فى قسم الشرطة تحديد فى زنزانة المساجين كانوا ينتظرون حتى يفهموا ماذا حدث الليلة الماضية لايتذكروا شيئا لا يعرفوا أين اختفى مازن ونيرة ومتى وصلوا إلى هذه الشقة لا احد منهم قادر على أن يتذكر سوى لعبهم سويا ومزاحهم معا. فى زنزانة النساء. ريانة : انا هتجنن ازاى ده حصل احنا اخر حاجه كنا بنشرب العصير وبعدين انا مش فاكره حاجه ليه . دينا: اكيد فى حاجه غلط احنا مستحيل نعمل كده . مريم : جماعه أهلنا هيجوا واكيد هيطلعونا من الورطه دى ظ ريانة : صح صح اكيد هيعملوا كده طيب هو فين مازن ها راح فين ؟ مريم : يمكن روح احنا لسه مش عارفين حاجة . دينا : هو اكيد عارفه ايه اللى حصل وهيجى وهيقولهم . ريانة : يارب يكون بخير بس الأول . فى زنزانة الرجال . شيكو : وبعدين احنا اكيد مش هنفضل هنا كده احنا ماعملناش حاجه عشان نفضل هنا . بيلى : متأكد من ده احنا اصلا مش فاكرين حاجه عشان نقول عملنا ولا ماعملناش . مادى : ايه يابنى الهبل اللى انت بتقوله ده اكيد طبعا ماحصلش حاجه . شيكو : حصل ولا محصلش احنا ماينفعش نفضل هنا مستقبلنا هيضيع لو فضلنا هنا . بيلى : لا لا انا معنديش استعداد أن اخسر مستقبلى احنا لازم نكلم اى حد يجيى يخرجنا من هنا وبعد تفكير قال مادى : احنا نكلم زياد مش هو ظابط يجي يخرجنا من هنا ويساعدنا . شيكو : انت عبيط انت مش واخد بالك احنا ممسوكين فى ايه احنا ممسوكين فى قضيه أداب يعنى زياد لو عرف هيسيب ريانة وهيدينا كلنا بالجزمة . بيلى : ايوا يعنى نعمل ايه يعنى احنا فى المصيبه دى وبعدين اشمعنا احنا مازن ونيرة فين ها راحوا فين وسابونا كده . يتساءل الجميع عن مازن ونيرة معتقدين أنهم طوق نجاتهم من هذة الورطة وبعد ساعتين وصل أهاليهم وهم فى حاله من الغضب والحزن من ذلك الفضيحه التى رأوها على مواقع التواصل الاجتماعي ليتقابل والد ريانة ومازن مع الظابط الذى ألقى القبض عليهم . محمد عثمان والد ريانة ومازن : قولى يابنى اللى سمعناه ده مش صح مش كده ؟ الظابط : انا مش عارف اقول ايه لحضراتكم لكن للاسف احنا مسكناهم متلبسين . ادوارد وهيب : انت بتقول ايه احنا مربين ولادنا كويس وعمرهم مايعملوا كده . الظابط : والله حضرتك انا ليا باللى شوفته قدامى . سوزان رمضان والدة ريانة ومازن : هما فين دلوقتي مازن وريانة ولادى فين . الظابط : حضرتك كلهم فى الزنزانة دلوقتى فى انتظار العرض على النيابة . ليلى توفيق أم نبيل : يالهوى نيابة ؟! الظابط : الاحسن انكو تجبولهم محامى . فؤاد منصور والد دينا : لو سمحت خلينا نشوفهم . الظابط : ماشى بس مش كتير . روحوا مع العسكرى محمد هو هيدخلكم . ياسر صلاح والد شريف : شكرا يابنى . يتقابل كل والدين مع أبنائهم . محمد عثمان : انتى حطيتى رأسنا فى الارض منك لله . ريانة : بابا ارجوك اسمعنى والله ما اعرف ايه اللى حصل ولا حد مننا عارف ده حصل ازاى 😭 قالت سوزان بغضب : يعنى ايه ازاى وبعدين اخوكى فين قوليلى . ريانة : معرفش والله ما اعرف اخر مره كنا سوا امبارح وبعد كده معرفش اى حاجة . محمد عثمان : اقول ايه للناس اقول ايه لخطيبك ها قوليلى اقوله ايه بنتى إللى انت جيت تتجوزها فضحتنى وفضحتك وراحت نامت مع واحد ياريتة حتى من دينها كنا سترناكوا وخلصنا من الفضيحه دى . ريانة : لا يابابا ابوس ايدك اوعى تقوله حاجه والله ما حصل حاجه والمصحف ما حصل حاجه . سوزان : يعنى ياربى تقهر قلبى على ابنى وبنتى تفضحنى انا عملت فيكو ايه عشان تعملوا فيا كده . ياسر صلاح : حسبى الله ونعم الوكيل بقى احنا طفحانين ومتغربين عشانك تيجى فى الاخر وتبقى دى كلمه شكرا لينا تفضحنا الفضيحه . منى أحمد : انت ايه كان فين عقلك لما عملت كده . شريف :صدقونى والله ما حصل حاجه انا عمرى ما اعمل حاجه تزعلكوا هقوم يوم ما اعمل حاجه افضكوا اكيد لا . ياسر : اخرس خالص من اللحظة دى لا انت ابنى ولا اعرفك انا قرفان منك ومش طايق ابص فى وشك . ليلى توفيق : اقولك ايه انا مش عارفه اقولك ايه ادعى ولا اعمل ايه ده انت ابنى الوحيد قولت ربنا عوضنى بيك بعد سنين عذاب تقوم تعمل فيا وفى ابوك كده ابوك الدكتور المحترم اللى عمر ما حد قال عنه كلمه وحشه تيجى انت على اخر الزمن تخلى كل الناس جايبه فى سيرتة . نبيل : يا ماما صدقينى والمسيح الحى ما حصل حاجه انا مش فاكر اى حاجة . ليلى : اخرس ماتحلفش كدب انت لو بتحترمنا ماكنتش عملت كده بلاش بتحترمنا احنا لو بتحترم دينك وربك ما كنتش ورط نفسك وورطنا معاك . فؤاد منصور والد دينا:أورى وشى للناس ازاى بعد عملتك السوده دى وأخواتك يعملوا ايه بعد ما فضحتيهم . دينا : مازن هيجى هو نيرة وهيطلعونا من هنا ويقولوا أن محصلش اى حاجه وكل ده كدب صدقنى . ناديه سرحان والدة دينا : نصدقك ايه ولو احنا صدقنا الناس هتصدق ده احنا اتفضحنا خطيب اختك الصبح بعت عايز يلغى الجوازه بعد فضيحتك دى نصدقك ايه . ادوارد وهيب : انتى رنبا هيلعنك مش بس عشان غلطى وفضحتينا لا انتى غضبتى ربنا ونسيتى دينك . سيلڤيا ميخائيل والدة مريم : انتى مش بنتى لا لا يمكن تكونى بنتى اللى ربتها على الاحترام والفضيله انت شيطانه . مريم : معملتش حاجه صدقونى معملتش حاجه محدش مننا غلط انتو عارفينا احنا صحاب واخوات من زمان عمرنا ما نغلط ابدا ولا نعمل حاجه تضركوا صدقونا أرجوكم انتو أملنا الوحيد عشان نخرج من هنا . وبعدما قال كل أب وأم ما فى داخلهم لأبنائهم قرروا أن يتبرأو من أبنائهم وعدم تصديقهم بعد كثير من المحاولات لجعل آبائهم ان يصدقوا أنهم مظلومون فشلت المحاولات وهذه كانت البداية .
