انْتَهَت الرَّسَائِل

الفصل : الثاني

طال الغياب و هواك غلاب
عشمني في ضَي عينيك .... |

استيقظت مبكراً لأول مرة تقريباً ، بنشاط غير المعتاد لا تعلم لما استيقظت مبكراً ، خطر بذهنها ان تقوم بتجهيز الفطور بدلاً من والدتها
رونق لذاتها : اصبحنا و اصبح المُلك لله
أدْت فريضتها و دعت ربها و قامت لتجهيز الفطور
| في المطبخ |
دخلت على " اليوتيوب " حتى تجد طريقه عمل البيض " اومليت "
لم تجد حتى الآن قناه تشجعها على المشاهده
رونق بسخريه : انا مالى انا اتخانقتي مع حماتك روحتى عامله بيض ، اي المُبهر يعني !
كادت تخرج منه حتى وجدت قناه بإسم إنْتَهَت الرَّسَائِل " و المضمون هو :_ برنامج إنْتَهَت الرَّسَائِل | يُقدم اُغنيه لفريق الغناء ' تيما ' على الإذاعه |
ضغطت على الفيديو ، هو ذاته صوت الأمس
رونق بشرود : إنْتَهَت الرَّسَائِل !
دلفت والدتها و قالت بنعاس : صباح الخير يحبيبتي ، روحي خدي دوش و هحضر الفطار حالاً
رونق : لا يحبيبي انا اخدت شاور و هحضر معاكي الفطار ... صحيح لقيت الولد الي كان بيعزف على الراديو امبارح ليه بيدج على اليوتيوب ، اشغل اي ؟
والدتها : شغلى قرآن احسن ، نبقى نسمع بالليل
اومأت و قامت بتشغيل القرآن الكريم
               ______________
| في منزل سراج |
صوته الهادئ مع دموعه وسط عينه و يلف رأسه نحو كِتفه الأيسر و يقول : السلام عليكم و رحمه الله
أخذ يُسبح ربهُ و هو يبكى كأنه طفل ، يحتاج إلى والدته ، يحتاج حضن دافئ

" سبحان الله ، الحمد لله ، لا إله إلا الله،  الله أكبر "

رن هاتفه برقم مجهول
:_ حق اختى و هجيبه منك يا سراج الكلب ، فاكر لما تتجوزها غصب عننا يبقى خلاص كدة لا غلطاتك كترت اوي ، و الحمل زاد لما قتلتها
سراج ببرود : لو انت تقدر تقتل روحك بإيدك يريت تقولي يمكن انا كمان قتلتها
اغلق الخط بوجهه و جلس على الأرض يضم أرجله الى صدره ، أخذ يبكى و يبكى حتى جفت اوتاره لم يعُد البكاء يجدي نفعاً ، سوف يزل الحزن مُغيم على فؤاده
سراج : انا محتاجك ، شوفتي .. فاكرين اني قتلتك طب حد يقدر يدمر حياته بأيده حد يقدر يستغني عن روحه ، عن قلبه ؛ دة يموت .. يموت زي ما انا ميت ، فاكرين اني عايش حياتي بسعد الناس في سهرتهم ، بس من جوايا انا موجوع ، انا قلبي بيبكى دموع ، روحي بتتسحب منى غصب عني ، لسه فاكر تفاصيلها ، لسه فاكر كل تفصيله بنعملها ، لسه جوايا نفس المشاعر و بتزيد ، انا من برة عايش و من جوايا ميت ، جسد ماشي على ارض الله الواسعه و مش لاقى ملجأ ليه ، مش لاقي حب خلاص راح ، سيبتيني و سيبتي جوايا فراغ ، فراغ مليان بالدموع و الوجع ، دة انا حتى الأكل بشوفك قاعده قدامي بتاكليه ، لسه سامع صوت الدُش الصبح ، لسه شامم ريحه عطرك الي بيملى قلبي ، لسه شايفك في الصاله بتكنسي ، لسه سامع صوتك في المطبخ بتغني ، لسه انتي جوايا عايشه مش ميته ♡.
                 _____________
| في الهرم |

جابر : شوفت ، بيقفل في وشي السكه ، يا ابويا قلتلك نقتله و نخلص ، دم اختى ميروحش هدر ابداً
والده بعصبيه : و انت فاكر انها اختك و بس دي بنتي بنتي من لحمى و دمي ، بنتي الي ملحقتش اشبع منها ، بنتي الي اتجوزت واحد انا مش راضي عنه ، بنتي الي ماتت و جابولي شنطها مليانه دم ، بنتي الي انا مشوفتش ملامحها من شعرها الي كان اصفر لامع بقى كله احمر من الدم ، حق بنتي و مش هسيبه بس الموت ليه رحمه و انا هعذبه قبل ما يموت يا جابر .
جابر بضعف : انت اكتر واحد عارف كانت بالنسبالي اي ، مكنتش اختى و بس دي كانت بنتي الضُغيرة كنت على طول اناديها بدلوعتي ، كانت اغلى حاجه في حياتي ، فجأه الاقيك بتكلمني و تقول اختك ماتت يا جابر ، حسيت اني بحلم ضربت نفسي كذا مرة عشان افوق من الكابوس دة ، بس ما فوقتش يا بابا مفوقتش ، كان حقيقه واضحه ، كانت شمس بتنور حياتنا و فجأه هبت عاصفه و اخدتها ، و العاصفه دي سراج ، و انا مش هسيبه ، مش هسيب حق اختي
والده بوجع : شوفتي اي الي بيجرالنا يبنتي ، شوفتي جرا اي من ورا جوزك ، وحشتيني يا بنتي ... وحشتيني يا همسه .
               ______________
| في منزل رونق |