The Reincarnation

Chapter 28

THIRD PERSON POINT OF VIEW

   KASALUKUYANG nag diriwang ang mga taga nayon ng mga Ánthiszoún at mga Anthropoi of thálassas dahil sa pagkapanalo at umpisa ng kanilang aliyansa.

Samu't sari ang mga palamuti na makikita sa buong paligid at ang mga pagkaing nakahain ay mula pa sa kani-kanilang mga ninuno.

Habang abala ang lahat sa pag ku-kwentuhan, pag hingi ng paumanhin, at pag tatawanan ay nakangiting nakamasid si Jack at Sapphire sa hindi kalayuan.

"Ang saya nila 'no," ang binata na ang bumasag sa nakakabasag na katahimikan sa pagitan nilang dalawa ng kaibigan.

"Oo nga eh.." pag sangayon ng dalaga saka humarap sa kaniya, "..ako rin, may magandang balita sa'yo."

"Talaga? Ano nam—" hindi nito natuloy ang sinasabi ng may biglang humila sa kaniyang braso, "Uyy! Teka-teka—" ang pagtanging kaniyang dapat na ginawa ay hindi na niya tinuloy at nakipag sayaw nalang sa mga ito.

Pigil naman sa pag tawa si Sapphire dahil sa ginagawa ng binata— ‘para siyang nag oorasyonʼ sabi niya mula sa isip.

"Hindi ka yata nakikisaya kamahalan," nilingon niya ang pinanggagalingan ng boses.

"Lucial..." nanaas ang isa niyang kilay ng pasadahan ng tingin ang kapatid ng dalawang pinuno mula ulo hanggang paa, "feel na feel natin ang pagiging mukhang bata ah?" may halong pang aasar na tanong niya.

Mahina naman itong natawa, "kay sarap lang kaseng balikan ang pagka bata," aniya.

"tss. sabagay, may punto ka naman diyan," pag sangayon niya saka muling ibinalik ang tingin sa mga nag sasayaw lalo na kay Jack na hindi talaga biniyayaan ng karunungan sa pagsasayaw.

‘kahit kailan—kadiri talaga sumayaw ang lalaking iyonʼ anang niya sa isip.

"Mag tatagal pa ba kayo rito?"

Hindi niya nilingon si Lucual at nananatiling nakatingin sa mga mananayaw at sa—mukhang manananggal (jack).

"Gusuhin ko man pero maraming taong may kailangan at nag aantay sa amin," tanging sagot ng dalaga.

"Naiintindihan ko kamahalan, nakakalungkot lang dahil sandali lamang kayong tumuloy sa aming maliit na nayon—pero agad na napalapit ang mga tao sa inyong dalawa lalo na sa iyong nobyo," sabi nito.

Oo ng—teka....

Kunot-noo siyang nilingon ng dalaga, "A-ano 'yon? P-pakiulit nga, para kase akong nabingi."

"Bakit? Hindi ho ba kayo magkasintahan?" inosente niyang tanong kay Sapphire.

"Yukk! Saang lupalop ng kaisipan mo naman iyan narinig?"

"Ahh—hehe, ang akala ko ay may relasyon kayo, sayang mag hahanda dapat ang nayon para rito ganapin ang inyong kasalan," ani Lucial na dinirian naman ni Sapphire.

"Kinilabutan ako sa sinabi mo, grabe ka!" ani ng dalaga.

Napakamot nalang sa ulo si Lucial at saktong lumapit naman sa kanila si Jack.

"Napagod ako," agad na sabi nito pagkadating.

"So kasalanan ko?"

"May sinabi ako ha! May sinabi ako?" ani ng binata bago nanaray na ikinalaki naman ng mata ni Sapphire.

"Hoy! Lalaki! Ikaw... kung hindi ka lang talaga—mabubugbug kita diyan eh!" may inis sa boses na ani Sapphire.

Tumabi si Jack sa kaniya saka inakbayan. "Ano ba yan, para namang hindi ka mabiro. Hehe."