مظاهر العشاق ( مكتملة)

اليوم المنتظر

اهلا يا اخواتي ، بداية شهر جديد ، و يارب يبقي شهر الخير و السعادة على الجميع💖💖

اليوم المنتظر للجميع ، نعم إنه يوم إعلان نتيجة القبول بالرغبات و الكليات .........

منزل مي ، الجميع يبدو عليهم التوتر ، و خاصة مي

أمل : مي  يا مي ، إنتي يا زفته

مي: اعاااااا ايه يا ماما ، مي مي ، في ايه منا قاعدة جنبك اهو ، بتندهي ليه

أمل: ها ايه الأخبار ، اتقبلت فى الطب واللا لسه

مي: طب ايه يا ماما ده ، انا مختارة أول رغبة كلية علوم

أمل : كلية علوم إيه دي ياختي ، إنتي بتستعبطي ، أنا عايزاكي تدخلي كلية طب أو صيدلة

مي: و أنا ولا عايزة طب ولا صيدلة ، أنا عايزة كلية علوم قسم كيمياء

أمل : نعم ياختي ، بت إنتي اسمعي الكلام،  بدل ما والله أنزل الشبشب علي دماغك ، اللى شبه الحجر دي

سعيد: سيبيها يا أمل على راحتها ، كل واحد يشوف عايز إيه و يدخله ، هي اللى هتدخل مش انتي

أمل : ماشي يا سعيد دايما كده كاسر نفسيتي

سعيد : ياستي البت عايزة علوم ، سيبيها تدخل اللى هي عايزاه ، و إنتي يا بنتي النتيجة ظهرت إيه

مي : خلاص اهو يا حجوج قربت اهي
، اعااااااااااااا الحمدلله،  الحمدلله ، اعاااااااا

أمل : جرا إيه يا بنت المجنونة ، سرعتيني في إيه

مي : الحمدلله ، الحمدلله ، اتقبلت في كلية علوم

أمل: و فرحانة أوي ياختي على إيه

مي بتكشيرة : برده مش هتبوظي فرحتي ، يااااس جت الكلية اللى كنت عايزاها

سعيد يضحك و هو يري مناقشتهم التي تشبه القط و الفأر

سعيد: خلاص بقي ، الف مبرووووك يا قلبي ، و يارب تكون بداية خير عليكي

مي : قلبي انت يا حج والله 😘🥰

أمل : طب ياختي اشبعي بيه ، أنا قايمة أشوف اللى ورايا

مي : تعالي هنا بس رايحة فين إنتي،  النهاردة مفيش أكل هيتعمل

أمل : أومال هناكل إيه يا روح أمك بقي

مي : بابا معزز مكرم كده هيطلب دليفري

سعيد بصدمة : إيه مسمعتش ، انا داخل المكتب بقي
مي : تعال هنا أنت كمان ، هنطلب دليفري يعني هنطلب ، و هعتبرها مكأفاة ليا

سعيد بعدما عرف أن لا مفر من هذا

سعيد : أمري لله .........

منزل محمود

محمود و أحمد يجلسون فى غرفتهم

محمود : يخربيت ده موقع ، عمال يعلق ليه كده