انْتَهَت الرَّسَائِل

الفصل : السادس

| و كأن الحزن ساتر واقى لجسدي ، ايعقل ان يكون جسدي هو الواقي للحزن ، في كل حال ان الحزن بجسدي و جسدي به حزن |
#بقلمي
قال جابر : كان بيقول اي الحلم يا بابا ؟!
والده بشرود : حلمت بأختك و هي بتعيط جامد و كانت ماسكه ايد حد بس مش ظاهر و انا اتخضيت عليها و فضلت انادي بس مش عايزه ترد عليا كانت بتزعق فيك انتَ ، قولت اكيد بتتخانقوا زي عادتكوا بس لا ، شويه و بدأت تشد الأيد دي و ظهر ... ظهر سراج ، ظهر و هو تعبان و شكله عامل حادثه ، حضنته و بدأت تقول مش مسمحاكم ضيعتوه ، همسه مش مرتاحه في قبرها يبني ، همسه حست باللي عملته يا جابر
نهض " جابر " من جانب والده و قال بتوتر : لا لا ، دة مجرد حلم هي اكيد دلوقتي مبسوطه عشان بجيب حقها اكيد
والده : لا ، احنا غلطنا يا جابر غلطنا لما قولنها هنجيب حقها بق.تله ، ربنا موجود يبني لو ما اخدتش حقها في الدنيا هياخده يوم لا ينفع مالٍ ولا بنون ، ربنا مش بيضيع حق حد ، ربنا ارحم بكتير مما تتصور ، ابعد عن طريقه يبني خليه يتهنى في الدنيا و يحل عليه عذاب مُقيم في الآخره ، خلي ربنا يباركلي فيك .
جابر بشر : لا ، مش هقدر اشوفه متمتع بحياته و اختى ضايع حقها هدر ، عايز اشوفه و هو بيتعذب قدامي ، هطلع روحه على ايدي
و من ثم خرج من الغرفه دون سماع رد والده
بينما جلس والده في حيره ، فقط يدعو الله بهدايه ابنه و إرجاع حق ابنته التي قُت.لت عن عمد كما يظن .
_____________
| في شركه فؤاد النور |
في اليوم التالى ، كان يجلس " عصام " امام اشرقت يحاولون مُراجعه الكاميرات حتى يعرفوا من الفاعل و لكن دون جدوى كانت الكاميرات مُعطله بالفعل
نُقِر الباب بهدوء و كانت ابنه " عصام "
دلفت و هي تبتسم في وجه " اشرقت " و تقول بصوتها المبحوح : ازيك يا اشرقت ؟ وحشتيني .
اشرقت و هي تنهض لإحتضانها : و انتِ كتير ، عامله اي في الدراسه ؟
ردت عليها " عهود " بملل : اوووف ، الدراسه مُتعبه اوي بس هستحمل عشان اشتغل مع بابو في الشركه
عصام بسخريه : و الله الي انا شايفه اني كنت بايت في حُضنك ولا كأني قاعد ولا حتى ازيك يا بابا !!
عهود و هي تقبله من وجنتيه : بابو انا ع طول معاك و حشتيني يا سيدي بس اشرقت بقالى فتره مشوفتهاش .
عصام : اممم ، طيب خلى اشرقت تنفعك بقا ، ابقى قوليلها تعالى معايا المول يا اشرقت ، هلتي فلوس يا اشرقت ، عايزه العربيه يا اشرقت ، هطلب اوردر من برا يا اشرقت ، هعم......
اشرقت بمُقاطعه : باااااس ، هو حضرتك تيجي جنبي اي ، بس عشان هي وحشتني انا كمان فعلًا متقصدش حاجه .
عصام بإبتسامه : عارف ده كويس ، تقدري تتفضلي يا اشرقت عشان مش عارف اوصل لحاجه
عهود : بابو الصراحه عايزه العربيه عشان هنزل مع اشرقت اجيب لبس ابيض لل fun day للجامعه بلييز ؟
عصام و هو يغلق الأدراج : انا اصلا شويه و هفضي ، هوصلكم اتفقنا ؟
عهود : ميرسي يا احلى بابو ، يلا هروح اقعد مع اشرقت تحكيلي اي الي حصل ف مكتب سراج
عصام بملل : يرب قويني ، اسمه اونكل سراج يحبيبتي مش كده
عهود و هي تخرج ممسكه بيد " اشرقت " : اونكل اي بس ، اسمه سراج سروج حبيب قلبي
_____________
| في مكتب اشرقت |
جلست تروي لها ما حدث تحت شهقات " عهود " المستمرة
عهود : يلهوي ، يعني كُل ده حصل لسراج ، ي حبيبي صعبان عليا
دلفت " رونق " مَقاطِعه حديثها
رونق : اشرقت النت بطئ عندي و ..... اسفه مكنتش اعرف ان فيه حد معاكي
اشرقت : تعالى دي عهود بنت مستر عصام الي كانت هتيجي قبل كده بس طلع عندها محاضرات
رونق بإبتسامه : ااه ، ازيك يقمر ؟
عهود : و النبي انتِ الي قمر ، اسمك اي يجميل ؟
رونق بضحكه خفيفه : رونق ، و متستغربيش من الإسم
عهود بإعجاب : الله إسمك حلو اوي و مختلف حبيتك تعالى اقعدي
رونق بذوق : معلش عشان معطلكوش .
