انْتَهَت الرَّسَائِل

الفصل : الخامس

| ما زال هناك سطر لم يُكتب في قلبي ، اعطيني اناملك لكي استعيد ما انطفئ في قلب لم يعد له كيان ، اعطيني شِفتاك حتى تُغمرني السعاده في انفاس فؤادي |
#بقلمييي

شهقت و هي تضع يدها على قلبها و تقول : في اي يا امي ما تدخلى بالراحه
والدتها بعصبيه : بتشتغلي فين يا زفته انتي ؟!
رونق بإستغراب : في اي ، بشتغل في شركه تصوير عادي
والدتها و هي تجلس بجانبها : لا لا ، قولتيلي انهردة روحتي فين !
رونق : روحت لدورة تصوير كدة من ضمنها مكتب انتهت الرسائل
احتضنتها والدتها و هي تهمس ببعض ايات القرآن ثم قالت : الحمد لله يرب الحمد لله متورنيش وحش في بنتي ابدًا اشكرك و احمد فضلك
رونق بسخريه : اي يماما قلبتيها براعم الايمان لي !
والدتها : احترمي نفسك ، لسه سامعه في الراديو ان المكتب الي كنتي فيه بسم الله اتحرق و ميعرفوش السبب
رونق بصدمه : نعم !! ات ... اتحرق ازاي و امتى .... انا لازم اروح الشركه دلوقتي
والدتها : انتي مجنونه ، مش هخليكي تنزلي و الله اعلم اي الي يحصل
رونق و هي تفتح خزانتها و تأخذ ثوب باللون الاسود : متقلقيش يا حبيبتي ، بس لازم اشوف اي الي بيحصل دة انا سايبه كُل حاجه كويسه
والدتها بخوف : خلي بالك من نفسك .... استرها و جيب العواقب سليمه يرب
                ____________

