البارت الثالث
جمانة
كملت ثالث متوسط بنجاح
والحر كمل سادس بتفوق ودخل للمتوسطة
اني من نوع مو هالكد الي خلك بالقرايه
فبلغت اهلي اريد ابطل
امي وابويه ما عارضوني كلش لان همة ظلت بيهم الخوفه
علينه من الخطف
واني كبرت وبدة ملامح جسمي تبرز
وهم برز جمال وجهي
فهذا السبب الي ما خلاهم يعارضوني
الخوف
الخوف علينة
بطلت
بس الحر بقه بدراسته مستمر
وجان كلة يطلع اعفاء بأخير ألسنه
لان الشهور كلة درجاتة عالية
علاقتنة اني وياه قوت اكثر واكثر
ماعرف شنو ممكن نسميها
او هية اقوى من ان نجعل الهة اسم
ارتباطنه اني واخوية الحر ارتباط روحي
نعزمنة مرة عد اقارب النة من اهل ماما
شافوني كبرانة خطبوني الابنهم
اني مشايفته الولد
لان من زمان ما ملتقين
واليوم عزمونا مسوين ثواب على روح بنتهم
متزوجة ومتوفية بالولادة
بس ماما كالت الهم بعدهي زغيرة
بس همة اصرو يحجون ويااا ابوية
وكالو الماما بتج كاعدة من المدرسه شمنتضرة حتى تزوجيها
بس الي اخرنا عن الموضوع الخطبه هوة حمل أمي المفاجاة
احنة فرحنا كلش
فرحنا لان عائلتنة زغيرة وحنه الرابط بينة قوي ونحب بعضنا
لذلك فرحنا راح يجينا اخ جديد
ماما بالبدايه نقهرت بس ابويه شجعها وكال الهة الحر يحتاج اخ
بلكي يجيله اخ يسندة
وبعد ما الحر حجة وياها وكلهة علواه يوم تجيبيلي اخ ويايه
اقتنعت وشالت من راسها الطفل متريده او وقته مو مناسب ابد
امي متدينه وتصوم وتصلي
بس لان تقدمت شويه بالعمر تخجل من الناس وخاصه بعد ما كامت الخطابه تجيني
ومن شافت فرحتنا بحملها كامت تدعي من الله سبحانه
الي تجيبه يطلع ولد
حتى يكون اخ وسند للحر اخوية
بس الاقارب ظلو يلحون بالاتصال وية امي علمود الخطبه
لما صارحتهم وكالت اخجل كدام الناس اطلع وبطني جبيرة وريد ازوج بنتي
عاد امه للعريس ما قبلت على كلامها وكالت الهة انتي موجبيرة حته تخجلين واذا بتج عروس ونتي حامل
لا عيب ولا حرام
فماما طلبت منهم ينتضرون اتجيب بسلامة
اله نتمم الخطبه
علمود اساعدها بخواتي التؤام
وهم من تجيب اشيل البيت عنها
همة وافقو ينتضرون
وبما انه ماعندي شي يشغلني بحياتي
فماكان عندي اعتراض ازوج
بس شي واحد جنت حايرة شلون اتحملة
فراقنا اني والحر اخوية
وحتى هوة من سمع اجوني خطابه
حسيت بي كلش انقهر بداخلة
وكلي منو بعد يفهمني اذا انتي رحتي
ماما والحر علاقتهم هم حلوة وقريبه منه
بس مو مثلي اني وياه
بابا هم من سمع ما عارض بالعكس شجع على زواجي
وحتى جدي
كال البابا زوجها
من شافه كال بعدهي زغيرة
گلة
بنتك حلوة وخاف عليها