عهود بسرعه : لا لا ، تعالى بنتكلم ع الي حصل مع سروج
رونق بإستغراب : سروج مين دي ؟
_ دي !! دة انا يا استاذة
التفت لتجده امامها مُعقد يده على صدره و ينظر لها بسخريه على مناداته بصيغه مؤنثه
رونق بإحراج : احم ، انا معرفش يعني ف .. ف فكرت انها شخص بنت يعني
سراج بتجاهل : اشرقت ، عصام فاضي ؟!!
عهود بمقاطعه : ولا كأني قاعده يا استاذ هو خلاص يعني عشان عايز عصام مبقتش عايز بنت عصام
سراح بإبتسامه و هو يقبل رأسها : ازيك يا عُدعُد ، وحشتيني يا حبيبي .
عهود : انا زي الفُل ، عرفت الي حصل ربنا يعوض عليك يا سروج ولا يهمك
تنهد بحزن ثم قال : بقالى كتير مشوفتكيش هنا لي ؟
عهود بمغازله : وحشتك ؟! قولتلك نتجوز يبن الحلال و انت الي منشف دماغك براحتك بس مترجعش تقولي عايز اتجوزك بعد ما احب غيرك
سراج بتمثيل : لا ، ابوكي هيفضل مقعدك معاه مش هيسيبك بس بقولك اي ... هخطفك متخفيش
اعتلت ضحكاتهم تحت نظرات " رونق " لتجاهلها لها و إحراجها بالأخص امام " اشرقت "
دلف " عصام " على صوت ضحكاتهم و هو يقول : قلبتها قهوة ؟
سراج : يعم بهزر مع مراتي فيه اي ؟
عصام بغيره على ابنته : لا يا حبيبي انسى ، بنتي هتفضل مع ابوها كده
عهود بدراما : كان على عيني يا سراج ، بس القدر بيفرقنا يحبيبي
لاحظ " عصام " وقوف " رونق " بإحراج فقال : رونق ، مالك ؟!
رونق : لا مفيش بس .... بس كنت عايز اشوف النت عشان واقف عندي ، عن اذنكوا
اشرقت : استني يا رونق ، هاجي معاكي
عهود : رايحين فين ؟!
رونق : تعالى معانا .
| بالحمام |
اشرقت : متزعليش من مستر سراج ، هو كده من زمان
رونق بعصبيه : مش بحب التجاهل بكرهه
عهود : بصي يا رونق ، سراج ليه ظروف لوحده هو مر بحاجات كتير لوحده بجد ف هيكون بارد قدامك لكن هو اطيب خلق الله بجد هو بس محتاج حد يداوي جرحه ، هتلاقيه ضميره بيأنبه عشان احرجك اصلا
رونق : هو اي الي حصله ؟!
تنهدت "عهود " و قالت : دي حياته الشخصيه مقدرش احكيها لحد و بالذات انه مأمني ع سره فلو عايزه تعرفي حاجه تقدري تسأليه
قالت " رونق " و هي تعدل من خصلاتها امام المرآه : لا ، مش عايزه اعرف عنه حاجه
______________
| في منزل رونق |
كانت والدتها تجهز الطعام ، قطع إنسجامها مع مطبخها دق الباب ، خرجت من المطبخ و اخذت إسدالها و فتحت ، وجدت شاب غريب يقف امامها و يسأل عن ابنتها
والدتها : هي ف الشغل يبني ، خير ؟
الشاب : خير إن شاء الله ، انا جاركم هنا في الشارع و الآنسه كانت مستعجله الصُبح و وقعت منها الماديليه دي و ملحقتهاش ، فسألت ع بيتها و ولاد الحلال دلوني
قالت والدتها و هي تأخذ منه الميداليه : تسلم يبني ع ذوقك تعبناك
الشاب : لا يحجه ولا يهمك ، عن اذنك
اغلقت الباب بعدما ترجل بقليل و امسكت الميداليه امام عينها و نظرت بإستغراب و قالت : هي حاطه في الميداليه عفريت ولا اي ؟ صبرني ع البت الي هتتلبس قريب دي .
