"ကျေးဇူးပါဒေါက်တာ ညစာကောင်းကောင်းစာခဲ့ရပါတယ်"
"အလင်္ကာက ဆိုင်ရွေးတော်သွားလို့ပါကွာ"
"သာမန်ဆိုင်လေးပါပဲဗျာ"
"သာမန်ဆိုင်ရဲ့ အရသာကသာမန်မဟုတ်ဘူးလေ"
"ဒေါက်တာကို နိုင်အောင်မပြောနိုင်တော့ဘူး၊ဒါဆို ကျွန်တော်သွားတော့မယ်နော်"
ပတ်ဝန်းကျင်တခွင်က မှောင်မိုက်နေပြီဖြစ်သည်။အလင်္ကာက ခေါင်ဘုန်းသွေးကိုနှုတ်ဆက်ရင်း တိုက်ခန်းဆီသွားရန်ပြင်လိုက်သည်။
"ခန..အလင်္ကာကို ကိုယ်ပေးချင်တာလေးရှိလို့"
လှည့်ထွက်ခါနီးအလင်္ကာကို ခေါင်ဘုန်းသွေးကတားလာခြင်းဖြစ်သည်။ထို့နောက်အလင်္ကာလက်ထဲရောက်ရှိလာတဲ့ အနက်ရောင်အိတ်လေး။
"ဒါက ဘာကြီးလဲ"
"အပေါ်ရောက်မှ ဖွင့်ကြည့်လိုက်လေ"
"ဟို.."
"ငြင်းမယ်တော့မကြံပါနဲ့ကွာ သိပ်တန်ဖိုးကြီးတဲ့အရာမဟုတ်ပါဘူး ဒီအတိုင်း အကိုတစ်ယောက်က လက်ဆောင်ပေးတယ်လို့ပဲ သဘောထားပေးဟုတ်ပြီလား"
ခေါင်ဘုန်းသွေးက အပြုံးလေးနဲ့ဆိုလာသည်။အလင်္ကာခေါင်းငြိမ့်ပြမိသည့်အခါ ခေါင်ဘုန်းသွေးက သူ့ပါးချိုင့်တွေပေါ်အောင်ပြုံးပြလာပြန်သည်။ပြီးမှသူ့လက်ကောက်ဝတ်ရှိနာရီကိုတစ်ချက်ကြည့်ရင်း....
"ဒါဆို ကိုယ်ပြန်ပီနော်"
"ဟုတ်ကဲ့ဒေါက်တာ"
ခေါင်ဘုန်းသွေးရဲ့ကား မြင်ကွင်းထဲက ပျောက်သွားသည့်အချိန်ရောက်မှ အလင်္ကာသူ့တိုက်ခန်းဆီတက်လာလိုက်သည်။ပန်းအိုးထဲ ထည့်ထားခဲ့သည့် သော့ကိုယူကာ အိမ်တံခါးဖွင့်လိုက်သည်။
ဧည့်ခန်းအတွင်းရောက်သည်နှင့် ထိုအိတ်ကိုဖွင့်ကြည့်လိုက်သည်။ရေညှိစိမ်းရောင်တီရှပ်လေးကသူ့လက်ထဲနေရာယူလျက်။ဒါညနေက သူငေးကြည့်နေမိသည့် တီရှပ်လေးမဟုတ်ပါလား...
တစ်ချိန်ထဲဆိုသလို ဝင်လာသည့်မက်ဆေ့ကြောင့်ဖုန်းကိုယူကြည့်မိလိုက်သည့်အခါ ဒေါက်တာဆီကဖြစ်နေသည်။
YOU ARE READING
မောင့်အလင်္ကာ (Own Creation)
Romance'ကျား ကြောက်လို့ ရှင်ကြီးကိုး ရှင်ကြီး ကျားထက်ဆိုး' ဆိုတဲ့ စကားပုံကိုကိုယ်တိုင်ကြုံတွေ့ လိုက်ရတဲ့ကောင်လေးတစ်ယောက်အကြောင်း.. Warning ⚠️ #male pregnancy #BL
