والله لو ما حب فلا يكدرلي ليل ،،،،،،
ولا بجيت ولا بقيت مساهره ،،،،
ولا طحت يمك مثل طيحت دخيل ،،،،،
وجان فاركت التتن لمعاشره،،،،،
!!!!!!!!!!!!!!!!!!!!!!
FlASh back
العوده بالزمن إلى الوراء
ازل : من رجعنا من بيت عمتي ام حامد ودنرتب الغراض ابيتنا
عمه مريومه اخذت شغلات نحتاجهن من الاستقبال ودتوديهن لغرفه بيبي حتى انرتبهن بيها
راحت وداشيل الباقي
و ما احس الا واحد لزمني من ايدي وجرني عليه
صرت مقابيل وجها
انصدمت بهمام ابن عمتي
همام :ها انشالله ارتاحيتو هناك ولو مبين كلش مرتاحه
ازل:وانت شعليك
همام :احجي عدل لا ااااا
لوه ايدي وره ظهري
ازل: وك وخرررر اخخخخ هاي شبيك ايدي
همام: هم حاجاج هناك و شكال من شافج يمهم
ازل: اااانت تقصدمن شبيك تخبلت
همام : هاي السوالف عبريها على غيري ادري حسام يريدج بس كوليلي انتي تحبي لولا
ازل:وانت شيخصك احبه ما احبه هالشغله راجعتلي
ضغط على ايدي اكثر عطت بصوت مكتوم
ازل:والله اذا معفت ايدي لا صيح العمه مريم وخليها تتباصر وياك
همام:فدوه لله حتى من تعصب عسل
ازل :عممممممه عمممه
هدني عالسريع واشرلي بسيطه
ثول والله ثول متزوج وعنده بنات ثنين وولد وعينه زايغه عااابت
رحنه انكمل شغلنا وهوه مدري وين وله
!!!!!!!!!!!!!!!!!!!!!!
اكرم : مدام رايدها ابن عمها خلص رحمان لا تلح هوه اوله بيها
رحمان:تؤ تؤ من البدايه اجاني ابو حامد
وكلي وما اكدر ارده وانت تعرف معزته هاااااذه اخوي
صح هوا ابن عمي وجبير عشيرتنا بس يبقى اخوووي
اكرم: خوش لعد لا تنطي بنتك لا لهذا ولا ذاك وخلصت السالفه
رحمان :وك البنيه كبرت وكلساع جاييني احد عليها ومطلعله حجه
حتى خلصت الحجج واول و تالي تزوج
وتره انه مطيهم كلمه من زمان ما تشوفه تاناها حتى عيب ارده واكله ما انطي ومريم شيبت راسي
اكرم :وحسنين شلون
مهما يكون يبقه ابن اخوك وهم عيب ترده .
هااا اوكف انطي ازل لحسنين وحور لحسام وفك السالفه
رحمان :هاااك استلم اكله ثور يكلي حلبه
اكله الولد يريدها
ايكلي انطي اختها
هو انه ازل وبعدني متردد انطيها بعدها صغيره انوب حور
أنت تقرأ
بين العشق والعادات
عاطفيةقصه حقيقيه. مشهد ،،كرهت اللون الاسود لان لابسته تمنيت يختفيه هالون بشرتها الناصعه وي السواد مسوي لوحه من الخيال ماردت ابعد نضري ولو ثانيه ما اريد شي يفوتني من حركاتها ولاول مره مالافه شالها عدل وخفيف فمبين شعرها ولاول مره مااكدر اخفي ضعفي امامها...
