أحببت منقذي ( مكتملة )

البارت السادس 🖤

هلاا گليباتي يلاا نبدي بالبارت السادس.....🖤
.
.
.
.
الضابط/ اخذت البنية لاقرب مستشفى وبسرعة دخلوهة للطوارئ وبعد فحوصات وتحاليل وهل سوالف كالو انو متعرضة لصدمة قووية وصاير عدهة انهيار قووي هم انطوهة علاجات ومغذيات وكالو باجر نطلعهة اني اظطريت ابقى يمهة لان ماكو احد وياهة ظلت نايمة ورة كم ساعة كعدت ...

اصيل/ حسيت ع نفسي لكيت روحي بالمستشفى اول شي نسيت كل شي صار وياي واريد افتهم ليش اني هنا فصحت ع ماما دسئلهة ليش اني هنا صحت ماما ماما اباوع ماكو احد بس هذا الظابط من شفتة كبل رجعتلي ذاكرتي وتذكرت كلشي خنكتني العبرة وكمت ابجي بقهر بدون صوت بس دموعي تجري 😭

الظابط / لا لاا لتبجين ليش دتبجين سولفيلي لزمتهة من چتفهة واكللهة اسكتي ميصير تظلين تبجين ، انوب اني ما اعرف اسمهة لو قصتهة ع مود أهون عليهة حاولت اهديهة بس ظلت تبجي بالنص ساعة واني بس صافن  بس كلش قهرتي وانوب الي قهرني اكثر ما اكدر اساعدهة بشي وبعد ما هدت ...

الظابط / انتي شسمج

اصيل / اصيل اسمي اصيل

الظابط / هااا اصايل شكد عمرج

اصيل / ١٩

الظابط / العمر كلة يوردة ، حاولت اسئلهة واغير مودهة شوية ، اصولة تردين نطلع منا

اصيل / بس وينن اروح اني بابا وماما وعثمان اخوي كتلوهم الدواعش كدام عيني وصديقتي نور هم

الظابط / من صدك انصدمت من الشي الي كالتة اصيل يعني صدك بنية قوية كدرت تتحمل كل هل عذاب بس ما ردت اسئلهة اكثر عن الموضوع ع مود لا ترجع تبجي وتتأزم حالتها ،، اممممم انروح بيت اهلي شتكولين

اصيل / هاا وهمة وين ساكنين

الظابط / هم من ديالى خوش ناس راح تحبيهم وهم تغيرين جو 

اصيل / ما ادري خاف عيب

الظابط / لا لا مو عيب هسة من يرخصوج نروح

اصيل / صمت

الظابط / بالمناسبة اني اسمي سيف

اصيل / هاا خوش

الظابط / امممم ايي وعمري ٣١

اصيل / العمر كلة

الظابط سيف / شكرا

اصيل / ظلينة بالمستشفى اني مالي خلك وهو شكد يحجي وثاني يوم رخصونة هو طلب إجازة واخذني وطلعنة من الانبار  شمحلة ذيج الايام شكد جنت مرتاحة وفرحانة عفت كلشي جان مصدر سعادتي ابوي وامي واخوي واخر شي محافضتي الي انولدت بيهة وتربيت وعشت ايام تخبل بيهة من طلعنة من الانبار اني ابجي  صعدت ليورة وظليت ابجي مجرد ما اتخيل انو اني وحيدة بهل دنيا هل فكرة ترعبني حييل اتذكر انو اني شفت ابوي بعيني مقتول وعثمان كدامي كتلو وحتى ماما احس انو لا جذب هل شي وما صار وهذا حلم وراح اكعد منة والكة اهلي موحودين بس ما كعدت  هل تفكير دمرني بحيث كمت ابجي بصوت مسموع وكلت لسيف نزلني نزلني هنااا

سيف / هاا شنو انزلج شبيج اصيل

اصيل / اني ليش لحد هسة عايشة وين اريد اوصل نزلني خلي الحك اهلي بدونهم ما اعيش وين اعيش شلون اعيش  خليني اموت وارتاح من عذابي

سيف / نزلت من السيارة ورحت فتحت الباب الي يمهة وكتلهة ليش هيج تكولين شبيج ميصير هل حجي

