First & Last Chapter [ COMPLETED ]

အပိုင်း [ ၂၃ ]

(U)

ရူးသွပ်တယ် ? Chanyeolက ဘယ်လိုရူးသွပ်တာလဲ ? သူငယ်ချင်းတစ်ယောက်အနေနဲ့လား ?
ရင်းနှီးတဲ့မိတ်ဆွေ, လုပ်ဖော်ကိုင်ဖက်တစ်ယောက်အနေနဲ့လား ?

ဘာမှတွေးဆလို့မရတာကြောင့် Chanyeol ဆံပင်ဆွဲဖွလိုက်သည်။ ဖြစ်ပျက်နေသမျှ အရာအားလုံးကို မြင်တွေ့နေရပေမယ့် Chanyeol ကိုယ်တိုင်နားမလည်နိုင်ပါ။ မတွေးဆတတ်ပါ။ ဘာမှလည်းမသိပါ။ သိဖို့လည်း မကြိုးစားချင်တော့ပါ။

သိတာတစ်ခု ! Chanyeol သိတာတစ်ခုက Baekhyunကို Chanyeolအနားကနေ မထွက်သွားစေချင်ဘူးဆိုတာပါပဲ။ ။

—

"အားလုံး အားလုံး ! မင်းတို့အတွက် သတင်းကောင်းပါလာတယ် လာမယ့် ပရောဂျက်အတွက် မင်းတို့အားလုံး တစ်ပတ်တိတိ ညဆိုင်းဆင်းရမယ်"

"ဗျာ !"

"ဘယ်လို !"

"ကြားတာနဲ့ သွေးတက်တယ်"

အဖွဲ့မှူး Hyungစကားအဆုံး တစ်ယောက်တစ်ပေါက်ဖြင့် ဌာနတစ်ခုလုံးဆူညံသွားတော့သည်။ Chanyeolနဲ့ Baekhyun ကတော့ စကားဝိုင်းထဲ ၀င်မပါဘဲရှိနေသည်။

တစ်ယောက်တစ်မျိုး ဖြစ်ပျက်နေကြတဲ့ လုပ်ဖော်ကိုင်ဖက်တွေကိုကြည့်ပြီး Chanyeol ရယ်ရင်း ခေါင်းခါလိုက်သည်။

pH ring ~

Chanyeolဆီမဟုတ်ဘဲ ဘေးမှာထိုင်နေတဲ့ Baekhyunဆီက ဖုန်းဖြစ်တာကြောင့် Chanyeol
အရယ်အပြုံး ရပ်တန့်သွားသည်။

Baekhyunက ဖုန်းမကိုင်သေးဘဲ တစ်ယောက်တည်း အပြင်ထွက်သွားသည်။ ဘယ်သူလဲဆိုတာ 90%‌ သိနေတာကြောင့် Chanyeolလည်း နောက်ကနေလိုက်သွားလိုက်သည်။

"Hello ဂျီဟွန်း Hyung"

"..."

"ဟော.. ကျွန်တော့်ကို Hyung ကိုယ်တိုင်ပဲ ရုံးလိုက်ပို့ပေးတာ မဟုတ်ဘူးလား .."

"ဗိုက်တင်းပါတယ် .. နေ့တိုင်း Hyungကအ၀ကျွေးနေတော့ ကြာလာရင် ကျွန်တော်လည်း ၀လာတော့မယ်ဗျ"

"ဟာ .. မလိုပါဘူး Hyung .. ကျွန်တော်တစ်ယောက်တည်း ပြန်လို့ရပါတယ်"

"Hyungကိုတော့ တကယ်မနိုင်ဘူး .. ကျွန်တော်ပဲ လက်မြှောက်အရှုံးပေးပါတယ် ဟားဟား !"