حقيقه تلك الليله . سالم : ايه اللى جاب بنتك والعيال دى هنا دلوقتى انت مش عارف اننا جايين . أحمد الصافى : معرفش قالت إنهم مش جايين هنا النهاردة سالم: وانا اعملك ايه الموضوع لازم يتم النهارده الراجل مستعجل وكمان أدم جاى والكل العيال دى لازم تمشى حالا . أحمد: مش هينفع هقولهم ايه . سالم : مافيش اختيارات يا العيال دى تمشى دلوقتى يا هنتفضح والناس لو جم ولقوهم هنا هيقتلوهم . أحمد: انت اتجننت لا طبعا العيال دى انا اعرفهم واعرف أهاليهم ولو حصلهم حاجه هنروح كلنا فى داهيه . سالم : اتصرف . أحمد: مش هعرف امشيهم احنا اللى لازم نمشى من هنا معنديش مبرر اقوله لنيرة ولو شكت فى حاجه هتدور لحد ما تعرف وانا مش عايز بنتى تعرف حاجه . سالم: بقولك ايه ماتقوليش مش هعرف ولا الهبل ده الناس وصلت . أحمد: بس بس عشان نيرة جايه . نيرة : ازيك يا اونكل . سالم : ازيك يا حبيبتي . أحمد: ايه يا روحى انتو مش كنتوا مش جايين النهارده . نيرة : الخطه اتغيرت وهنسافر بكرا كلنا سوا من هنا عشان هما اقرب وبعدين انت مش حضرتك كنت مسافر . أحمد : اه بس اونكل طلب منى أجى عشان فى شغل مهم هنعمله النهارده ولازم يخلص . نيرة : ااااه اوكيه هروح انا اجيب العصير . سالم : استنى انتى يا حبيبتى انا هجبهولك . نيرة : مش عايزه اتعبك معايا . سالم: تعبك راحه بتروحى انتى وصحابك . كان ينظر احمد بذهول ولا يفهم ما يفعله سالم وبعدما أعطى نيرة العصير وذهبت قال أحمد : انت بتعمل ايه . سالم : بتصرف بنقذلك حياتهم كده كده احنا مش عايزين غير كام ساعه بس هيناموا فيها واحنا نخلص ونمشى . أحمد: اوعى تكون أذيتهم انا بحذرك . سالم : متخافش روح انت قابل الناس وحاول ماتعرفهمش على بال ما اخلص انا من هنا . بيلى: على فكره انت بتنصب الكوتشينه اصلا فيها اربع ولاد الخامس ده جبته منين بقى. مازن : لا ما احنا حطين اتنين على بعض يعنى ٨ ولاد .ريانة : ايه ده ايه الفتى احنا اصلا بنلعب بكوتشينه واحدة بس .مازن : انا نفسى افهم انتى اخت مين فينا ها يعنى بدل ما تفضحى اخوكى دارى عليه انا بنصب استرى عليا . ريانة :يرضيك اكدب يرضيك . نيرة : ولا تزعل نفسك انا اكدب عشانك . مادى : يالهوى على المحن بتاعكو انتو عيال ملزقة .مازن : متغاظ انت مننا انا عارف الحقد اللى مالى قلبك ده . شيكو : طبعا اومال يابنى احنا نفسيتنا سواد اصلا وبنحقد عليك عشان اخدت قمر الشله بتاعتنا . دينا : قصدك ايه بقى أن شاء الله يعنى احنا وحشين يعنى ولا ايه؟ شيكو: انا يابنتى قولت كده ده انتو حتى كلكوا قمرات عمالين تتخطفوا كده من قدام عنينا يعنى نيرة اهو مازن اللهم صلى على النبى مظبطها وريانة حضرة الظابط قريب هو كمان هيخطفها من وسطنا وهتبقى حرم حضرة الظابط وشويه وتجبلنا عيل يقولنا يا خالو . مريم: يعجبنى فيك انك بتلحق نفسك دايما . بيلى : ده لازم احنا مانقدرش على زعلكوا . لتتركهم نيرة وتذهب إلى رؤية عمها وتعود معها كؤوس العصير . مادى : الله ينور الله عليكى يابنتى روحى يا شيخه ألهى تتجوزيه . ليضحك الجميع ويقول مازن : ايه يابنى شغل الشحاته ده . مادى : معلش اصل انا أهلى كانوا لاقيينى على باب جامع .يبدأ الجميع بالشعور بدوخه غريبة . مريم: مش عارفه فى ايه انا حاسه دماغى تقلت مره واحده كده ومش قادرة افتح عينى . ريانة : انا كمان حاسه بجسمى بينمل . مادى : البتاع ده واضح أنه كان قوى اوى . مازن: قوى ايه ده عصير فراولة . شيكو : لا بجد فى حاجه غريبه . مازن : ايه يا جدعان فى ايه ؟ ليبدوأ فى السقوط واحد ورا الاخر . وكان يصرخ مازن وينادى لأحد كى يساعده . مازن : نيرة الحقينى يا نيرة حد يساعدنا . تأتى نيرة مسرعه نيرة : فى ايه حصل ايه . مازن: معرفش فجأة بدأوا يقعوا واحد ورا التانى بعد ما شربوا العصير كلمى الإسعاف بسرعه ولا شوفى اى حاجه خلينا نلحقهم . نيرة : انا هروح انادى عمى بسرعه استنانى هنا . كانت تجرى نيرة مسرعه إلى عمها . نيرة : الحقنى يا اونكل بسرعه . سالم : مالك يا حبيبتى فى ايه . نيرة : صحابى كلهم وقعوا وانا مش عارفه اعملهم حاجه . سالم : متخافيش يا حبيبتى انا جاى معاكى . ذهبت نيرة وسالم إلى مازن ليتفاجئ سالم أن مازن مازال مستيقظ . سالم: ايه اللى حصل . مازن: معرفش هما شربوا من هنا وفجأة اغمى عليهم . سالم: وانت ماشربتش معاهم . مازن : لا انا عندى حساسيه من الفراوله وبعدما أجاب مازن قال فى باستعجاب انت بتسأل ليه لم يجاوبة سالم وقال له ساعدنى نطلعهم فوق . مازن : نطلعهم فوق فين انت بتقول ايه احنا لازم نوديهم المستشفى هو فى ايه انت بتعمل ايه . سالم: مش عايز كلام كتير اخلص انا بنقذ حياتكوا . مازن : بتنقذ حياتنا من مين وايه اللى بيحصل سالم : انا مضطره دلوقتى اقولكوا الحقيقه انتو الاتنين كان لازم تشربوا العصير مع صحابكوا عشان احنا نعرف نشتغل بس للاسف محصلش وعشان كده انتو مضطرين تساعدوني . نيرة : تشتغلوا ايه انتو بتعملوا ايه . سالم : انا مش هخبى عليكى يا نيرة اكتر من كده . سالم: انتى كبرتى دلوقتى ولازم تعرفى كل حاجه مش هنفضل مخبين عليكى كتير كده . نيرة : انا عايزه افهم هو فى ايه بالظبط . سالم: فى يا حبيبتى أن انا وباباكى الدكتور المحترم بنراعى بيزنس العيله بتاعتنا اللى انتى هتكمليه من بعدينا . نيرة : بيزنس ايه . . سالم: تجاره الاعضاء يا روحى . نيرة : ايه !!! انت بتقول ايه . سالم: زى ما سمعتى كده دى الحقيقه . مازن: خرجونى من هنا انا وصحابى واختى حالا . سالم: مع الاسف انت بقيت معانا . مازن : انا ماليش دعوه بكل الهبل اللى بتقوله ده انا لا معاكوا ولا زفت . سالم : ما انت لو مش معانا يبقى ضدنا ولو انت ضدنا يبقى هتموت . نيرة : ارجوك سبهم ماتعملهمش حاجه هما مالهمش ذنب . مازن : خرجنى من هنا حالا . سالم : عارف يا مازن يا حبيبى انا اكتر حاجه بكرهها هى أن أعيد كلامى مرتين . مازن : انا مش هساعدك فى حاجه وهخرج من هنا انا وهما من غير ما حد فيكو يلمس شعره مننا . سالم: انت اللى جبته لنفسك . ويقوم سالم بإطلاق النار على مازن وقتله وتصرخ نيرة . سالم : اخرسى ما تعمليلناش فضايح يدخل أحمد فى تلك اللحظه بعدما سمع صراخ نيرة وصوت طلق النار أحمد : ايه اللى انت هببته ده . سالم : كنت عايزه يخرج يبلغ عننا . أحمد: انت عارف العيال دى لما تفوق فاكرهم هيسكتوا ولا أهله هيسكتوا انت فتحت علينا ابواب جهنم بغبائك ده . سالم : خد بنتك وامشى نيرة : اوعى سبنى زى ما قتلته انا هقتلك يا سالم . سالم : كده عايزه تموتى عمك عشان واحد ممكن يتعوض . نيرة : يتعوض ده جوزى وابو ابنى اللى بطنى وحبيبى وكل ماليا ورحمه أمى لاقتلك يا سالم . يتفاجأ أحمد بما قالته ابنته ويقوم بصفعها على وجهها . ويقول فى غضب لأخوه أخلص من العيال دى فورا . سالم : وبالنسبه لأهلهم . أحمد : مش عايزك تقتلهم لا عايزك تخليهم عايشين ميتين بيتمنوا الموت ألف مره ومايطلهوش . يقوم سالم بترتيب كل شئ ويتفق مع أدم على أن يرسل من الجريدة صحفى صغير ليفتعل الفضيحه وتم كل شئ كما خطط له . فى منزل أدم صفوان .موت صديق عمرهم إصابهم بحاله هيستريا وصراخ . بينما الجميع كان يصرخ كانت ريانة صامته وفجأة تصاب بنوبه ضحك هستيرى ينتهى بصراخها . أدم: ده اللى حصل صاحبكوا مات من يومها لما حاول يدافع عنكوا . نبيل : يا ولاد الكلب . أدم: انتو عارفين ايه مشكلتكوا الحقيقه انكوا كنتوا فى المكان الغلط فى الوقت الغلط ده سبب كل اللى حصلكوا وبعدما انكشفت اللعبه اقتحمت الشرطه المنزل والقت القبض على جميع من فى المنزل ولم يحدث أى خسائر لهم وفى الوقت نفسه ألقوا القبض على سالم هو الآخر وكان الجميع فى انتظار التحقيق
