جماره
ابنة بائعة الجبن ..حلقات خاصه
الحلقه 3
تميم باصص لعبيد السايس بعيون كيف الصقر ومستنظر الحروف اللى هتطلع من خشمه بفارغ الصبر لكن كل اللى كان يطلع من خشم عبيد تمتمه مش مفهومه وسرعان ماابتدت حروفه تطلع لما تميم سأله بأصرار اكبر :
هو الجواب صعيب للدرجادى ؟! الضيفه جات اهنه مع مييين اتحدت ؟
عبيد :جات مع الست تمره..الضيفه اتصورت جار الخيل ومشو طوالى مغابوشى .
تميم بؤبؤ عينه اتوسع من الصدمه وفضلت عيونه رايحه جايه فمحجرها وعقله عيحاول يستوعب كيف تمره اخته اتخطت كل الخطوط الحمره ووصلت بالضيفه للاسطبل وكمان ركبتها خيل وديه العيب بعينه فبلدهم ؟!! وفوق دول ودول صورتها وكل ديه من وراهم كلهم ..
ضم تميم الصوره بقبضة يده وكرمشها وطلع بسرعه من الاسطبل وشكله مينذرش بأى خير وراح على السرايا ،وعبيد واقف وراه مراقبه وحاطط اديه على دماغه بخوف من اللى هيجراله من الشيخ حكيم لما يعرف ان بته عتاجى الاسطبل من وراه وتركب خيل وعبيد داسس عليه ؟؟
تميم راح ناحية السرايا كيف الاعصار ودخل من بوابتها وهو مواعيشى قباله ولأول مره فحياته يقرر انه يحاسب تمره ويقسى عليها عشان اتعدت على كلام الرجال وخطت خطوه من غير شور وكمان عيملت حاجه فعرف اهل البلد اكبر عيب وقلة قيمه ..
**********
اما فى مكان آخر
جماره ابتسمت وهى واعيه لحالة سخاوى وهو عيتحرق من جواه ونفسه يفرفط بس مقادرشى وخدت نفس وزفرته وقالتله :
غيرت رأيي ومش هخطبها لتميم هخطبهالك انتا ..اصل انتا الكبير ولازمن نفرحو بالكبير لاول ..قولت ايه ؟ ولو هتتنازل عن دورك وترفض الجيزه كيف كل مره اجوز تميم قبلك عادى .
سخاوى بفرحه وكنها روحه ردتله :له يابوى كله الا دورى مههملهوشى لحد ..اخطبيهالى يابت امى وجوزينى انى ..اصلا ولدك تميم لساه صغير عالجواز شوفى حال اخوكى فلاول ..
ضحكت جماره وهى عتهز دماغها وعترد على سخاوى :صوح صدق اللى قال العشق مقبرة الهيبه والتقل ..حاضر ياولد امى هخطبهالك بس رتب امورك سبوع ولا تنين وهيكون فرحك ..مش اكتر من اكده .
سخاوى مسك دراعات اخته وهو عيرد عليها بفرحه :ويمين الله عتتحدتى صوح ؟ يعنى سبوعين بكتيره وخديجه تكون فبيتى ؟!!
جماره :واقل كمانى ...مهو اصلى مههملشى اخوى اكتر من اكده وانى خابراه مفلفله العشق فلفيل .
سخاوى ساب ادين اخته واتنحنح وهو عيعدل فخلجاته بخجل :
احممم ..عرفتى من ميته بحكاية العشق ديه انتى
جماره :من زمان بدرى عارفه وشايفه عنيك اللى معايفارقوش البنيه واصل وكنت مستغربه ايه اللى مصبرك وممخليكش تاخد خطوه ؟
سخاوى بنرفزه :فقر ابوها اللى مخلينى صابر ومستنى وهو كل مايروحله واحد يطلب يد خديجه يكرشه ويقوله حداييش بنته للجواز قولت يمكن شايفها صغيره ومستنيها تكبر هبابه مع انها ١٨ سنه يعنى مش صغيره !!
أنت تقرأ
رواية جماره
General Fictionمن قلب الصعيد تصنع الرجال ومن قلب هؤلاء الرجال يولد الحب المميت مثلما تولد القوه والجبروت والعنفوان واحيانا القسوه فيتساوي العشق في الجبروت مع القسوه وتتماثل القوه بينهم ومن بين العشق والقسوه ولدت حكايتنا حكاية الشيخ حكيم مع قلب النخيل (جماره)
