مظاهر العشاق ( مكتملة)

بداية الجد

عاملين ايه يا اخووواتي ، والله واحشني ، معلش بقي غيبت شوية كده عشان الشغل وبعد كده النتيجة ، وكان يوم ما يعلم بيه إلا ربنا🤣🤣🤣 الحمدلله على كل حال...

يلله بقي نبدأ كده بقي 👊👊

محمد: عملت ايه فى اللى قولتلك عليه
سعيد : والله يا محمد ، الموضوع ده لسه بدري عليه ، البت لسه صغيرة ياعم ، ولسه هتدخل كلية ، ووراها حلم وحوارات كده
محمد: طب انت قولتلها
سعيد: لا
محمد بنرفزة : ياعم حرام عليك وقعت قلبي ، ما تقولها ياعم انت ، ملكش دعوة بحاجة ، الا لما نشوف رأيها
سعيد : ماشي ياعم بعد النتيجة

Flash back

محمد : بقولك ايه يا كبير
سعيد : اؤمر يا اخويا
محمد: كنت عايز اكلمك فى موضوع كده خصوصي شوية
سعيد : اتفضل يا محمد اتكلم
محمد : دلوقتي يا سعيد العيال كبروا ، وخلاص اهو داخلين الكلية ، وبقوا عرسان اهم
سعيد: مش فاهم قصدك؟؟!!
محمد : قصدي انا عايز بنتك ل ابني
سعيد : نعم !!! بس ده لسه بدري يا محمد على الحوار ده
محمد : بدري ايه ، وبعدين انت مش موافق واللا ايه
سعيد: لا طبعا يا اخويا ، بس زي ما قولتلك لسه بدري يا محمد على الموضوع ده
محمد : ملكش انت دعوة بس وقولها كده
سعيد : ماشى
And back

فى المساء منزل محمود

اجتمع أحمد و محمود و محمد فى المكتب

محمد : ها يا سيدي كنت عايز ايه
احمد : بابا انت عارف اني صريح ومش بتاع لف ودوران
محمد: اكيد اتفضل قول يابني
أحمد: بصراحة كده انا عايز اخطب
محمد بلا مبالاة : جميل وبعدين
أحمد بتعجب : جميل!!! يعني حضرتك موافق
محمد: طبعا يابني هو انا هرفض لييه ، بس فى حاجة هنا
أحمد بتغير تعابير وجه : ايه؟؟!
محمد : انت شغال ايه ، هل معاك شقة ؟؟
طب معاك فلوس ، طب لقيت البنت ؟؟
أحمد : بالنسبة للبنت اه لقيتها ندي اللى قولتلك عليها قبل كده ، اما بالنسبة للشغل اه لقيت شغل ما انا خلاص اتخرجت اهو وهشتغل فى شركة ادوية،  بالنسبة للشقة والفلوس اهم فى الطريق ان شاء الله
محمد : عال اوي ، كويس اول ما تجيب فلوس ابقي قولي وهروح اخطبهالك يا سيدي

ووسط هذه المناقشة ، يجلس فى حيرة من نفسه وماذا يفعل فيما بعد ( نعم إنه محمود)
ويقطع سرحانه
أحمد: وأنت ياباشا ايه اخبارك، النتيجة امتي
محمود: اهو ياسيدي هاانت بكره
أحمد: اوبا ايوة يا برو ، هتبقي دكتور بقي
محمود : ياعم اتنيل مش لما تظهر
أحمد : انشاء الله خير

و صعد احمد و محمود الى الغرفة ، وتركوا والدهم فى المكتب

محمود : بقولك ايه يا برو
أحمد : ايه يسطا عايز إيه
محمود : عايز اكلمك فى حوار البنات ده
أحمد بإنتباه ملاحظ فيه : بنات!! قولي يسطا معاك
محمود : مالك ياعم باصصلي كده ليه 🤣🤣
هقول اهو، في واحدة انا معجب بيها يسطا ، ومش عارف اعمل ايه
أحمد: ايوة ياعم ، وقعت يا معلم 😂😂
محمود : ياعم ولا وقعت ولا حاجة ، مجرد إعجاب بس
أحمد : 😂😂 على بابا يلا ، إعجاب برده ، قول يسطا قول وسمعني
محمود : هتتريق هسيبك واقوم
أحمد : خلاص يسطا قول بقي
محمود : مفيش ياعم واحدة اعجبت بيها و حبيتها وكنت بتكلم معاها بس قطعت الكلام عشان حسيته غلط ، كنت بتكلم فى الدراسة بس ، و اهي الدراسة خلصت
أحمد: جدع يااض ، طالع لأخوك كويس إنك قطعت الكلام ،انت كده صح ، بس هنا فى مشكلة
محمود بيأس : إيه؟؟!!
أحمد: كده يسطا كتييير اوي كدة ،هيبقي انا وانت هنخطب فى نفس السنة 🤣😂😂
محمود : يا شيخ وقعت قلبي 👊👊، وماله ياعم ، بس انا عايز اكلم ابوك ، بس مستني النتيجة
أحمد : يا خوفي لتطلع وحشه😂😂😂 ، هتبقي راحت عليك يا معلم
محمود : بعد الشر يا عم ، انا واثق فى ربنا ، وكمان عملت اللى عليا ، وكله عارف
أحمد : خلاص سيبها على الله ، وبعد الشهادة نشوف
محمود : خلصانة