ثم وضعتها على الطاوله حين رجوع  " رونق "
______________
|في منزل جابر |
كان في غرفته يرتدي ملابسه متوجهاً إلى مكانٍ ما و إبتسامه خُبث على ثغره و قال لذاته و هو يضع عطره : هييح ، جايلك يا سراج لحد عندك ، رجلى جيباني عندك عشان تشدك معاها و توقعك
و خرج من المنزل و ركب سياره الأُجره و قال للسائق : شركة فؤاد النور يسطا .
| في شركه فؤاد النور |
جلست " رونق " تنهى عملها و امامها " عهود " تعبث بهاتفها دون جدوى ، تململت بملل و قالت : رونق ... هو كُل ده شغل إخلصي عايزه اقعد مع حد
رونق و هي تنظر للحاسوب : عهود ارجوكي عندي شُغل كتير و كمان الي حصل لمستر سراج عطل الدنيا خالص و المفروض اسلم الشغل في اقرب وقت
تأفأفت و هي تضع أرجلها على الطاوله امامها و تنظر للسقف ، نظرت لها " رونق " و قالت : معلش لو هضايق حضرتك انتِ مش قاعده ف بيتكوا لو حد دخل ؟
عهود بكسل : يست هبقى انزل رجلى ، كملي شغل كملى
اكملت عملها حتى وصلت لآخر صوره ، دق الباب و دلفت " السيكرتيره " و هي تقول : رونق فيه شخص عايزك
اعتدلت " عهود " في جلستها و قالت رونق بإستغراب : عايزني انا !!! دخليه
دلف بعض دقائق و هو ينظر لها ثم نظر للجالسه امامها
قالت رونق و هي تقف : اهلاً اتفضل اقعد
جلس و قال و هو ينظر " لعهود " : كُنت عايز حضرتك لوحدك
كادت ترد " رونق " و لكن سبقتها " عهود " و قالت ببرود : ما انا هسألها ع الي انتَ قولتهولها و هي هتقولى ملهاش لازمه بقا اللفه دي ها ؟
عايزها في اي ؟
نظر لها بقرف و قال : عايز انسه رونق لوحدها
كلامي اظن واضح
تدخلت " رونق " حتى لا يشتعل الجو بينهم و قالت : حضرتك تعرفني منين و دي صديقتي اظن حضرتك مش عايزني في حاجه مُهمه للدرجادي
نظر لها بقله حيله و قال : انا جابر .... كُنت هعمل حفله في دار ايتام و عايزك انتِ تصوري ، سمعت عنك
رونق : انا مش مسؤله دلوقتي اني اروح اصور ، حضرتك تقدر تتواصل مع مستر عصام و فريق كامل هيكون تحت امرك
جابر بخبث : الأمر لله ، فين مستر عصام اتمنى اقابله
عهود بسرعه : اخرج للسكرتيره و هي هتقولك ، رونق عندها شغل
جابر : شكراً يا ... يا آنسه يا محترمه
خرج من المكتب و قالت " عهود " بعصبيه : قصده اي الراجل ده
رونق بشرود : وراه حاجه ، اكيد عارف اني مش هروح كده لوحدي و لازم يقابل المُدير ، ربنا يسترها
نهضت " عهود " و هي تأخذ حقيبتها و تقول : عندي مُحاضره و كُنت هنساها يلا سلام
رونق بإبتسامه : بأمان الله .
____________
| في مكتب عصام | 
عصام بذوق : تحت امر حضرتك طبعاً ، بس تبعتلى اللوكيشن و فريق كامل يكون في الملجأ
جابر : الحفله هتبدأ الساعه واحده و انا عايز vlog من اول اليوم تماماً
عصام : 11:30 الفريق يكون في الملجأ بإذن الله
جابر : تمم ، المبلغ الي حضرتك تطلبه طبعاً
عصام بأبتسامه : الحساب بيكون كاش و مع السكرتيره هتقول لحضرتك كُل التفاصيل
جابر : تمم ... اشكُرك
دلفت " اشرقت " و هي تأخذ الإذن من " عصام " بدلوف صديقه
عصام : قوليله ينتظر بس اخلص مع العميل
اشرقت : تحت امرك
جابر : اسف لو هعطلك استأذن انا
عصام : لا مفيش عطله ، ده صديقي سراج
تخشب محله و قال بتوتر : لو .. لو سمحت هو فين التواليت
عصام بإستغراب من توتره المُفاجئ : بجانب الكفاتيريا ... في حاجه يا فندم ؟!!
