The turned-off EXIT Light
Part 2
နာမည်ကြီးအထက်တန်းကျောင်းတစ်ခု၏ မူလတန်းကျောင်းဆောင်ဘက်တွင် တာဝန်ရှိဆရာ ဆရာမများ စုအုံနေကြသည်။ ကလေးချင်း ခဲတံလုရင်း ခဲတံနှင့်ထိုးမိသည့်ကိစ္စမျိုးဖြစ်သွားခဲ့ပြီး ပြဿနာတွင်ပါဝင်ပတ်သက်နေသူ ပတ်ချန်ယောလ်က ပုံမှန်အသိုင်းအဝိုင်းထဲက မဟုတ်သောကြောင့် ဆရာ ဆရာမများ ခေါင်းကြိမ်းနေရသည်။ ပတ်ချန်ယောလ်က နစ်နာသူမဟုတ်လို့သာတော်တော့သည်။ သို့သော် ဒီကိစ္စက ဘက်မလိုက်တမ်းကြည့်ရမယ်ဆို ပတ်ချန်ယောလ်အမှားစစ်စစ်ပင်ဖြစ်သည်။
ဂျွန်ယူဆိုသော ကလေး၏ ခဲတံလှလှလေးကို ချန်ယောလ်က လိုချင်သောကြောင့် တောင်းသည်။ ပိုင်ရှင်ကမပေးသောအခါ အတင်းလုယူသည်။ တစ်ဖက်ကပြန်လုတော့ ခဲတံနဲ့ စောင့်ထိုးပစ်လိုက်တ မျက်လုံးဘေးဘက်ကို ထိုးမိသွားသည်။ မျက်လုံးတည့်တည့်မဟုတ်လို့သာ တော်ပါသေးသည်။ ကလေးနှစ်ယောက်လုံးကို ကျောင်းအုပ်ရုံးခန်းထဲခေါ်ထားပြီးသည်အထိ ချန်ယောလ်လက်ထဲက ခဲတံကို လွှတ်မချနိုင်သေးပေ။
သူဒါကိုကြိုက်တယ် ဒါကိုလိုချင်တယ်။ အရင်ဆုံးကောင်းကောင်းတောင်းမယ်။ မပေးရင် ရအောင်ယူမယ်။ ဒါကိုလက်မခံရင် နာကျင်အောင်ပြန်လုပ်မယ်။ မွေးကတည်းက aggressive ဖြစ်လွန်းသည့်စိတ်နှင့် မိဘများဆီက ရထားသည့် စိတ်ဒဏ်ရာတို့ပေါင်းကာ ချန်ယောလ်က ပုံမှန်ကလေးတွေလို စိတ်မျိုးတော့မဟုတ်ပေ။
မကြာမီအချိန်တွင်ပဲ အနက်ရောင်ကား ၃ စီး ကျောင်းဝင်းထဲဆိုက်လာပြီး အလယ်ကားမှ ဝတ်စုံပြည့်ဝတ်ထားသည့် အမတ်လောင်း ပတ် ဆင်းလာသည်။ အလားအလာရှိသည့် အမတ်လောင်း ဖြစ်သောကြောင့် သူ့ရဲ့ ဩဇာအာဏာကတော့ အဖွဲ့အစည်းတော်တော်များများကို သက်ရောက်သည်။ ကျောင်းရုံးခန်းထဲဝင်သွားသည်နှင့် ကျောင်းအုပ်ကြီးကပါ နေရာထဖယ်ပေးရသည်အထိ အရှိန်အဝါကြီးသူဖြစ်သည်။ သူများခဲတံကို လုတာက ချန်ယောလ်၊ သူများကလေးကို နာကျင်အောင်လုပ်တာလည်း ချန်ယောလ်ဆိုပေမဲ့ ကျောင်းတွက်ခဲ့ရသည့်လူကတော့ ဂျွန်ယူပဲဖြစ်သည်။ လက်ထဲတွင်ရှိသော အာဏာပါဝါကို အပြည့်အဝသုံးလိုက်သောကြောင့် ထိုကိစ္စနှင့်ပတ်သက်ပြီး ဘယ်သူ့ဆီကမှ အသံထွက်မလာတော့ပေ။
BINABASA MO ANG
The turned-off EXIT Light
Fanfictionဘယ်နည်းနဲ့မဆို မင်းဆီကနေ လွတ်မြောက်သွားဖို့က ငါ့ဘဝရဲ့အကြီးဆုံးမျှော်လင့်ချက်... (Unicode + Zawgyi)
