مظاهر العشاق ( مكتملة)

تفاؤل ممزوج بخوف

معلش ان اتأخرت فى الكتابة
بس عشان كنت مشغول بالمذاكرة شوية عشان انا فى تالتة ثانوى

بس كده وصلنا فى البارت اللى فات ان حصل مكالمة غريبة لمحمود وابوه هيبدأ يتصرف فيه
ومى ومحمود اتكلموا قبل الدرس

وتقابل الاتنين فى الدرس

دخلوا الطلاب وجلسوا وكانت هناك نظرات متبادلة بين محمود ومى ولكن حديث الاستاذ قطع هذا الموقف : السلام عليكم عاملين ايه يا طلابى الحلويين

الطلاب : تمام يا مستر كويسين

الاستاذ : تمام يلله نبدأ .......

المهم شرح الاستاذ الدرس وكانوا ابطالنا فى قمة التركيز اثناء الشرح وكل منهما يسجل ملاحظتهما
حتى تم الانتهاء من الشرح وكان عليهم امتحان مفاجأة كده.

فطبعا كله امتحن وهم خارجين كان كل واحد خد درجته
اثناء النزول لاحظ محمود ان مى عيناها مليئة بالبكاء  فعرف محمود انها حصلت على درجة سيئة
محمود فى نفسه: انا لازم اكلمها لما اروح عشان طبعا مينفعش اكلمها هنا

هو اه بيبحبوا بعض بس برده مينفعش يتكلم معاها فى الدرس او كده عشان الناس

المهم...

كل واحد روح بيته

منزل مى

مى ببكاء : السلام عليكم
امل : مالك يا بنتى
مى ببكاء شديد: مفيش يا ماما
امل : مفيش ازاى انت بتعيطي
مى : مفيش امتحنت النهاردة
امل : ها وبعدين
مى بغضب : جبت درجة زفت زفت
امل : طب يبنتى انت لسه فى اول السنة
مى : ازاى يعنى !!
امل : اطلعى بس دلوقتى ارتاحى ولما ابوكى يجى نتكلم
مى : ماشى

صعدت الى غرفتها ببكاء شديد وجلست عل. سريرها
مى : انا فاشلة وكمان من اول امتحان وكنت عاوزة ادخل كلية علوم ده كده مش هنتدخل تجارة حتى

حتى رن الهاتف على اسم محمود
مى ببعض من البكاء: الو
محمود : الو يا قلبى
مى : قلبك ايه بس دلوقتى
محمود: مالك يا دكتورة
مى : ولا دكتورة ولا زفت انا فاشلة
محمود: ليه بس كل ده
مى : الامتحان بتاع النهاردة
محمود: ماله
مى: جبت درجة زفت جدا
محمود: كام يعني
مى ببكاء شديد: ١
محمود: ١ ايه
مى : ١ من عشرة
محمود ينفجر من الضحك : ١ بس 😂😂😂😂😂😂😂😂😂
مى بغضب: انت بتضحك
محمود: حاجة تضحك بجد ١ بس ليه ده انت لو كتبتى اسمك هتجيبى اكتر من كده
مى بندم: انا غلطانة انى بكلمك سلام
محمود: اهدى بس
مى : اهدى ايه بتتريق على زعلى
محمود: يا حبيبتى انت مكبره الموضوع اوى كده ليه
مى : مكبرة ليه!! بقولك ١. ١ يا محمود
محمود: ما خلاص عرفت انه ١ ، بس يا حبيبتى ده اول امتحان وكمان مكنتيش عاملة حسابه نزعل ونعيط ليه بقى من اولها يعنى
ده لسه المشوار طويل
مى : يعنى ايه
محمود: يعنى حبيبت قلبى تهدى كده وتبطل عياط وتدخل تغسل وشها وتفوق وتتعلم من غلطها وتركز اكتر بس كده شوفت سهلة ازاى
مى بعودة الامل : يعنى انت شايف كده
محمود: ايوة يبنتى ده المفروض
مى : تمام خلاص ، بقولك صحيح انت جبت كام
محمود: جبت ١٠
مى : ١٠ ايه
محمود بضحك: ١٠ من ١٠😂😂
مى بغيظ : عشان كده انت مش زعلان
محمود: على فكره انا زعلت
مى : زعلت من ايه؟؟!! ده انت جبت الدرجة النهائية
محمود: زعلت انك جبت درجة وحشة ، كنت مستنى الاحسن من كده بس يلله خير
مى بحزن بسيط: انا اسفة
محمود: متتأسفيش بالكلام ، اتأسفى بالفعل ،يعنى الامتحان اللى جى تقفليه
مى : ماشى يا حبيبي هقفله وهبقى احسن منك😂😂😂
محمود: اشك فى ده 😂😂
مى: والله طب هتشوف
محمود : ايوة كده اتحمسى واضحك كده مبحبش النكد
مى : خلاص اهو كويسة ، انت عامل ايه بقى فى يومك
محمود : تمام والله اهو بذاكر وبعدين رايح الدرس وبعدين جى من الدرس
مى : زى يعنى
محمود: طبعا مش فى ثانوية
مى : على رأيك