انطلقت بسيارتها للشركه و هي شاردة لم تلاحظ فتح اشارة المرور
_ تييييييييييييييييييييييييت
صوت السيارات اخرجها من شرودها ، اخرجت يدها من النافذة تلوح كإعتذار
وصلت للشركه و دلفت سريعًا وجدت بعض العاملين يلملموا اوراقهم للرحيل
رونق بتعب : مستر عصام و اشرقت هنا ؟!
الموظفه : اه هما جوا و معاهم مستر سراج
رونق : معلش هعطلك ... هو اي الي حصل في المكتب بتاع سراج .. قصدي مستر سراج
الموظفه : محدش يعرف غير ان فيه حريق لكن محدش اتكلم خالص
رونق : تمم شكرًا
الموظفه : عن إذنك .
اومأت و هي تنظر للممر المؤدى لمكتب " عصام "
رونق لذاتها : هو انا اي الي جابني ، انا مالي اصلًا اووف ، انا هدخل اشوف اي الي حصل و خلاص .
طرقت الباب بخفه و دلفت بعدما سمعت إذن " عصام " لذلك
اشرقت بإستغراب : رونق ، خير في اي ؟!
لملمت خصلاتها خلف اذنها و قالت بحرج : سمعت ان .. ان المكتب حصله حر.يق فقلقت ، فيه حد اتأذى
اشرقت : لا الحمد لله مفيش اي اصابات لحد
سراج بغضب مكبوت : و انتِ عرفتي منين الأخبار ؟
رونق بخوف : ك كنت بسمع الراديو و قالوا ان المكتب اتح.رق
امسك بكوب الماء بجانبه و القى به على الارض ليكون فتات زجاج حال قلبه
انتفضت رونق بصدمه و امسكت بها اشرقت
سراج بصراخ : الكُل هيعرف ان حلمي ضاع ، لحقوا نشروااا الاخباار
ثم نظر الى رونق و قال : سمعتي على برنامج اي ، كان مين الي بيذيع
تلجم لسانها لم تعد قادرة على النطق فقد ارعبها نبرة صوته و عصبيته الغير مبررة بالنسبه لها
سراج بغضب : انطقييييي
عصام بعصبيه : انتَ بتزعق فيها هي ليييي ، حق عليها جايه تطمن عليما بعد الي سمعته
سراج بسخريه : متشكرين افضالك ، محدش قالك تيجي تطمني علينا تقدري تروحي
رونق بدموع : انا اسفه ... عن اذنكوا .
خرجت من المكتب و هي تبكي فقال " عصام " بغضب لعدم تحكمه بأعصابه : تتفضل حالًا تخرج تعتذرلها و توصلها البيت لأنك اهنتها في مكتبي بدون سبب و متحولش تبرر دلوقتي
سراج : عصام هي الي عصب....
عصام : انا قولت وراها و متسبهاش تروح لوحدها في وقت زي دة بسرعه
خرج و هو يلعن و يسب نفسه على اليوم الذي قابلها به
رآها تفتح باب سيارتها و هي تمسح باليد الآخرى دموعِها
سراج بهدوء : اسف حقيقي مكنتش اقصد ، عصبيتي مخلتنيش مركز بقول اي و بتكلم مع مين
رونق بصوت مبحوح : لا .. لا عادي ولا يهمك انا الي اسفه
سراج : هاتي المُفتاح هوصلك بالعربيه مينفعش تروحي لوحدك الوقت اتأخر
رونق : شكرًا ... هعرف اروح متقلقش
حاول كتم غضبه ، تبًا لها و لعنادها المتكرر
سراج : لو سمحتى مش هتحايل عليكي عشان اوصلك ... اخلصي
رونق بعصبيه و صوتها الطفولى الرفيع : يعني انتَ الي غلطان و اهنتني و بتبجح كمان ، انتَ شخص قليل الأدب
تلك المرة حاول كتم ابتسامته من صوتها الغير لائق على عصبيتِها و لكن فشل
سراج بإبتسامه : انا بعتذرلك اهو و لو سمحتى ممكن اروحك عشان مينفعش تروحي بالوقت دة لوحدك .
القت بوجهه مُفتاح السياره و هي تقول : اتفضل خلينا نخلص
سراج بهمس : come down come down ، انتَ هتوصلها و ترجع Come down .
اخرجت رأسها من النافذة و هي تقول : يلاا يا استاذ ، بنام بدري .
سراج و هو يغلق باب السيارة و ينظر لها بعصبيه و قال بهمس  : نامت ....  عليكي .... حيطه .
                _____________

| في منزل جابر |

انتفض والده من الفراش و هو يستشهد بالله ، و يسكب القليل من الماء و يتجرع البعض بلهس
والده : اعوذ بالله من الشيطان الرجيم ، بسم الله الله اكبر الله اكبر
توضأ ليصلى ركعتين لله و هو يفكر في ذاك الحلم الذي لم يطمأن قلبه ابدًا
دلف عليه " جابر " ، فوجده يصلى ، جلس على حافه الفراش ينتظر انتهائه من الصلاه
_ السلام عليكم ورحمة الله ... السلام عليكم ورحمة الله
والده : خير اي الي مصحيك في الوقت دة
جابر : قلقت قولت اجي اشوفك .
والده بتنهيدة : و الله يبني حلمت بحاجه خوفتني
جابر : استغفر ربنا كدة ، هنام جنبك ممكن ؟!
والده : طبعًا ، تعالى .
نام بجانب والده مثل قديمًا ، تذكر كان ينام هو على الجهة اليُمنى و " همسه " على الجهة اليُسرى
جابر بإبتسامه لم تمحى : كان بيقول اي الحلم يا بابا ؟!
               ______________
                  __________
                      ______
                         ___
                           _
#سلمى_اوسامه
#انتهت_الرسائل

جيبوا عليه ريتش الي هما ال 7 الي بيتفاعلوا و هتزل السادس
البارت قصير لأن هي روايه مش هتبقى تقريبًا طويله و كمان مفيهاش شخصيات كتير ♡.
اللينك واتباد 👇🥰