ليلة نتيجة الثانوية العامة كان الجميع سعيد بالنجاح وقرروا أن يحتفلوا بتفوقهم . مازن : احنا نعمل قرعه وكل واحد يكتب هو عايز يروح فين . نبيل : اشطا جدا كلنا نكتب الساحل بقى ها . دينا : طبعا اومال حاضر من عنينا . مادى : طيب خدوا الورق اهو جاهز كل واحد يكتب اللى هو عايزه من غير تأثير على الآراء . ريانة : مازن هتكتب ايه ؟! مازن: مش هقولك 😜 ريانة : يخربيت رخامتك . مازن : بنت عيب تقولى كده لاخوكى الكبير . ريانة : يا شيخ اتنيل ده ماكنوش خمس دقايق اللى انت قارفنى بيهم دول . شريف : خلاص بقى يا حلو انت وهى اكتبوا وانتو ساكتين . بعد الانتهاء من الكتابه . مريم: جيه وقت اللحظه الحاسمه جاهزين يقول الجميع فى نفس الوقت جاهزين . مريم: اول ورقه جاهزين . نبيل : ياستى افتحى بلاش شغل التشويق ده . مريم: حاضر يوه .... طيب اول مكان مكتوب اسوان . مازن : دى اكيد ورقه ريانة معروفه يعنى . مريم: تانى ورقة اسوان . نبيل : الاه ايه الخيانه دى . مريم: تالت ورقه أسوأن بردو . مريم : رابع ورقه أسوأن . خامس ورقه أسوأن وسادس ورقه أسوأن . نيرة : من الاخر الورق كله أسوان احنا لسه هنفتحهم . مازن: اشمعنا بقى اختارتوا المكان اللى ريانة عايزه تروحوا ولا هى عشان عينيها ملونه يعنى . ريانة : ايه دخل لون عنيا بالموضوع . مازن: هو كده بقى . مادى : وبعدين ما انت كمان كاتب اسوان . مازن: ما هعمل ايه مش عايز ازعلها . ويقوم مازن بعناق ريانة ويضحك الجميع . فى تلك الليلة اختار الجميع مكان ريانة المفضل للاحتفال بأنها حصلت على المركز الأول فى الثانوية العامة. سافر الجميع إلى أسوان والتقطوا الصور وبقى هذا السرور مجرد صور للذكريات . تلتفت ريانة إلى الخلف وترى مازن وتحاول الركوض مسرعه للحاق به لكنها لا تستطيع اللحاق به وتعود مره اخرى لحازم وتقابل سالم . سالم: انت مجنون جايبها لحد هنا . حازم: والله يا باشا غصب عنى . سالم : غصب عنك ايه حته بت تعمل فيك كده . حازم : باشا صدقنى انت متعرفهمش . سالم: خلاص اخرس و اتصرف ومشيها من هنا بقى تدخل ريانة فى تلك اللحظة . ريانة : لو عايزنى امشى انا همشى بكل سهولة على فكره بس دة بعد ما تدينى الفلوس اللي انا عايزاها . سالم: فلوس ايه انتى عبيطه مافيش فلوس وبعدين الغلط اللى انتو عملتوه ده هتتحاسبوا عليه بس مش دلوقتي . ريانة: اشك . سالم : نعم . ريانة : اشك فى انك هتحاسبنا . سالم : ليه بقى أن شاء الله . ريانة: لانك محتاجنا أو بالاخص محتاجنى ومحتاج اللى معايا . ينظر إلى حازم بغضب ويقول انت اللى حطيتنا فى الورطه دى . ريانة: انت لسه هتقعد تبصله وتقوله معرفش ايه أنجز هتجيب الفلوس همشى من سكات وهنعتبر كل اللى حصل النهارده كأنه محصلش وهننساه مش هتجيب الفلوس هعملك فضحية فى الاوتيل الحلو ده كله ......... ها ايه اختارت ايه نمشى عدل ولا لا . سالم: انت بتهددينى يعنى . ريانة: والله ممكن ليه لا . يقول سالم فى غضب امشى اطلعى برا قبل ما ادفنك مكانك . تقول