البارت الاول
هيلا يا رمانه
هيلا يمة
من هية الزعلانه
هيلا يمة
جكليتة الزعلانه
هيلا يمة
منهو اليراضيها
هيلا يمة
ابوها يراضيها
هيلا يمة
صايغ تراچيهاا
هيلا يمة
لاااااا مو ابوهااا يراضيني
هاا لعد منو تردين
انته راضيني
بس هية العبه هيج تكول
ما ما ما. ما معلية انته انته انته
كافي كافي
هسة نعيد العب
هيلا يا رمانه
هيلا يمة
من هية الزعلانه
هيلا يمة
جكليته زعلانه
هيلا يمة
منهو الي راضيها
هيلا يمة
اخوها يراضيها
هيلا يمة
محبس وكردانه
هيلا يمة
هههههه اي اي رضيت رضيت
اخويه يراضيني
دخل ابويه وشافنه نلعب
وصاح باخوية
لك بابا عيب تلعب وية البنات
بابا هاي مو بنات هاي اختي
واذا اختك مو بنيه
العب ويه الولد
وعوف لعبات البنات
امي سمعت صوت ابويه وطلعت تحاجي
الله يساعدك
تعال تعال فوت عوفهم يلعبون
ميصير يا مرة ميصير علمي يلعب ويه اصدقائة
لا تغشم نفسك ونته تعرف كلش زين موزين علي العب
فيلعب ويه اخته احسن ما يطلع برة ويركض ويه الولد
ويتخربط
اقلها مامحروم من العب
استغفر الله ربي
الك بيها ارادة رب العالمين
امي كالت
الحمد لله خليه سالم وكبال عينه ولا نخسرة
هاي الحجي ابوية كلما يشوفنه نلعب اني واخوية يحجيه
اني انقهر
بس اخوية الحر مينقهر
لان يعرف كلام ابوية من حركة كلبه يكوله
وضع الحر خاص
اي تعب ومجهود الدكاترة مانعته علي والكل ملتزم بهذا الشي
حتى هوة نفسة ملتزم
لان يعاني هواي اذا يخالف التعليمات مال الدكاترة
لذلك دائماً يلعب بهدوء وحركة قليله
الله سبحانه انعم علي بالعقل والهدوء
يمكن لو غير طفل جان يعاند ويظل يكمز
الة الحر
حبيبي هادئ ومطيع وعاقل وذكي
وهاي نعمة من الله انعمها علي
حتى يطول عمرة وننعم بوجودة بيناتنه
ابوية يتمنى يشوفة يركض ويلعب مثل اولاد عمنة
ونفس الوقت يخاف علي لان المجهود يتعبة وينيمة بالفراش
