رواية جماره

٢٣

جُماره
ابنة بائعة الجبن
البارت الثالث والعشرون 23

غازى دخل المشتمل وقفل الباب وراه وفتح الاوضة اللى فيها الحفره وراح على كُبس نور ولعه ونزل السلالم سلمه سلمه وهو منتشى لغاية ماوصل تحت ..

اتفقد المكان كويس بنظرة رضى وبعدها طلع على فوق تانى ..قعد شويه فالمشتمل يتمشى بقلق وطلع للجنينه اتمشى لغاية ماوصل لجمره ..وقف قبالها ومد ايده يمسد عليها لكن هى بعدت عنه بخوف ..غازى قرب منها اكتر ومد ايده مره تانيه يمسد عليها وهمسلها متخافييييش ..متخافيش مش هأذيكى تانى ..خلاص اللى كنت عأذيكى عشانه راح ..من النهارده ورايح انى صاحبك وسيدك الجديد وخيالك ..انتى حلوه قوى ياجمره ..حلوه وخطفتى قلبي وعينى من يوم ماشفتك ..اصلا حكيم طول عمره عينه صياده ومعتعجبوش غير الحاجه الزينه ..

حتى جماره مفيش فحسنها مره ولا شفت ليها مثيل مهما شفت وقابلت معارفش لقيها فين وعتر فيها كيف ..طول عمرى عحسده على حظه الضارب ..بس كله فالآخر جيه فالموصلحه واللى اصطفاه لروحه بقا كله ليا من غير تعب ولا جهد .

خلص حديته مع جمره ورجع للمشتمل قعد هبابه وسمع خبطه خفيفه ..
قام على الباب الورانى وفتحه واتلفت يمين وشمال بعد مادخل  عوض اللى كان شايل على كتفه شوال مربوط كاتم نفسه ورماه على الارض بتعب ..

غازى قفل الباب وجه وراه :بالراحه ياواكلهم هتموته ولا ايه ..انى مش قولتلك عايزه حى !

عوض :تخافش عليه مهيموتش من خبطه ديه عامل كيف الخرتيت معيحسش ..يلا كره وانى هتلافى السرير  وباقى الحاجه من العربيه النص نقل بره عشان انصبهولك ..

غازى هزله دماغه ومسك ربطة الشوال وجره على الاوضه ونزل اول سلمتين فالحفره وجر الشوال وكل مالشوال ينزل سلمه تطلع من اللى جواه انة الم بضعف ..

غازى اخيرا وصل لاخر السلم ووطى فتح الشوال ونزله هبابه بين دماغ اللى جواه وهمس بفرحه :

يامرحب وميت مرحب نورت موطرحك ياغالى ..لو تعرف تعبت كد ايه وصرفت كدايه عشان ابنيلك القبر الحلو ديه ..بس  مش مهم عشان كنت عايز فالآخر المقام بالمقيم يليق ..
قالها ووقف وضرب برجله الشوال خلى اللى جواه يصرخ من الالم ..

شويه ونزل عوض معاه سرير نفر واحد نصبه تحت حيطه محدده من حيطان القبو مبنيه بطوب حجرى وطالع منيها سلسلتين حديد بعاد عن بعض وطوال وتحت السرير طالع من الارض اتنين زيهم مدفونين فوسط صبه وفآخرهم اصفاد باقفال ...

خلص عوض وشال اللى فالشوال رماه على السرير وحط كل ايد وكل رجل فجنزير حديد وقفل عليها بالقفل بتاعه ولافى المفاتيح لغازى ..

غازى :تسلملى ياغااالى ..اهو اكده توى اللى فكرى هدى وبالى ارتاااااح .

عوض :ربنا يريح بالك دايما ياشيخى وشيخ البلد ..