بين العشق والعادات

البارت الثاني عشر

تعال ارجع بعد ما بيه حيل اشتاك

صرت بعدك غصن ومجلب بوركه

تعال اليوم يمكن تلكه مني وشال

اذا ترجعلي باجر كلشي ما تلكه

ياركبه عروس بليله النيشان

موش كلاده بيك الروح متعلكه

اعاين عالشماته اللكاهم يصفكون

اشو جفين عندي وما تصح صفكه

شنو كبالك نجف تحجيلي بس عالموت

اريد اسمع سوالف بيه اثر ملكه
----- ----- ----- -----

بيبي -عود اذا تردون تجددونها لخولتكم هاي حور بعدها صغيره محد حاجزها ولا حاجي بيها

مرت خال ماما -لاخاله انا جايه وطالبتكم  ورايده ازل لابني

ام حامد  --خيه كنالج البنيه زغيره هاي وينها واصلا اذا انريد انزوجهة
ناخذها الواحد من ولدنه

هالعدنه ولد خير من الله

مريم - يا جماعه هالحجي مو وكته هسه

عوفوه لوكته نحجي بيه احسن

واشرتلي حتى اطلع من الهول اني وحور

بقيت اباوع على المره ضاجت كلش بس ماادري ليش حبيتها و ارتاحيتلها
حسيتها طيبه

بس عماتي جانن ما راغبات وجودها يمنا ابد

بعدين يله عرفت معنا حجايتها نجدد الخوله يعني يرجعون ياخذون مره منه الهم فنصير كرايب مثل قبل

وبصراحه اخذت موقف منها
لان مهما يكون لازم تقدر الضرف الاحنه بي

قبل لتكوم انطتني رقم تلفون

كالت خوف تحتاجون شي و احب اسمع صوتكم بين فتره وفتره فاتصل عليكم
ومن هاي السوالف

عمتي مريم وره مطلعت المره كالت معليجن بيها ختولي والرقم ذبي

،،هيه بالبدايه رادت رقمنه وعمه مريم مقبلت تطيهياه بحجه مااعرف بهالسوالف،،

اجه الاحد

وصار لازم انداوم
بابا مقبل وكال صارلكم هواي غايبين تقريبا اسبوع وشويه فالكل ايداوم وابن امه وابو اليعارضه

راحن البنات قبلي لان هنه ابتدائيه واني متوسطه حتى بنات عمي زينه وانوار ورسل بت عمتي رحمه داومن لان جانن ممداومات

دالف بشالي حاجتني عمتي مريم

-عمه انتي صرتي جبيره والتصرف التتصرفيه اوالكلمه التكوليها تتحاسبين عليهن

وبيج وما تثكلين
اخذي ثكل مو تحجين و تتمضحكين بالمدرسه هناك

ازل --تمام عمه
بس بقلبي ضجت من حجيها يعني شنو قصدها اني معندي احساس بالمسؤولية لو خفيفه كلساع وعادت عليه نفس القوانه