بين العشق والعادات
Mathrkamlaa للكاتبه
هلو بنات رجعتلكم ببارت جديد اتمنى ينال استحسانكم ...
عاتبني لو قلبي غلط
لا تعتب على لساني
هو انا كم مره عشكت
بس امي وانت الثاني
______*****______
ازل ،، كل شي تغير بحياتي
صارت ايامي لا تخلوا من صوته وهمساته
وحجيه الي كله حب وطاقه ايجابيه
وشويه شويه بدت علاقتنا تقوه
كام ميكتفي بالاتصال
دائما يجينه بحجة
مريت منا وكلت اسلم عليكم
بس منلتقي على انفراد
وراها طلع بدرب ثاني انو يدرس تلاوه بالجامع الورانه
وتقريبا يوميه او بين يوم ويوم هو يمنه
فمره خابرني وكلي
حسام..خالي انا طالع لزياره الامام الكاظم
ازل،،كتله الله وياك ادعيلنه
حسام، ،اذا الج ما ادعي لعد رايح ادعيلمن
ازل ،،،هههه تسلملي الله وياك
والله للعصر وما احس اله الأخ يمنا
صاحتلي مريم بسكوت وكالت روحي يصيحلج بالحوش
رحت وكلبي دكاته الف اول مره نتجمع بمكان وحدنه بعد الخطوبه لكيته ثاني ركباته ومتجي
على الحايط
اول ما طلعت انتبه لي وضل مثبت نظراته عليه
عيني اجت بعينه لا اراديا
الشمس عاكسه على عيونه وهو عيونه على لون عسلي فاتح وكبار كلش
لون بشرته السمره على حنطيه هيج شي
وشامات لونهن بني فاتح على وجناته
شفايفه زغار كلش زايدته وسامه
ارتبك من شافني صافنه بعيونه طبك حواجبه الكثيفات
نزلت عيني وكتله بصوت ناصي
ازل،،زياره مقبوله
ابتسم وكال بهدوء اشبه بالهمس
حسام،، تقبل أعمالكم عيني
رفع عينه وحجه ممتعلم اجيب شي من الزياره لاي شخص
بس اليوم شفت مره جبيره دتبيع من ذني وتخيلته على ايدج وجبته
ادري موووو فد شي بس عجبني طلع من جيبه سواره لونها ابيض بلون الكزاز والحبات مالاتها تصميمهن على شكل جواهر
وهو كاعد مقابيل الشمس فعاكسه لونها صدك حلوه
حسام ،ها معجبتج
ازل ،،رديت بعفويه
لا والله اصلا كلش حلوه
حسام ،،اي لعد اخذيها
أنت تقرأ
بين العشق والعادات
عاطفيةقصه حقيقيه. مشهد ،،كرهت اللون الاسود لان لابسته تمنيت يختفيه هالون بشرتها الناصعه وي السواد مسوي لوحه من الخيال ماردت ابعد نضري ولو ثانيه ما اريد شي يفوتني من حركاتها ولاول مره مالافه شالها عدل وخفيف فمبين شعرها ولاول مره مااكدر اخفي ضعفي امامها...