اصيل / لا لا ايصير الشي الي حرام يصير انو اظل عايشة والله والله ادمرت من قهري وعذابي والتفكير اني ليش عايشة اصلا ماكو شي يخليني اعيش ع مودة ابوس ايدك موتني ريحتي خليني الحك اهلي ونور 

سيف / اشششش اسكتي لتكولين هيج اني يمج اصيل مستحيل اخلي شي يمسج ( كسرت گلبي بكلامهة وحركة كلبهة الله يساعدهة والله ، حاولت اقنعهة واهديهة وبعد ساعة تقريبا يلا كملنة الطريق )

اصيل / اجتي اخبارية لسيف انو الطريق بي مراكز لداعش هم ومو امان وظلينة نمشي ع كيفنة ويأمن الطريق بالاول بس متنة من التعب ، اني شوية هديت واقتنعت بالي كاتبة الله الي وكلت شنو يريد يصير خلي يصير ماكو شي يسوة اخاف منة وصدك صار عندي كلشي عادي ......

سيف / قربنة نوصل لمنطقتنة اتصل علية رقم غريب جاوبت ....

مجهول 📞/ انتة نقذت نسوان وبنات غربيات عنك وع مود بعد متصير شجاع زيادة اهل بيتك راحو بمكان النسوان 

سيف 📞/ هاااا شنووووو ، الوووو الوووووو

اصيل/ شكوو شصاير

سيف / اهلي اهلي ، وكمت امشي بسرعة حيلل

اصيل / شبيهم شكوو

سيف / وصلت لمرحلة من الخوف والتوتر ما اكدر احجي وصلنة البيت اخيرا نزلت بسرعة وطبيت ركض للبيت

اصيل / وصلنة وهو نزل بسرعة فرحت اني وراه طبينة وشفنةة

سيف / امي واخواتي واخوي مختفين ، كمت اعيط لااااااا لااااااااا وينهمممم لاااا

اصيل / جان البيت فارغ عرفت انو داعش خاطفهم ظليت صافنة وهو يعيط

سيف / اتصلت ع جماعة وكتلهم انو اهلي مخطوفين وانو رقم هددني وانطيتهم الرقم وكالو هم يتولون القصة وبعد ما سديتة مباشرتا اتصل علية نفس الرقم بس مكالمة فديو جنت حيل خايف اجاوب واشوف اهلي لا سامح الله بيهم شي

اصيل/ اباوع ع وجهة مينوصف رحت وكفت يمة وكتلة خلك قوي وجاوب

سيف / جاوبت واشوف اني وخواتي واخوي مربوطين كمت اصيح عووفوهم اني جايكم لا تسووون شي معليكم بيهم تعالوووو گتلوني بس  الحقراء قتلوهم كدامي وسدو الاتصال منظرهم ميروح عن بالي ابد كبل شمرت الفون بالكاع وصحت لاااااااااا يربيييي اهللليي 

اصيل / يربيي ليش هيج ديصير اتذكرت الموقف الي صار وياي نفسة صار وية سيف بس تحول من ذاك الظابط الهيبة القوي صار عبالك طفل ويصيح ويبجي تقربت عليهة وظليت ابجي واكول الله يرحمهم شهداء راحو شهداء راحو للجنة اهدئ بس هو عبالك ميسمعني ع نفس حالتة احس اني وسيف نفس الشي بالظبط وهسة ثنينة وحيدين  ، كلتلة لخالطريي اهدئ لتعوفني وحدي سيف 

سيف / سمعت اخر شي كالتة اصيل صفنت باوعت بعيونهة عيونهة حمر وتبجي ومخنوكة ظليت صافن عليهة جريتهة وحضنتهة حييل وظليت ابجي

اصيل / رغم الموقف الي جنة بي بس حسيت بأمان حييل يمة حضنتة وظليت ابجي طلعت كل الخنكة والحركة الي بداخلي  فرغت كل قهري بحضنة  وبعدين .......
.
.
.
.
.
.
.
لهنا وينتهي البارت السادس انتظروني ببارت جديد واحداث تجنن ....🖤🖤
.
.
.
ايلافيو 💞💘