The turned-off EXIT Light
Part 5
ချန်ယောလ် ဘဝထဲကို မျက်လုံးဝိုင်းလေးရောက်လာပြီးနောက်ပိုင်း အရမ်းပျော်ခဲ့ရပေမဲ့ တစ်နှစ်တစ်ခါတော့ အကြီးအကျယ် စိတ်ဆင်းရဲရသည့်နေ့ရှိခဲ့သည်။ ထိုနေ့က ဂန်ဟာစောရဲ့ မွေးနေ့ဖြစ်သည်။ မျက်လုံးဝိုင်းလေးက အဲ့ဒီနေ့ဆို တစ်ချိန်လုံး ချန်ယောလ်နားမှာမနေဘဲ ဂန်ဟာစောတို့အိမ်ကို သွားနေတတ်သည်။ ချန်ယောလ်ကလည်း ကလေးအရွယ်ပဲရှိသေးသောကြောင့် မျက်လုံးဝိုင်းလေးကို မသွားဖို့ ငိုယိုပြီးတားရုံကလွဲလို့ ဘာမှ မတတ်နိုင်ခဲ့ပေ။ ချန်ယောလ်ဘယ်လောက်ငိုငို မျက်လုံးဝိုင်းလေးက ဂန်ဟာစောမွေးနေ့ဆိုလျင်တော့ ချန်ယောလ်ကို အငိုတိတ်အောင် ချော့လေ့မရှိခဲ့ပေ။ ချန်ယောလ်တို့အိမ်က ကားနှင့်ပင် ဂျောင်ဆူးကို ဒေါက်တာဂန်တို့အိမ် ပို့ပေးရပြီး ညနက်မှ ပြန်သွားကြိုရတတ်သည်။ မှတ်မှတ်ရရ ဟာစော ၁၀ နှစ်ပြည့်မွေးနေ့တုန်းကတော့ ဂျောင်ဆူးက ဟာစောတို့အိမ်မှာ အိပ်ပျော်သွားပြီး ချန်ယောလ်ဆီကို ပြန်မလာခဲ့ပေ။ ထိုညက တစ်ညလုံး အကြီးအကျယ်သောင်းကျန်းခဲ့တဲ့ ချန်ယောလ်သည် မနက်ရောက်တော့ ဒေါသရှိန်နဲ့ သတိပါလစ်သွားခဲ့ဖူးသည်။
ဂျောင်ဆူးရောက်လာပြီးကတည်းက တည်ငြိမ်နေတဲ့အခြေအနေကြောင့် Child Psychologist နဲ့ ပုံမှန်ကုသမှုကိုတောင် ရပ်ဆိုင်းထားခဲ့သည်။ ထိုအချိန်အတွင်း ချန်ယောလ်ရဲ့ မွေးရာပါ စိတ်ရောဂါအသေးစားလေးက တဖြည်းဖြည်းအုံဖွဲ့ကြီးထွားလာနေခဲ့တာကိုတော့ ဘယ်သူမှ သတိမပြုမိခဲ့ကြပေ။ အစွဲအလန်းကြီးသည့် ကလေး၏ စိတ်စွဲလန်းမှုအလုံးစုံက ဂျောင်ဆူးပေါ်မှာသာရှိနေခဲ့ပြီး ဂျောင်ဆူး စိတ်ပျက်သွားမှာ စိတ်ဆိုးသွားမှာကြောက်သည့် အတွေးများက ချန်ယောလ်ကို နှိပ်စက်နေသည်။ အသက် ၁၀ နှစ်ကျော်ပြီး လူပျိုပေါက်အရွယ်ရောက်လာချိန်တွင် ချန်ယောလ်ရဲ့ စိတ်ခံစားမှုကို ဖော်ပြသည့်ပုံက တစ်မျိုးပြောင်းလဲသွားသည်။ ငယ်ငယ်က အော်ဟစ်ငိုယိုသောင်းကျန်းတတ်သလောက် အရွယ်ရောက်လာတော့ စိတ်ထဲမှာ တစ်ခုခုကို ကြောက်လာတိုင်း သန့်စင်ခန်းသွားပြီး လက်မကြာခဏဆေးတာမျိုး၊ စာအုပ်များကို ညီနေအောင် ထိုင်စီနေတာမျိုး၊ အခန်းထဲမှာ ခေါက်တုံ့ခေါက်ပြန် လမ်းလျောက်နေတာမျိုးတွေ လုပ်လာသည်။ ချန်ယောလ် ကိုယ်တိုင် သတိပြုမိလာသည့် နောက်ထပ် ထူးခြားမှုတစ်ခုက ချန်ယောလ်ရဲ့ လိင်စိတ်တိမ်းညွတ်မှုဖြစ်သည်။ ယောက်ျားလေး မိန်းကလေး ခွဲခြားတာမျိုးမဟုတ်ဘဲ ချန်ယောလ်ရဲ့ စိတ်တိမ်းညွတ်မှုက ဂျောင်ဆူးဆီမှာသာ အပြည့်အဝရှိနေသည်။ ဂျောင်ဆူးဆိုသည့် တည်ရှိမှုသည် ယောက်ျားလေးဖြစ်စေ၊ မိန်းကလေးဖြစ်စေ ချန်ယောလ်က သူ့အပေါ်မှာသာ တိမ်းညွတ်သည်။
YOU ARE READING
The turned-off EXIT Light
Fanfictionဘယ်နည်းနဲ့မဆို မင်းဆီကနေ လွတ်မြောက်သွားဖို့က ငါ့ဘဝရဲ့အကြီးဆုံးမျှော်လင့်ချက်... (Unicode + Zawgyi)