ريانة وهى تبتسم اوكيه .... بس اتحمل نتيجه اختيارك بقى وتذهب ريانة وبعد مرور ساعه كان اجتماع مجلس الصلح على وشك البدء ورأت ريانه سالم وهو متوجه للقاعه وبعد دخول سالم تدخل ريانة ويراها الجميع ويزداد رعب سالم ويطلب من حازم أن يأخذها خارج القاعه لكنها ترفض . ريانة : متجمعين عند النبى أن شاء الله ... لينظر إليها الجميع وبعد ذلك تعتذر ريانة قائله . ريانة : لا سورى بجد انا اسفه قصدى متجمعين فى جهنم ويغضب الجميع ويسأل أدم صفوان : مين دى يا سالم . لترد ريانة : اعرفك بنفسى انا ريرى تقدر تقول عنى كده اقرب من اقرب حد لسالم ......... انا ابقى مراته انت ماقولتلهمش ولا ايه يا سالومتى . يقول آدم فى غضب مراته ! ليأخذها سالم على جنب ويقول لها . الله يخربيتك انتى بتقولى ايه ده اخو مراتى . لتنظر ريانة إلى عينيه ضاحكه وتقول اووه يا حرام ده انت تلاقيهم هيظبطوك خالص ... الصراحه انا كنت قاصده اقول حاجه تانيه بس مش عارفه ليه فجأة ياخى سبحان الله لقيت نفسى بقول كده ده انت واضح أن ربنا بيحبك اوى . يقول سالم فى غضب انتى عايزة ايه . ريانة : لا إله إلا الله ما انا قولت انا عايزه ايه قولت انا ولا ماقولتش وقولتلك كمان اتحمل نتيجة اختيارك وانت اللى وصلتنا لكده . سالم: هديكى الفلوس اللي انتى عايزاها بعدين مش دلوقتي . ريانة : لا لا الكلام ده مش معايا ......... دلوقتى هتدينى الفلوس هصلح كل حاجه مش هتدينى الفلوس لسه عندى كلام كتير اقوله وملفات اكتر اعرضها قدامهم . يقوم سالم بكتابه شيك ويعطيه إلى ريانة . ريانة : ما كان من الاول ليه بقى تخلينى اعمل كل ده ... بس خلاص ماتقلقش يا سالومتى انا هصلح كل حاجه . يقوم سالم بالامساك بيديها ويقول هنكمل كلامنا بعدين اللى حصل ده مانتهاش بالنسبالى . ريانة : الكلام خلص وانتهى بالنسبالى مدام اخدت اللى انا عايزه وزى ماقولتلك احنا هننسى كل اللى حصل النهارده . وتتركه ريانة وتدخل مره اخرى الى القاعة . ريانة : انا اسفه جدا يا جماعه بجد من اعماق قلبي انا اسفه كل اللى انا قولته دى مش حقيقى وماكنتش اعرف أن ده اجتماع مهم وحاجه بجد انا كنت بهزر مع سالم باشا بجد بجد انا اسفه جدا وتتركهم وتذهب إلى حازم . ريانة : يلا .حازم : على فين . تقول ريانة ساخرة : والله مش عارفه بفكر تاخدنى لفة كده فى البلد اعمل شويه شوبينج . حازم : انتى بتستظرفى ؟ ريانة : لا والله هو انت اللى بادئ الاستظراف يعنى هيكون على فين بذكائك كده . حازم: ده انت الباشا هينفخك على اللى عملتيه وبكرا تقولى حازم قال . تنظر له ريانة بأحتقار وتقول: بس يالا سوق وانت ساكت . لا يعرف سالم ماذا يقول كى يوضح موقفه . أدم صفوان : انت جايبنى هنا عشان نتصالح المفروض مش عشان اسمع الهبل ده . سالم : اديك قولت هبل دى واحدة مجنونه . أدم: مجنونه مش مجنونه انا هعرف الحقيقه ولو طلع كلامها صح وانت متجوز على اختى انا هقتلك واقتلها . ويترك أدم المجلس ويذهب ويبقى سالم غضبان ويتوعد لريانة
