The turned-off EXIT Light
Part 3
"ဂျောင်ဆူးလေးက ကြီးလာရင် ဆရာဝန်ဖြစ်ချင်တာဆို ချန်ယောလ်လေးက နေမကောင်းလို့ ဂျောင်ဆူးလိုက်သွားပြီး အတူတူရှိနေပေးရင် နေကောင်းသွားမှာ"
စိတ်ကျန်းမာရေးဆရာဝန်ရဲ့စကားကို နားထောင်ရင်း ဂျောင်ဆူးက အင်္ကျီအနားစကို လက်နှစ်ဖက်နဲ့ ဆုပ်ချေနေမိသည်။ မသွားချင်ဘူး။ ဟာစောနဲ့ဝေးတဲ့နေရာမှာ သွားမနေချင်ဘူး။ ဒါပေမဲ့လည်း မငြင်းရဲဘူး။ ဒိုဂျောင်ဆူးဆိုတာ သူများစွန့်ပစ်ထားတဲ့နေရာကနေ ဆရာဝန်တို့ကောက်ယူမွေးစားထားတဲ့ကလေးမဟုတ်လား။ ကျေးဇူးရှင်က သွားဆို သွားရုံအပြင်ဘာတတ်နိုင်မှာလဲ။
"ဂျောင်ဆူးကြိုက်တဲ့ ပန်းချီပစ္စည်းတွေနဲ့ ဆေးရောင်ခြယ်တာတွေ အများကြီးဝယ်ပေးမှာ"
မျက်လုံးလေးတွေလက်သွားတဲ့ ကလေးက ဆရာဝန်ကို မော့ကြည့်သည်။ ဆရာဝန်တို့အိမ်မှာလည်း လိုလေသေးမရှိဖြည့်ဆည်းထားပေမဲ့ ကလေးအတွေးထဲမှာတော့ လိုချင်တာအကုန်ရမယ်ဆိုတော့ သဘောကျသွားသည်။
"သားက ဟာစောနဲ့ မခွဲချင်ဘူး"
"ဟာစောနဲ့မခွဲရပါဘူး ခဏခဏ ပြန်တွေ့ရမှာပဲကို
ချန်ယောလ်လေးနေကောင်းသွားတဲ့အခါ ဂျောင်ဆူးက ဒီကိုပြန်လာခဲ့ပေါ့"
"ဟုတ်ကဲ့"
ကျွန်တော်က ကျွန်တော်မြတ်နိုးတဲ့ ဆေးရောင်ခြယ်ပစ္စည်းလေးတွေကို မက်မောမိရုံလေးပါပဲ။ ဘဝတစ်ခုလုံး သူများဆွဲတဲ့ စုတ်ချက်အတိုင်း ဆေးစက်ကျရာ အရာထင်ရမယ်မှန်းတော့ အဲ့ဒီတုန်းက ဘယ်သိခဲ့ပါ့မလဲ။ ကလေးတစ်ယောက်ရဲ့ဘဝတစ်ခုကို ငွေကြေးနဲ့ ဝယ်လို့ရလောက်အောင် ပတ်ချန်ယောလ်မိဘတွေရဲ့ အရှိန်အဝါကြီးမှုကိုလည်း ဘယ်နားလည်ခဲ့ပါမလဲ။ တကယ်တမ်းသိတဲ့အချိန်မှာတော့ ကျွန်တော့်ဘဝက ထွက်ပေါက်မရှိတဲ့နေရာတစ်ခုမှာ အပြီးသတ် ပိတ်လှောင်ခံခဲ့ရပြီးပြီဖြစ်သည်။
🚫
လိုချင်တာတစ်ခုရလာရင် လက်ကမချနိုင်လောက်အောင် သဘောကျတတ်တဲ့ချန်ယောလ်က သူလိုချင်ခဲ့တဲ့ မျက်လုံးဝိုင်းလေးကိုလည်း သူ့ကစားစရာတွေကို သယ်သွားသလိုမျိုး နေရာတကာခေါ်သွားချင်သည်။ အမြဲတမ်း သူ့နားမှာပဲ ထားချင်သည်။ ထို့ကြောင့် ဂျောင်ဆူးကို ကျောင်းအဟောင်းကနေ ချန်ယောလ်နဲ့ကျောင်းအတူတူတက်ဖို့ ကျောင်းပြောင်းပေးရသည်။ မျက်လုံးဝိုင်းလေး ရောက်လာကတည်းက ချန်ယောလ်က သူများပစ္စည်းကို လုတာ ရန်ရှာတာမျိုးမရှိတော့ပေ။ ချန်ယောလ်လေးအတွက် မျက်လုံးဝိုင်းလေးကသာ အလှဆုံး လိုချင်စရာအကောင်းဆုံး စိတ်ဝင်စားစရာအကောင်းဆုံးဖြစ်သည်။
YOU ARE READING
The turned-off EXIT Light
Fanfictionဘယ်နည်းနဲ့မဆို မင်းဆီကနေ လွတ်မြောက်သွားဖို့က ငါ့ဘဝရဲ့အကြီးဆုံးမျှော်လင့်ချက်... (Unicode + Zawgyi)
