
احاول اتناسى بس ماكو لازم اتذكر
ازل،،،خب دطيري انه من اصوم اتيه
وج مره اكلت جكليتايه وحلقومه بالملايه
ومره موزه بكبرها ومن ذبيت الكشر اذكرت
صديقتي ،،دكولي انتي مسويه روحج ناسيه
لعد فد مره تريكي وتغدي وبالعشاء عود افطري هههه
ازل،،وراها رجعت بالخط للبيت ، ،،،،،،،،
وراه ابكم يوم اجت بنيه كالت اكو وأحد يم المديره يصيحج
ازل ،،رحت وضليت صافنه عليه
من صدقه على هالجمال
الحد ما صاحتلي المديره يله انتبهت،
البنطلون نيلي والقميص ماروني ومبايلاته بايده ومتجي عبالك بمكتبه وهو احمراني وطويل صدك هيبه وشخصيه
اوف اوف فديته لباباتي
طبيت وسلمت وحضنته
المديره ،تفضلي بنتي
ازل ،كعدت وبدأ يحجي ويه المديره ونوب سألهه بشريني ازوله بنتي شلونهه
المديره،،والله هسه اصيح للمرشده واسالها لان انه ما اعرف مستواهه
شويه واجت المرشده بعد مصاحوها
المرشده،السلام عليكم
بابا ، وعليكم السلام ورحمة
ازل،،هذا بابا ست
بابا ،والله جيت اسأل علا مستواها
المرشده،،اطمن ابو ازل ازوله شاطره وحبابه عاشت اديكم على هالتربيه
وما شاء الله ذكيه مايحتاج تجي وتسأل عليها
بابا ،،هه مشكوره ست متقصرون
شويه وبابا اخذني على جهه كال محتاجه شي كتله لا سلامتك
ورجع يحجي ويه المديره بشغله بالدائره هو اجتماعي جدا ويحب ايساعد اذا يكدر
أنت تقرأ
بين العشق والعادات
Romansaقصه حقيقيه. مشهد ،،كرهت اللون الاسود لان لابسته تمنيت يختفيه هالون بشرتها الناصعه وي السواد مسوي لوحه من الخيال ماردت ابعد نضري ولو ثانيه ما اريد شي يفوتني من حركاتها ولاول مره مالافه شالها عدل وخفيف فمبين شعرها ولاول مره مااكدر اخفي ضعفي امامها...
