The turned-off EXIT Light
Part 9
"ငါ ထပ်ထွက်မပြေးတော့ဘူး ချန်ယောလ်"
ချန်ယောလ်က မယုံကြည်နိုင်သော မျက်ဝန်းများဖြင့် ဂျောင်ဆူးကို ကြည့်နေသည်။ တစ်ခုခုပြောမလို့ ကြံရွယ်နေပုံရသော နှုတ်ခမ်းသားများက ဘာစကားသံမှ ထွက်မလာဘဲ တဆတ်ဆတ် တုန်ရီလို့လာသည်။ လက်များက ဂျောင်ဆူးပခုံးဆီလှမ်းနေသော်လည်း တော်တော်နှင့်ရောက်မလာဘဲ အပြုအမူတိုင်းက တုံ့ဆိုင်းလို့လာခဲ့သည်။ တစ်သက်တာအတွက် မမျှော်လင့်ရဲခဲ့သော စကားကို ကြားလိုက်ရချိန်တွင် အရာအားလုံးနှေးကွေးလို့သွားခဲ့သည်။
"ငါ မင်းကို ထပ်မထားခဲ့တော့ဘူး"
ဂျောင်ဆူးဆီက ဒုတိယမြောက်စကားသံကြားရချိန်တွင် ချန်ယောလ်ပါးပေါ်၌ ပူနွေးသောအရာများ ဖြတ်စီးလာသည်။ ချန်ယောလ်ရဲ့ ဖိအားပေးမှုမပါဘဲ ဂျောင်ဆူးဘက်က စိတ်လိုလက်ရပြောလာသော စကားတစ်ခွန်းကြောင့် ခန္ဓာကိုယ်ထဲက သွေးတွေ ပြောင်းပြန်စီးနေသလိုမျိုး ခံစားလာရသည်။
"မောင်..."
အခုအချိန်အထိ နှေးကွေးနေဆဲဖြစ်သော ချန်ယောလ်အနားသို့ ဂျောင်ဆူးက တိုးလာပြီး ချန်ယောလ်လက်များကို ဆုပ်ကိုင်လိုက်သည်။
"ဒီဘဝအတွက် မင်းဆီက ငါ လွတ်မြောက်ဖို့ မကြိုးစားတော့ဘူး"
"မောင် တကယ်ပြောနေတာနော်..."
ဂျောင်ဆူး ခေါင်းငြိမ့်ပြလိုက်ပြီးတဲ့နောက် ချန်ယောလ်နှုတ်ခမ်းတွေက ဂျောင်ဆူးနှုတ်ခမ်းတွေပေါ် ထပ်တူကျသွားခဲ့သည်။ တောင်ပေါ်လေက မြေပြန့်ရာသီဥတုထက် ပိုအေးစိမ့်နေပေမဲ့ နှုတ်ခမ်းချင်းမခွာနိုင်ကြသူများကတော့ အေးစိမ့်မှုကို ဂရုပြုမိဟန်ပင်မပြပေ။ ချန်ယောလ်ဘက်က နစ်နစ်နဲနဲစုပ်ယူနမ်းရှိုက်မှုတွေနောက်မှာ ဂျောင်ဆူးဘက်က ပထမဆုံးအနေနဲ့ ချန်ယောလ်ရဲ့အောက်နှုတ်ခမ်းကို ဆွဲစုပ်လာသည်။ ရင်ထဲမှာ သိမ့်ခနဲ ခံစားလိုက်ရပြီး ဂျောင်ဆူးကို အနားပိုရောက်အောင် ဆွဲကပ်ပစ်လိုက်သည်။ တစ်ခါမှတုန့်ပြန်မှုမရှိခဲ့သော ဂျောင်ဆူးနှုတ်ခမ်းဆီမှ အနမ်းသည်လည်း အချိန်ကြာလာသည်နှင့် အမျှ ပူလောင် ပြင်းရှလာခဲ့သည်။
KAMU SEDANG MEMBACA
The turned-off EXIT Light
Fiksi Penggemarဘယ်နည်းနဲ့မဆို မင်းဆီကနေ လွတ်မြောက်သွားဖို့က ငါ့ဘဝရဲ့အကြီးဆုံးမျှော်လင့်ချက်... (Unicode + Zawgyi)