جابر : لا لا ، عن إذنك
خرج " جابر " و هو يلتفت حوله مثل اللصوص يخشى ان يراه " سراج "
لمحه و هو جالس مع " اشرقت " بمكتبها ، فأسرع من خطواته خارج الشركه بأكملها
دلف لسيارته و هو يتنفس الصعداء و يحمد ربه إنه لم يراه ، بدأ بتحريك السياره للخلف و هو شارد و وجه أصفر و لكن سمع صوت أحد يطرق على ظهر السياره بشده ، ترجل من سيراته بعصبيه ليرى من هذا المُختل
وجدها ذات الفتاه التي قابلها بالداخل و هي ممكسه بفخذتها و تقول : ايي يا حمار حد بيرجع بضهره من غير ما يبص ع المرايه ،  جحش الي عطاك رخصه اقسم بالله
شرد بملامحها فهي فتاه وجهها رقيق لكن تتفوه تلك الشفاه بقاذورات مثل المُشرد بالشوارع
انتبه لذاته فقال لها : اكيد جحش عشان خلاني اخبط جاموسه زيك
نظرت له بالبطئ بعدما كانت تنظر لفخذتها التي اصتدمت بالسياره و بدأ بؤبؤ عينها يزداد توسعاً و قالت بعصبيه : انا جموسه ها ؟
قال بثقه : و ستين جموسه
نظرت له بخبث ثم وضعت يدها بداخل حقيبتها و اخرجت زجاجه العطر و قالت و هي ترف يدها : و الجواميس بيطيحوا مش بيرحموا ... خد
ثم القت بزجاجه العطر على زجاج السياره لنزل فتات مثل السكر و تنكسر الزجاجه بداخل السياره و يبتل اريكتها
نظر لها بعصبيه و كاد يرفع يده ليصفعها و لكنها ركضت للشارع و اخذت سياره أجرى و هي تقول له : اطلع بسرعه بسرعه ده بيتح.رش بيا .. بسرعه
انطلق السائق مُصدقاً اياها و تنفست هي الصعداء و نظرت للخلف رأته يقف بعصبيه فإبتسمت إبتسامه بلهاء و قالت لذاتها : و النبي انا strong women يسلام .
_____________
| في مساء ذات اليوم في منزل رونق |
دلفت لغرفتها بعد يوم شاق في إخلاص تعديل الصور و اخذت من خزانتها ' بيجامه ' و خرجت لتلتقى بوالدتها و قالت : مساء الخير يا ماما ، عامله اي ؟
والدتها : بخير يا حبيبي ، احضرلك تاكلي
رونق بحُزن : انتِ أكلتي لوحدك ولا اي ؟
والدتها : لا طبعاً مقدرتش ، ادخلى خدي شاور سريع اكون حضرتلك الأكل
ابتسمت و كادت بالمُغادره و لكن اوقفها صوت والدتها
والدتها : اه صح ، في شاب كده خبط عليا انهرده
رونق : شاب مين و عايز اي !
والدتها : قال انك وقعتي ماديليتك و هو ربنا يباركله جابها ، لو مكنش شافك كنا هنتسرق و حد يدخل علينا
رونق بسخريه : يست الكُل محدش يعرفنا غيرنا اصلا ، و بعدين هما اي الي يعرفهم ان المفاتيح دي بتاعت البيت ده
والدتها : و بعدين اي العفريت الي انتِ حاطاه ده ؟؟ هتتلبسي
تعالت ضحكات " رونق " على تعبير والدتها لشخصيه الكارتون التي تضعها في الميداليه
رونق : مش قاادره ، يماما .... يماما ده كارتون اسمه stitch ، بمووت عفريت اي ؟
والدتها : انا عارفه بقا ، اهو شكله يخض و خلاص
رونق بطفوليه : ماما ملكيش دعوه ب stitch بتاعى
والدتها : روحي يا رونق استحمي و متعليش المياه السخنه عشان هاجي ف يوم الاقيكي مُغم عليكي في الحمام
اومأت و دلفت للحمام ، و ذهبت والدتها لإحضار الطعام
____________
| في منزل جابر |
كان يدور في الغرفه ذهاباً و إياباً فقال والده : يبني اقعد بقا ، انا دوخت منك
جابر بعصبيه : بقا البت الفعلوصه دي تكسرلي العربيه ، إن ما كسرتش رقبتها بس
والده بضحكه خفيفه : فعلوصه !! ، إسمها مفعوصه و بعدين هبقى اعطيك فلوس تركب ازاز جديد اقعد بقا
جابر : يعني انا ع الفلوس ، بقولك كسرتلى العربيه بالريحه بتاعتها
حاول والده كتم إبتسامته بصعوبه و قال : ما كُنت تعتذر و خلاص إنت بردو خبطها
جابر : هو انا لحقت ؟؟؟ انا يدوب نزلت لقيتها طفحت فيا شتايم
والده : طب اهدي كده و صلى ع النبي
جابر بتأفأف : عليه افضل الصلاه والسلام .
   _______________                
                    _______                        
                        ____                           
                           __                             
#سلمى_اسامه
#انتهت_الرسائل
اسفه ع التأخير
اتفاعلوا . بحبكم ♥️