مظاهر العشاق ( مكتملة)

معرفة الغموض

اهلا يا اخوووواتي ، اخباركم ايه ، يارب تكونوا بخير دايما

فى مكان بعيد مهجور

الرجل الغامض: اعاااااااا ، بقي أنا يضرب عليا نار ، والله لأوريك يا محمد الكلب ، و بعدين يا شوية عيال مش قولتلكوا اقتلوا محمود أو مي

أحد الرجال: نعمل ايه يا بوص ، ما أحنا حاولنا بس معرفناش

الرجل الغامض: شوية عيال واخدهم معايا ، يلله برا
الأشخاص: حاضر يا بوص

فى منزل محمود

إسراء: يااااه ده أنا ظهري اتقسم من الترويق ، الشقة كانت بايظة خالص

محمود: معلش يا ماما ، اهي خلصت اهي ، و إحنا معاكوا اهو يا ست الكل

إسراء: قلبي انت يا واد

أحمد : علفكرة أنا معاكوا والله
إسراء: طبعا يا قلبي طبعا🥰😍

محمد بنرفزة عند دخوله المنزل: ياااااه يعني مجتش فى قلبه ليه و خلصنا منه ، ياساتر على ده راجل

إسراء: مالك يا حبيبي بتكلم نفسك كده ليه

محمد : هتجنن الراجل ده مش طبيعي يا ستي ، ضربت عليه نار و برده لم يمت

محمود : إيه ده بجد ، ضربت عليه نار

محمد: ايوة يبني و أنا بضرب عليهم نار ، جت طلقة فيه بس حظه جت في صدره

محمود: خلاص يا بابا المرة اللى جاية تصيب، أنا بس كل اللى محيرني هو ليه بيعمل كده معانا

محمد : م أنا عرفت يا سيدي ، و ده مجنني اكتر

إسراء: يعني أنت عارف و سايبنا كل ده ، ما تقول من بدري

محمد: الموضوع و ما فيه إن ده راجل مجنون ، كل ده عشان الخناقة اللى حصلت قبل كده

محمود: خناقة ايه!!؟!؟!

محمد : الخناقة يا سيدي اللى انت بسببها روحت المستشفي ، ايه نسيتها

محمود: طب دي مالها و ماله

محمد : الواد اللى انت اتخانقت معاه ده يبقي ابنه ، و أنت لما اقعدت تضرب فيه ، كأنك مسكت حرام ، الواد جاله إصابة مزمنه ، و لما صاحبه ضربك على رأسك،  كان خلاص اتصاب منك ، كويس إنك مكملتش كان زمانه مات

محمود : ما هو اللى يستاهل ، هو اللى غلطان يا أبويا،  أنا معملتش حاجة غلط ، هو اللى بدأ فى الموضوع ، هو اللى عاكس مي ، و قل أدبه،  اسيبه يعني

أحمد: أنت مش غلطان يا برو ، هو اللى يستاهل ، أحسن عشان يبقي يتعلم

محمد: يا فرحتي بيكوا ، يعني هو يتعلم ،و أنتوا تموتوا

محمود : متقلقش يا حاج ، أنت مخلف رجالة ، عيب الكلام ده

أحمد: خلاص بقي سيبكوا من السيرة الزفت دي ، المهم إيه أخبارك نتيجتك يا برو