مظاهر العشاق ( مكتملة)

العودة الى نقطة الصفر

صلوا على النبى كده عشان نبدأ الفصل الجديد

وشكرا ليكوا على كل التعليقات الحلوة دى🌹💖

وقفنا فى الفصل اللى فات
ان فى اتصال مخيف لأبطالنا ولسه ميعرفوش مين المتصل؟؟

فى منزل مى

مى : مين يا محمود ده اللى بيتكلم بالطريقة دى
محمود: ده حوار كده بدأ من فترة ، واحد شكله مجنون عمال كل شوية بيرن وبيهددني ، على ايه نفسى اعرف ، بس الحوار ده ان شاء الله هحله
مى : طب ابقى خلى بالك من نفسك ها
محمود: تمام وانت كمان
مى : سلام
محمود: سلام

مى نزلت للفطار وجلس الجميع على الفطار

وكان يبدو عليها القلق والتفكير المستمر

سعيد : مالك يا مى
مى : مفيش يا بابا كله تمام
سعيد: اومال مالك شكلك مضايقة
مى : مفيش المذاكرة بس ( طبعا اخفت الحقيقة )
سعيد : متقلقيش يا حبيبتى خير ان شاء الله
ذاكرى بس وربنا هيكرمك
مى : حاضر
واكمل الجميع فطاره وصعدت الى غرفتها لتذاكر

فى منزل محمود:

طق طق طق
محمود: اتفضل
محمد : عامل ايه يا دكتور
محمود: بخير الحمدلله
محمد: سلمت على اخوك يبنى
محمود: ايه ده هو جه امتى
محمد: لسه جى انزل سلم عليه
محمود : نازل اهو
محمود: عامل ايه يا برو فينك ياعم
احمد: كنت فى الكلية يا خفيف يعنى مش عارف خت اجازة قولت انزل بدرى اقعد معاكوا شوية

( احمد فى كلية علوم وبعيد فى محافظة تانية عشان كده بيقعد فى مساكن الطلبة تمام)

محمود: وحشتنى ياعم فى حاجات كتيير عايز اكلمك فيها
احمد.: استنى بس اريح شوية وبالليل نتكلم سوا
محمود: تمام

صعد محمود ليكمل مذاكرته واحمد ليرتاح
حتى جاء الليل وجلس الجميع ليتحدثوا معا

محمد ،  احمد ، محمود ( وكان هذا المجلس ينتظره محمود بلهفه لأنه يحب مثل هذه الجلسات ليستمع كل ما هو يقال ويستفيد منه )

محمد: ها قولى بقى اخبارك ايه فى الكلية
احمد: تمام يا حاج
محمد: مفيش جديد يعنى
احمد: لا فى جديد ، انا هتكلم بصراحة وحضرتك عارف اني صريح ومش بحب اللف والدوران فى الكلام
محمد: اتفضل قول ، سامعك
احمد : حضرتك يا والدى انا بحب
محمد : بتحب!!؟! مين
احمد: واحدة معانا فى الكلية اسمها ندى
محمد: ازاى يعنى انت رايح تتعلم واللا رايح تحب حضرتك
احمد: يا والدى الحكاية مش كده
محمد: اومال ازاى
احمد : الحوار ان حبيتها ملهاش معنى تانى
اعجبت بها وبأخلاقها وكل حاجة فيها
محمد : ااه  وبعدين
احمد: مفيش بنتكلم دلوقتى لحد ما أتخرج عشان اخطبها
محمد: كده يعنى من غير ما اى حد يعرف
احمد : منا بقول اهو
محمد: بعد ايه ، بعد ما اتكلمت واتعرفت ، وبقى فى حوار
احمد: وايه يعنى الغلط فى كده
محمد بعصبية : لا الغلط كبير يا استاذ،  الغلط انك اتكلمت معها ، واكيد خرجتوا وجلستوا معا
احمد: مظبوط
محمد: مظبوط اه!!! ، شوف يبنى انت غلطت غلط كبير اوى
احمد ويظهر على وجه العصبيه : اللى هو
محمد: انك كلمتها ومفيش اى حاجة بينكوا ، هتقولى بينا حب ، تمام ، بس مش شرعي،  يعنى ملكش حق تكلمها كلام حب وانت مفيش صله بيها ، ده غلط يبنى ، مينفعش تعمل كده