لم أشعر بعدها بشئٍ سوا بالسيارة تتوقف أمام المنزل، هبطتُ منها وتحركت بكسل حتى دخلت للمنزل فقابلت جدي في الطريق يبتسم.
من المؤكد أنه لم يصل له جواب الاستدعاء بعد وإلا لكنتُ خارج المنزل الآن بعد طردي. انني مدينةٌ لمعلم الفيزياء.
" وصلي جواب الاستدعاء على فكرة بس أحمدي ربنا ان مزاجي رايق" هه اسحب حديثي المعلم وغد.
"ايه قطعت علاقتك مع طنط إخلاص الحيزبونة ودا محسنلك مزاجك ؟" تسائلت بتعجب فزفر بتعب يقول "يابت حسّني ملافظك شويه دي مهما كانت قدي في السن"
"قدك في السن مين ياجدو أنت مش شايف بتتلزق فيك ازاي؟ دي فاضلها شويه وتيجي تطلب ايدك مننا، ليلي لو جات وشافتها هنا هتقطعها" قلت بسخرية فتنهد يرفع رأسه للأعلى يقول" شكلي هفضل طول عمري محاط بـناس قليلة رباية"
صمت قليلاً ثم اخفض رأسه مجدداً يسأل بترقب " يوسف مش طبيعي الايام دي متعرفيش ماله؟؟"نفيتُ برأسي اردُ باختصار" لا" لم يصدقني بالتأكيد ورفع إحدى حاجبيه يسأل بشك" يعني متعرفيش؟؟"
" لا معرفش" قلت فصمت لوهلة قبل أن يعاود السؤال "طب هو اتأخر في المدرسة ليه امبارح؟ "حركتُ كتفاي بجهل اقول"مش عارفه"
كُنت أعلم أن يوسف يقف على حافة باب المنزل يستمع لنا وسرعان ما وجدتُ صوته داخل عقلي" نوران متغدريش بيا ابوس ايدك"
"ها يانور مش ناوية تقوليلي يوسف ماله ؟؟" تسائل جدي مجدداً بترقب فتنهدت اجيبه" ياجدو معرفش أنا مش بشوفه كتير الايام دي اصلاً معرفش عنه حاجة!"
وفوراً وجدته يخرج من جيبه مئتيّ جُنيه يلوح بهم أمام عينيّ فأستمعت لصراخ يوسف داخل عقلي" لا نوور لا هشيلك شنطتك لمدة أسبوع وهنضفلك اوضتك واعزمك على غدا بس غدر لا "
مئتيّ جنيه مقابل تنظيف غرفتي ووجبة غداء وحمل الحقيبة؟؟ اختار المئتيّ جنيهاً طبعاً.
" اتعارك مع ليو فيليب امبارح عركة كبيرة والمدير عاقبهم الاتنين، بيروح المدرسة عشان يلعب كورة ويعاكس البنات وبيحب واحدة اسمها ماريا بتربيه من أول وجديد وكمان مصاحب بنتين في نفس الوقت واحدة اسمها هانا جابلها دبدوب أحمر في الفلانتين والتانيه اسمها سيندي جابتله سلسلة فضة بيلبسها كل يوم وهو رايح المدرسة ويقفل زراير القميص عشان أنت متشوفهوش وأول ما نوصل المدرسة بيفتحه، وهو جابلها خاتم فضة وكله من فلوسك طبعاً، دا غير أنه محضرش امتحان الفيزيا النهارده والاستاذ اداله صفر "
أنهيتُ حديثي وأخذت نفساً عميقاً فسالني جدي علي الفور ببسمة سعيدة" يعني انتِ حضرتي الامتحان؟ "
" اه بس جبت صفر برده "قلت ببسمة فتحطمت بسمته على الفور وهو يشير للأعلى" اطلعي يانور فوق بدل ما اهينك دلوقتي وعقاباً ليكي انتي اللي هتطلعي الزبالة النهارده"
أنت تقرأ
نور×2.
Aventura"مين دا؟" كان هذا أول ما نطقتُ به بينما أشير تجاه الوسيم فحرك الثلاثة الآخرين عينيهم تجاهه وقد ارتسمت معالم الدهشة على وجوهم. "هو مين اللي مين؟ " سأل يوسف فرفعت حاجبيّ اجيبه بتعجب "أبو شعر ابيض دا!" "أنتِ وقعتي على دماغك يانور ؟؟ مفيش غيري أنا وما...
