البارت الثاني عشر
ام جمانه
ماتوقعت منهم هيج يحجون
ابراهيم لو سامع اليوم رافد من خابرني
جان يمكن طكيت قهر
ام جمانه
صوجج
المفروض من رحتي تراويهم الدليل بالمراسله
اكلة ما اطاني مجال ابو رافد اخويه
وصوجنه اني والحر ودار وجهة
هنوب امها لعبت لعب
وهمة اهل الراهي
فوك ما بتهم لعبت على الولد
طلعنه احنه الغلطانين
ابو جمانه
طبعاً ميرضون عليكم
بتهم عدهم هية ام الحق لان ماعدهم دليل واضح عليها
متت قهر ابو جمانه كل شوي وكالت فوك ما وافقنا بيه وهوة مريض وبتها ولا حجت ولا فتحت حلكها
ونوب يسألوها متحجي بس تهز براسها
عود فقيرة
ابراهيم
وهسة شنو راح يبقه الوضع معلق
مادري
والله كلهم ميهموني
خايفه على أبني يتأثر
جمانه
والله اذا صار باخويه شي لا اخزيهم
وخاصه هاي ريم
شلون كتلت روحها علي
هسة صار ميعجب
خليها سنطة مو اراويهم شكاتبه هية
وخلي يكشفون تلفونها وخطها شراح يلكون بي بلاوي
وماريد اذكر اسماء الاشخاص
ومن راد ينهي اخويه هاي المهزله طلعوه غلطان
ابو جمانه
حاولي تنهين الموضوع بدون ضرر
لا همة ولا احنه
ابراهيم
شبيك شنهي
هية اذا عافها الحر منو ياخذها بعد وهية فاسخة ثالث مرة ليش اخويه ماقبل احجي
هم فضيحة وهم سمعه عليها
لذلك ما سمع النه
قبل سنة
قبل مرض الحر شلون جانو يتوسلون بناتنه اوله لتررحون برة تاخذون
ابراهيم
والله سكتت من كال اريد ريم وكلت ميخالف رغم ما راضي
بس هية شبيها ليش تغيرت
جمانه
بابا والله جانت فرحانه
بس تلكيها يحجون كدامها وهية متريد تزعلهم وتسمع الهم
وهم من غير جهات ترغيب وهية هم نجرفت
ابراهيم
استغفر الله باباتي ما اقبل تجيبين طاري البنية بغير امور
خل نكول البنيه مجبورة وما راضيه بالزواج
افضل من غير حجي حتى خوالج هم ما نخسرهم
ام جمانه
هدورة ميسكتون
تدري شكم تلفون اجاني يحجون علينه
شلون هيج ويه بيت رافد وبته
امها ما شاء الله تمشي وتحجي علينا
ابراهيم
رافد وينه عنهم بته شعجب ممراقبها
جمانه
بابا هوة شمدري كدامه شكل وراه شكل
يشوفها فقيرة كدامة
هوة هم رجال فقير مسالم شعرفة بته شلاعبا وراه
يصدك بيها وبامها لو بينا
اذا ما صار بيها مثل ما صار بافراح بت عمها
من رفضت حسين الولد الزين الفقير وتبطرت علي
وهوة مال وجمال واخلاق
وتالي شاخذت
ابراهيم
بابا الشغل مو عيب
لا بابا اقصد من تبطرت عالخير والولد الزين والنعمة
وبعدين ازوجت زبال
والوالد على كد حاله وهسة تكدي الگمة كديه
الله عاقبها عالبطر
وريم هم
وحق الله فلا تتهنة
