البارت الثاني
ام جمانه
الحمد لله والشكر لله
الف حمد وشكر الك يا رب
ماعندي اعتراض على حكمك
لكن اختبارك صعب
ماتحمل شي يصير على اولادي
الاهي الطف بيه وابني
ابو جمانة
اذكري الله ميصير هيج تسوين بروحج
لا اله الا الله محمد رسول الله
والله ذاكرتة وحامدته
بس مجاي اتحمل اشوف ابني هيج وضعه
كلبي يتكطع علي
وخايفه
خايفه ابراهيم عالحر يصير بي شي
ابو جمانه
كلة هذا اختبار من الله سبحانة يريد يشوف قوة صبرنه وايمانه بقضائة
ونعم بالله
بس مو بأولادي
البنيه راحت من عندي وهية توة اربعين عمرهة
وهسة الحر بهذا عمرة ويشوف هيج امراض واوجاع ومعاناة
الاختبار الا بيهم
كلشي اتحمل من ابتلاءات بس اولادي ماعندي القدرة اشوف يصير بيهم شي
لعد ربج بيمن يختبرنة
غير بأعز شي عدنا
ادعي من الله بالصحة الابنج
وعينج علي ونتبهي زين للتوصيات مال الطبيب
واهم شي تلتزمين بعلاجة
والله سبحانه مراح ينسانه اكيد
وهذي هم بنتج خطيه
جمانه تشوفج هيج تخاف وتحزن على اخوها
كوني قويه حتى نجتاز هاي المحنه
لا البچي يفيد ولا النوح
اللهم أسالك العافية
ودوام العافية
والشكر على العافية
عافية الدين والدنيا يا أرحم الرحمين
اللهم لا تفجع قلبي باولادي
انك انت السميع العليم
ام جمانة
سنة وثنين وثلاثة
واني خالته بروحي وقافله علي
وشريكتي بالتربيه
بنتي جمانه امة الثانية بالحرص والرعاية
كلة هذا الاهتمام
واني بين فترة وفترة زايرة المستشفى بالحرراكضة
لو يصخن
لو يضيق نفسة
سودة علية حتى مالعب مثل الجهال
لا ركض ولا لعب طوبه
كل لعبة ويه اختة بس بدون ركض وكمزة
وهوة هم مل وتعب من وضعه واصبح هادئ كلش
يخاف يتخربط ويعاني من المرض
اسمعه من ولد عمة يكولوله تعال نلعب
يكلهم لا اتخربط
اسمعه واموت الف موته قهر
بس شبيدي علي
بلغ من العمر خمس سنين
شويه تنفست وعبر مرحلة الخطر والاعراض بدت تقل شويه شويه منه
الف نذر نذرت السلامته
الى ان دخلت جمانه مدرسة وهنا بدت معاناتي
يريد اختة متعود عليها ويحس بالوحدة الى ان ترجع
واني دوام واضطر اعوفة بامانة مرة عمة
بس للامانة مرت حماية جانت تداري
بس خوفي من اولادها لا يغدرو لان اطفال ويغارون
يشوفون الاهتمام الزايد والرعاية كلة للحر
اكثر منهم واي واحد ياذي منهم
يتعاقب
ما يعرفون وضع الحر وخطورته وحرصنه كلة نابع من خوفنه علي
وبسبب الوهواس الي ياكلني كل ما اطلع للدوام
وجمانه تروح للمدرسه
خليتة مستمع ويه صف الاول
طبعاً الاقتراح كان من زوجي ابراهيم ابو جمانة
من كلي
كافي قلق راح تتعبين وتتمرضين الحل خليه مستمع ويه اخته صف اول هم يشوف جمانه ويرتاح
وهم انتي تطمانين محد من ولد عمة يأذي
وهم اخته عينها علي
وهم يتعلم الاحرف وطرق الكتابه
